Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (1) (Complete) 🌷💖

အခန်း (၃၆)

ပထမဦးဆုံး ရွှေတိဂုံဘုရားသို့ အရင်သွားကြလေသည်။ ရွှေတိဂုံဘုရားတွင် ပန်း၊ရေချမ်းစသည်များကိုဆည်းကပ်ကာ လှူဒါန်းပူ​ဇော်လေသည်။ သျှား နဲ့ သဝဏ် တို့နှစ်ယောက်ကလည်း မေတို့ဘေးနားကနေလိုအပ်တာမှန်သမျှဝိုင်းကူကာလုပ်ပေးလေသည်။ ထို့နောက် ရန်ကုန်တိရိစ္ဆာန်ဥယျာဥ်သို့​သွားကြပါသည်။ တိရိစ္ဆာန်ဥယျာဥ်သို့ သျှားတစ်ယောက် မောင်းလာသောအခါ မေနဲ့နန်းရဲ့မျက်နှာလေးက ချစ်စဖွယ်ကောင်းအောင်မဲ့ရှုံသွားလေ၏။

"ဘယ်နှယ့် တိရိစ္ဆာန်ဥယျာဥ်ကိုမောင်းလာရတာလည်း မိသျှားရဲ့"

နန်းက ထိုသို့ပြောလိုက်တော့ သျှား ကစပ်ဖြဲဖြဲအမူအရာဖြင့်ပြန်ပြောလေသည်။

"ဟာဒေါ်လေးကလည်း သမီးမရောက်ဖူးလို့ပေါ့။ အဲ့ဒါ​ကြောင့်မောင်းလာလိုက်တာ။ လည်မယ့်လည်တော့ နေရာစုံအောင်လည်ကြတာပေါ့"

သဝဏ်ကလည်း တိရိစ္ဆာန်ဥယျာဥ်ရောက်တာကိုပျော်နေတဲ့အမူအရာဖြင့်ထောက်ခံလေသည်။

"သျှား တော်တယ် ငါ့သူငယ်ချင်း။ ငါလည်းမရောက်ဖူးဘူး ဟီးးဟီးး။ နောက်ပြီးရင် ကစားကွင်းသွားကြမယ်"

သဝဏ်ရဲ့စကားကြောင့် သျှားလည်းရီလိုက်မိလေသည်။

"သိပ်ကောင်းတာပေါ့ သဝဏ်ရ။ ပြီးရင် ကစားကွင်းသွားကြမယ်။ ဟဲ..ဟဲ"

မေ နဲ့နန်းကတော့ ဒီကလေးလိုလိုလူကြီးလိုလိုနှစ်ယောက်ကိုမနိုင်ဘူးဆိုတဲ့ပုံစံဖြင့်ကြည့်လိုက်လေသည်။ ထို့နောက်တွင်မူ တိရိစ္ဆာန်ဥယျာဥ်ဝင်ပေါက်သို့ ရောက်လာကြလေသည်။ သျှားက လေးယောက်စာလက်မှတ်ဖြတ်ပြီးသကာလ တိရိစ္ဆာန်ဥယျာဥ်ထဲသို့ဝင်ခဲ့ကြလေသည်။

ထို့နောက် တိရိစ္ဆာန်ဥယျာဥ်ထဲတွင် တိရိစ္ဆာန်မျိုးစုံကိုလှည့်လည်ကြည့်ရူကြလေသည်။ ပြီး တိရိစ္ဆာန်များအတွက် အစာတွေကိုလည်းကျွေးခဲ့ကြလေသည်​။ မေ နဲ့ နန်းတို့နှစ်​ယောက်မှာလည်း ဒီကလေးကြီးနှစ်ယောက်ကိုထိန်းနေတာလည်းမနိုင်တော့ပေ။
(အဲဒီ့ကလေးကြီးနှစ်ယောက်က ဘယ်လောက်ဆိုးတယ်ဆိုတာမသိကြသေးဘူး😅)

ထို့နောက်တွင်မူ နေ့လည်စာကို မေ ပိုင်ဆိုင်တဲ့ The Golden Myanmar Hotel တွင်စားကြလေသည်။ ပြီး  ပြည်သူ့ရင်ပြင်သို့တစ်ခါသွားကြပြန်သည်။ ပြည့်သူ့ရင်ပြင်သို့ရောက်သောအခါ သျှားနဲ့သဝဏ်တို့နှစ်ယောက်က တွေ့သမျှ ကစားစရာများကိုဝင်ဆော့ကြလေသည်။ တိုက်ဂါးဆိုလည်းဆော့လိုက်တာပါဘဲ။ မိုးပျံရထားဆိုလည်းစီးလိုက်တာပါဘဲ။ လွန်းပျံလှေလည်းစီးလိုက်တာပါဘဲ။ မေ နဲ့ နန်းတို့နှစ်ယောက်ကလည်း ကလေးကြီးများနောက်သို့တကောက်ကောက်လိုက်နေရလေသည်။ သို့ဖြင့် တဖန် သရဲအိမ်သို့ရောက်လာကြလေသည်။