‏"مثل الوطن والأهل جيت أنت "

بارت٣

بوسط الجمعه اللي مليانه ضحك وسوالف وراحه وسعاده هي موجوده بينهم ' تتحاشى نظرات اللي يتكلمون عليها بكل عين وهي قدامهم بضبط تحاول ما تلفت لهم ولا تعطيهم اي اهميه ' لفت على اللي دخلت من الباب اللي بكامل كشختها ودلعها الزايد ' ماتدري مين هي بس اللي عرفته انها فوق وبعيده عن وضعهم وعن ميزتهم ' شافتها تجلس بدون ما تسلم على الموجودين ' سلام نظر على قولتها ' اشرت لها جدتها تقوم تصب لها القهوه وهي الود ودها ما تقرب صوبها ولا تحتك فيها ' قامت وهي خلاص كرهت الجمعه من حركتها اللي مالها مُبرر ' خذت الدله وقربت صوبها وهي تقهويها وعينها على الفنجال ما ودها ترفع عينها تشوفها عن قرب ' بلحظه وحده منها وبغلط شديد كبت الفنجال على يدها ' قامت تصارخ من الحراره ومن حركتها اللي خلتها عمداً منها بسبب نظراتها اول ما دخلت '
مزن : عمى يعميك يالرفله ما تشوفين قدامك ما تعرفين تصبين ليه تتفلسفين وتقومين
نغم وعيونها يكسيها الدموع ويدها اللي ترجف ودها تطلع برا الجمعه ودها تبكي ودها تصارخ ' قامت عمتها وهي تدفها وتصارخ عليها بعصبيه
اشجان : عمياء انتي ما تشوفين فشلتينا الله يفشلك
لفت عليها وهي تنفض ملابسها من القهوه وتقومها تروح تغسل ' انصدمت من ردة فعل عمتها اللي قلبت عليها واللي خلت الغلط عليها مقصود ووقفت مع هالغريبه ' ما جاء ببالها شيء غير انها سوت كل هاذا عشان فلوسها ' لان واضح منها ومن شكلها الفلوس مشبعتها وهي اللي تعرفها الفلوس عندها تعميها مستعده تتبرا من اهلها ومن نفسها عشان الفلوس '
قامت بنت عمتها اللي تعتبرها اختها وصديقتها المقربه جات خذتها وهي ترقيها لغرفتها وتسكر الباب
بيان وهي تمسك يد نغم اللي ترجف
نغم وهي تناظرها واللي معد تحملت واجهشت بالبكي
قامت بيان تحضنها وتسمي عليها وهي ودها تنزل وتقلب اليوم عليهم " دخلت عمتها وهي تمسكها من يدها وهي بكامل عصبيتها
اشجان : ما تقولي لي وش سويتي ؟ ها يعني ما تدرين انها زوجة اغنى تاجر ذهب ؟ فشلتيني معها خربتي يومنا وجمعتنا علميني ليه سويتي كذا ليييييه ؟
بيان وهي تشد على حضن الغيم
بيان : يمه خلاص انتي تدرين انها مالها ذنب وجات بالغلط بعدين ذي اللي مسويه يعنني ماشافتها تمد يدها بالفنجال ليه ما وقفت سالفتها وتاخذه مخليتها واقفه عندها تنتظرها خير هي الغلطانه
اشجان وهي تضرب بيان على كتفها
اشجان : اص قصري صوتك لا تسمعك لا تفشلينا نفس الخبله ذي ' اسمعيني انتي تقومين الحين وتروحين تعتذرين لها وتحبينها على راسها تفهمين قومي قدامي
نغم قامت بعصبيه وهي تمسح دموعها وتوقف قدامها
نغم : تخسي هاذي اعتذر لها ولا اعطيها اعتبار ' هي ما احترمت الموجودين والكبار بسن ولا عطيتهم اهميه
تبيني الحين اروح لها واعتذر لها واحبها على راسها ' وذمتي تخسي ما سويتها
اشجان وهي تتقدم صوبها : يعني عساس عندك كرامه ؟ ولا عندك حشيمه لنفسك ؟ ترا اقصاك يتيمه لا ام ولا اب يشوفون حركات وقوتك هاذي ' خليها لنفسك وتفاخري فيها مب عندي هنا وببيتي
عطتها ظهرها وهي تطلع وتسكر الباب بقوه " طاحت من حيلها وهي تبكي من العيشه اللي تعبت فيها سنين ما تغيرت ولا تغير اسلوبهم معها ' عشانها يتيمه ؟ عشان ما عندها سند ؟ كل هاذا تساله لنفسها يومياً ولا حصلت اجابه له "