نغم اللي ظلت بحضن جدتها طول الوقت ،
ونشميه اللي قلبها ارتاح من شافتها بحضنها بعد يوم كامل بدونها
نشميه : يوم كامل بدونتس ؟ صعبه علي صعبه
نغم : شوفيني رجعت لتس ، وطيبه وبخير ، وش له هالطاري الحين
نشميه : الحمدالله يامي ، الحمدالله انتس رجعتي لي سالمه
ريم بابتسامه : سولفي لنا يلا وش صار ومن جابك وكيف صار
شهد : مين اللي يحب يسولف الحين انا ولا انتي
ريم : وخري كيفي مبسوطه خليني
شهد : الله وكبر والدموع اللي قبل شوي واصله للارض دموع مين ؟
سارا : اوله يا شهد خليها مبسوطه شعليك
نغم : ما صار شيءٍ ، بس فجاه بغمضة عين حصلت نفسي بعيده عنكم ولحالي ، كنت برجع لكم او ادور طريقه لرجعه بس كان ظلام ما قدرت اميز ، فجاه طفى علي الدباب ، وقعدت لحالي
بشاير : يمه ياقو قلبك يا نغم
نغم : مين قالك قويه ! قعدت اصيح اصيح لين
شهد بنظرات : لين وش ؟
نغم بابتسامه: لين جاء رجال وساعدني
بشاير : الله الله شكلك غرقانه ؟
شيخه بصدمه : بشاير عيب عليك
نغم بصدمه : فاضيه اغرق وانا ضايعه
شهد : يعني مناك ومناك عادي تصير
سارا : ياويلي ويلاه منكم خوات صدق نفس التفكير
نشميه : هو اللي جابتس ؟
نغم هزت راسها بصمت
نشميه : وينه ؟
نغم : مادري ، رحت وهو كان مع خالي سلطان
نشميه : شيخه
شيخه : سمي
نشميه : دقي لي على سلطان
نغم اللي ناظرت نشميه بصدمه وعرفت وش بتسوي
والبنات اللي ضحكو من نظرات نغم لنشميه
نشميه : الو سلطان
سلطان : سمي
نشميه : الرجال عندك ؟
سلطان : اي
نشميه : ابي اسلم عليه
سلطان : يحق لك ياخيتي ، تعالي عند الباب
سكر وهو يناظر بهاج اللي معجبه هدوءه وجديته
سلطان : جدة نغم بتسلم عليك وتشكرك
بهاج اللي هز راسه وهو يقوم مع سلطان ، وقف وهو يشوف القصر الكبير ، ناظر لكبيرة السن اللي تطلع من الباب ، تقدم من تقدم سلطان صوبه ، وقفت جنب سلطان وهي تناظره ، البنات ونهله وشيخه اللي تجمعو عند الدريشه يناظرونهم ، البنات اللي شهقو من شافوه
شهد : يخرب بيتك يا نغم
بشاير : ما تنلامين اذا ما بغيتي ترجعين
نغم بصدمه تناظرهم
نهله بابتسامه : ماشاءالله تبارك ، الله يخليه لاهله
ريم : ويرزقنا مثله
نهله لفت عليها : اص عيب
سارا : خليتو فيها عيب ؟
شيخه : مزيون ها ؟
نغم بصدمه : حتى انتي يا خاله !
ضحكت شيخه من صدمتها وهي تحضنها ومبسوطه فيها
نشميه بابتسامه : الله يوقفك وييسر امورك يا وليدي
عز الله انك رجعت لي راحتي وسعادتي ، ما تدري كيف وضعي من دونها يشهد الله
بهاج بجديه : تسلمين يا عمه
سلطان : عز الله رجال
بهاج : تسلم
لفو من سمعو صوت سياره توقف بالمواقف ، سيف اللي نزل وشاف بهاج واقف معهم ، شد على يده بقوه
تقدم صوبهم وهو يشوف بهاج اللي نظراته تغيرات على طول ، سلطان اللي كان يناظره بغضب ، وينتظره يجي بنفسه ، وقف قدامهم وهو يناظر بهاج ومركز عليه
<<<<<<<<<<<<<<<>>>>>>>>>>>>
بوسط العرس وهي منفسه وكارها نفسها بالكامل
مزن اللي تعبت معها وهي تقولها ارقصي وقومي وشوفي ، تنهدت وهي تمسك جوالها بطفش
مزن بقرف : قسم بالله ما تستاهلين تحضرين عرس زي كذا ، انتي يبي لك بيت ولاب وبس
لارين وعيونها على الجوال : حلو انك تدرين
مزن بغضب : نزلي جوالك وكلميني
لارين نزلت جوالها بتأفف
مزن : شوفي البنات كيف يرقصون ، شوفي كيف قاعدين ويتضحكون ومبسوطين ، مب انتي كانك جايه عزاء من عرس
لارين : ماما كافي جايه غصب ، لا تغصبيني اكثر من كذا
مزن : ابي الناس تشوفك ابيهم يدرون ان عندي بنت مو بس بالاسم
لارين : تدرين عاد ! بهالعرس بذات تاكدو ان عندك بنت صدق
مزن لفت على اشجان وبيان اللي جايين صوبهم
مزن بخفوت : شوفي مين اللي جاء ، اضحكي شوي والله مو عزاء والله
شافتها تسلم على اشجان وبيان ، سلمت عليهم وهم يقعدون
اشجان : واخيراً شفناك يا لارين ، نسمع فيك ولا نشوفك
مزن ضحكت بفشله
لارين : والحين شفتيني ، شرايك فيني ؟
اشجان : ليتك دايم تجين لاجل نكحل عيونك
لارين اللي ابتسمت لبيان وتذكرت نغم على طول
لارين بابتسامه : كيفك بيان
بيان : بخير الحمدالله ، اخبارك
لارين : مغصوبه ، اااقصد طيبه الحمدالله
بيان اللي ضحكت بخفوت من شافت نظرات مزن لـ لارين ، واشجان اللي انعجبت في لارين ، ما تشوفها الا وين وين ، تغيرت من اخر مره شافتها ،
ركزت مزن على نظرات اشجان لـ لارين ، عصبت من شافت تعابير لارين اللي طفشانه وملانه ،
<<<<<<<<<<<<<<<<>>>>>>>>>>>
الاستراحه اللي كانت فرق عن الاحداث كلها ،
كانت مليانه ضيوف ورجال ، ضيوف مطلق اللي بين فتره وفتره يعزمهم ، والعيال يقومون بالواجب وزود
همام اللي يصب القهوه
نايف اللي يساعد همام
بتال وغيث اللي مشرفين على العشاء والطبخ
مطلق اللي كان مره عنده الضيوف ومره عند الطبخ يشيك
همام اللي وقف بتعب : هالمره اكثر من اخر مره
نايف : اصدقاء مطلق كل يوم يزيد واحد
همام : والله ياخي مادري من وين يلقطهم
بتال : عازم اخوياه اللي كانو معه بالثانوي ، عشان كذا زادو
غيث : ابوك بالمشوار ، بالثانوي
همام : هو معارفه كثار ماشاءالله واجتماعي ، بس ياخي تعب
بتال وهو يطق كتفه : رح صب قهوه قبل يقوم عليك
راح همام وهو يتنهد ، كملو شغل وكل واحد راح يسوي اللي عليه ،
<انتهى>
أنت تقرأ
"مثل الوطن والأهل جيت أنت "
Random(ألهامي الاول )...🧡 اهلن بكم يالرفاق اتمنى ان تنال اعجابكم روايتي وقراء ممتعه🌷 للكاتبه:دانا تشرفوني بحسابي الانستا: eev.39 اي شي يخص الروايه بينزل هناك مستمرة
