Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (1) (Complete) 🌷💖

အခန်း (၄၁)

အခန်းထဲတွင်မြင်ရသော အရာများကြောင့် ရဲတပ်ဖွဲ့ဝင်များအားလုံး ပါးစပ်အဟောင်းသားနဲ့ဖြစ်ကုန်ကြသည်။ အခန်းထဲတွင် စိတ်ကြွဆေးမျိုးစုံကိုထည့်ထားသော သေတ္တာပုံးများကိုအများအပြားတွေ့ရလေသည်။ ထို့အပြင် ဘိန်းဖြူများနှင့် မူးယစ်ဆေးမျိုးစုံကိုလည်းတွေ့ရလေသည်။ ကောင်းခန့်လည်း ထိုပစ္စည်းများကိုတစ်ခုချင်းလိုက်စစ်ကြည့်ပြီး ခေါင်းတစ်ချက်ငြိမ့်လိုက်လေသည်။

"ကဲ ဆရာကြီးတို့ ဒီပစ္စည်းတွေအကုန်လုံးကိုသိမ်းပြီး ဒီ Bar ရဲ့မန်နေဂျာနဲ့ ဝန်ထမ်းအားလုံးကိုဖမ်းခေါ်လိုက်ပါ"

ကောင်းခန့်စကားအဆုံး၌ ရဲတပ်ဖွဲ့ဝင်များက ခေါင်း​ငြိမ့်လိုက်ကာ အသီးသီးလုပ်စရာရှိတာများကို လုပ်လိုက်ကြလေသည်။ ထို့နောက် ကောင်းခန့်လည်း အရှေ့ဘက်သို့ထွက်လာခဲ့လေသည်။ ပြီး သဝဏ့်ကိုပြောလိုက်လေသည်။

"အမ ကျွန်တော်တို့ရထားတဲ့သတင်းက အမှန်တွေပါ။ Bar ရဲ့အနောက်က အခန်းတစ်ခန်းထဲမှာ စိတ်ကြွဆေးမျိုးစုံ​နဲ့ မူးယစ်ဆေးဝါးများကိုတွေ့ရပါတယ်။ အဲ့ဒါတွေကို တပ်ဖွဲ့ဝင်တွေက သိမ်းဆည်းလာခဲ့ပါပြီ။ ဒီ Bar ရဲ့ မန်နေဂျာနဲ့ ဝန်ထမ်းအားလုံးကိုစစ်မေးပြီး ထောင်ထဲထည့်သင့်တဲ့သူတွေကို ထောင်ထဲထည့်ရမှာဘဲ"

ကောင်းခန့်စကားကြောင့် သဝဏ်လည်းခေါင်းငြိမ့်လိုက်ကာ ဘေးနားတွင်ရှိနေသော မန်နေဂျာဆိုတဲ့ နှုတ်ခမ်းမွှေးဗရပျစ်နဲ့လူကိုကြည့်လိုက်လေသည်။ ထို သူမှာ ကောင်းခန့်ရဲ့စကားကိုဘာမှမဖြစ်သည့်အလား စပ်ဖြဲဖြဲ အမူအရာနှင့်ပြောလိုက်လေသည်။

"ဟဲဟဲ ဘာတဲ့ ငါတို့ကိုထောင်ထဲထည့်မယ်ဟုတ်လား။ မင်းတို့ ငါ့ကိုထောင်ထဲထည့်လည်းခဏပါဘဲကွာ။ ငါ့ဆရာက ငါ့ကိုပစ်မထားပါဘူးကွာ။ ငါ့ကိုချက်ချင်းပြန်လွတ်ပေးမှာပါ ဟားဟားး"

ထိုသူက ထိုကဲ့သို့​ပြောပြီး တဟားဟားရီလိုက်လေသည်။ သဝဏ်လည်း ဒေါသထွက်ထွက်နဲ့ ထိုသူ၏ မျက်နှာကို လက်သီးဖြင့်ထိုးလိုက်လေသည်။ ထိုသူမှာ သဝဏ့်၏ လက်သီးဒဏ်ကြောင့် အားခနဲအော်ကာ မြေပေါ်သို့ပုံလဲကျသွားလေသည်။