Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (1) (Complete) 🌷💖

အခန်း (၁)

စိုထိုင်းပြီး ခြောက်ခြားစရာကောင်းသော အခန်း၏ အလယ်အပေါ်တည့်တည့်တွင် မီးသီးတစ်လုံးချိတ်ဆွဲထားလေ၏။ မီးသီးမှာ မှုန်ပြပြသာလင်းပြီး မီးသီးအောက်တည့်တည့်တွင်သာ အလင်းရောင်ရှိလေ၏။ ကျန်နေရာတစ်ဝိုက်မှ မှောင်မဲနေလေသည်။ ထိုမီးရောင်အောက်တွင် ထိုင်ခုံနှင့်တွဲချည်ကာ ကြိုးတုပ်ခံထားရတဲ့ လူတစ်ယောက်။ ထိုသူ၏ မျက်နှာတစ်ခုလုံး ဖူးယောင်ကာ သွေးအလိမ်းလိမ်းဖြင့် ဖြစ်နေသည်။

"အခုထိ အမှန်အတိုင်း ဝန်မခံဘူးပေါ့။ ငါ့ အချိန်တွေကုန်တယ်။ ယက္ခ ဒီ ကောင့်ကို ငရဲပို့လိုက်တော့"

အသံက ဖမ်းခံရသူရဲ့ ရှေ့တည့်တည့်ထိုင်ခုံပေါ်တွင် စမတ်ကျစွာ ခြေချိတ်ထိုင်ကာ လက်ထဲက စီးကရတ်တစ်လိပ်ကိုဖွာနေသော သွေးအေးလှသော မိန်းမလှလေးတစ်ဦး။ သူမက ဖမ်းခံရတဲ့သူကို လက်စဖျောက်ရန်အမိန့်ပေးလိုက်တယ်။

"ဟုတ်ကဲ့ပါ မမလေး။ ဟေ့ကောင်တွေ ကြာတယ် လုပ်လိုက်တော့"

"ဟုတ်"

ဘေးနားတွင်ဝန်းရံထားသော အနောက်တိုင်းဝတ်စုံ suit အပြည့်ဝတ်ဆင်ထားသော လူများက ဖမ်းခံရသောသူအား တစ်နေရာကို ဆွဲခေါ်သွားကြ​လေသည်။ ထိုသူတို့ဆွဲခေါ်သွားသော နေရာသည်ကား ဘယ်တော့မှ ပြန်မရှင်နိုင်သော နေရာတစ်ခု။ Shadow Storm(အရိပ်မုန်တိုင်း) မာဖီးယား အဖွဲ့၏ မြေအောက်ငရဲခန်းပင်ဖြစ်တော့သည်။

"မမလေး ဟိုအဖွဲ့ကို ဘာဆက်လုပ်မလည်း"

"ငါးစာလေးနည်းနည်းနဲ့မျှားရမှာပေါ့။ အခြေအနေကိုဆက်ပြီးစောင့်ကြည့်ထား။ အခြေအနေကောင်းရင် အမြတ်ထုတ်လိုက်တော့။ ကြားလား"

"ဟုတ်ကဲ့ပါ မမလေး။ စိတ်ချပါ။ ဒါဆို ကျွန်တော်တို့ လှုပ်ရှားလိုက်တော့မယ်။ ခွင့်ပြုပါဦး"

မိန်းမချောလေး ဘေးနားတွင်ရှိနေသော အနက်ရောင်ဝတ်စုံဝတ်ထားသော လူတစ်ယောက်က ရိုကျိုးစွာပြောဆိုပြီး အရိုအသေပြုကာ ထွက်သွားလေသည်။ မိန်းမချောလေးလည်း ထိုင်ရာ မှထလိုက်ပြီး အကြောဆန့်လိုက်သည်။

ထိုအချိန် မိန်းမချောလေးရဲ့ ညာလက်ရုံးဖြစ်သော တောင့်တင်းလှပသည့် ခန္ဓာကိုယ်အချိုးအစားကို ပိုင်ဆိုင်ထားသော Sunny ဆိုတဲ့ မိန်းမလှလေးလည်း ရောက်ရှိလို့လာခဲ့သည်။