Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (1) (Complete) 🌷💖

အခန်း (၄)

မနက်ခင်းတွင်ဖြာကျလာသော အာရုဏ်ဦး ​ ရောင်နီ နဲ့အတူ သျှားတစ်​ယောက် မြူးကြွစွာနိုးထလာခဲ့လေသည်။ သျှားရဲ့ Iphone 14 pro max ဖုန်း Screen wallpaper ပေါ်တွင် ဒေါ်မေဘရဏီပျိုရဲ့ ပုံက နေရာယူထားချေသည်။ ပြီး မနက်ခင်းလုပ်နေကြ နိစ္စဓူဝ လုပ်ငန်းများကို လုပ်ဆောင်ပြီး သကာလ အောက်ထပ်ကိုဆင်းလာခဲ့လေ၏။

"ဟာ သမီး သျှား။ အစောကြီးနိုးနေပါ့လား"

"ဟုတ်တယ် ကြီးမေ။ စိတ်ပျော်စရာလေးတွေ့လာလို့။ ဒီနေ့မနက်စာက ဘာပြင်ထားလည်းကြီးမေ"

"သမီးကြိုက်တဲ့ အုန်းနို့ခေါက်ဆွဲကို စပါယ်ရှယ်ချက်ထားတယ်။ အဝသာစား"

"ဟာ။ ဟုတ်လား။ အုန်းနို့ ခေါက်ဆွဲဆို ကြီးမေ လက်ရာကစားအကောင်းဆုံးဘဲ"

သျှားတစ်ယောက် ပြောပြောဆိုဆိုနှင့် ထမင်းစားခန်းထဲက စားပွဲပေါ်တွင်ထိုင်လိုက်၏။ အိမ်အကူ အလုပ်သမားမလေးများက အုန်းနို့ခေါက်ဆွဲကို ပြင်ဆင်ပေးလေ၏။ အုန်းနို့ခေါက်ဆွဲမှာ သျှားအကြိုက် ဖြစ်သောကြောင့် သျှား တစ်​ယောက် ခေါင်းမဖော်တမ်းလွေးလေတော့၏။

ထိုအချိန်တွင် သျှား ရဲ့ ညာလက်ရုံး၊ ဘယ်လက်ရုံးဖြစ်သော Sunny နဲ့ Rosy တို့လည်းရောက်ရှိလို့လာခဲ့လေသည်။

"ဟာ..မမလေး အုန်းနို့ခေါက်ဆွဲစားနေတာလား"

"Sunny နဲ့ Rosy တို့ပါလား။ လာ ထိုင် မင်းတို့ပါ တစ်ခါတည်းဝင်စားသွားလိုက်။ ကြီးမေ သူတို့အတွက်ပါ ထည့်ပေးလိုက်အုံးနော်"

Sunny နဲ့ Rosy လည်း သျှားဘေးနားက ထိုင်ခုံပေါ်တွင် ထိုင်လိုက်ကြပြီး အုန်းနို့ခေါက်ဆွဲကိုစားကြလေ၏။ ကြီးမေ ချက်သော အုန်းနို့ခေါက်ဆွဲကို သူတို့လည်း ကြိုက်ကြလေသည်။ စားသောက်ပြီးတော့ ကော်ဖီသောက်ရင်း စကားပြောကြလေသည်။

"ငါလည်း မင်းတို့ဆီကို ဖုန်းဆက်မလို့ဘဲ။ မင်းတို့ရောက်လာတာနဲ့ အတော်ဖြစ်သွားတယ်"

"ဟုတ် မမလေး။ မမလေး ခိုင်းထားတဲ့ ကိစ္စတွေအကုန်လုံး လုပ်ဆောင်ပြီးပါပြီ။ လုပ်ငန်းတွေအကုန်လုံးလည်း အဆင်ပြေပါတယ်။ နယ်စပ်ကအရောင်းအဝယ်ကိစ္စက ခုတစ်လော နည်းနည်း ကြပ်နေတယ်။ ဒါပေမဲ့ အဆင်ပြေအောင်လုပ်ဆောင်နေပါတယ်။ စိတ်ချပါ မမလေး"