Great Wall Shopping Mall ထဲသို့ မေနဲ့ နန်းတို့နှစ်ယောက်ဝင်လာသောအခါ Shopping Mall ရဲ့မန်နေဂျာချုပ်ကထွက်ကြိုလေသည်။
"မင်္ဂလာပါ သူဌေး"
"မင်္ဂလာပါ"
ထိုမန်နေဂျာချုပ်က လုံခြုံရေးဝန်ထမ်းနှစ်ယောက်ကိုလည်းခေါ်ယူကာ မေတို့နောက်သို့လိုက်ပါလာခဲ့လေသည်။ နန်းက ထိုကဲ့သို့အနောက်ကနေ မန်နေဂျာချုပ်နဲ့ဝန်ထမ်းနှစ်ယောက်လိုက်ပါတဲ့အတွက်ကြောင့်မိုလို့မနေတတ်ပါ။ မိမိက လွတ်လွတ်လပ်လပ်စျေးဝယ်ချင်သည်။ ထို့ကြောင့် မေ့ အနားသို့ကပ်ကာပြောလိုက်လေသည်။
"ညီမလေး ဟိုဟာလေ အနောက်ကမန်နေဂျာနဲ့ဝန်ထမ်းတွေကို ပြန်လွတ်လိုက်ပါ့လား။ အမ သူတို့နောက်ကနေလိုက်လာရင် စျေးမဝယ်တတ်လို့။ အမ ဝယ်မှာက မိန်းကလေးပစ္စည်းတွေများတယ်လေ"
နန်းစကားကို မေ လည်းအသာခေါင်းငြိမ့်လိုက်လေသည်။ ဟုတ်ပေသားဘဲ။ အမ က ဘယ်နေတတ်မှာလည်း။ အားနာနေမှာပေါ့။
"မန်နေဂျာကြီးနဲ့ဒီက ဝန်ထမ်းတွေကမလိုက်နဲ့ တော့နော်။ ရပါတယ်။ လိုအပ်မှဘဲဖုန်းဆက်လိုက်တော့မယ်။ ကျေးဇူးတင်ပါတယ်"
မေ့ က ထိုသို့ပြောလိုက်တော့ မန်နေဂျာကြီးမှာ မေ့ ကိုခေါင်းငုံကာအရိုအသေပေးလိုက်လေသည်။
"ဟုတ်ကဲ့ပါ သူဌေး။ ဒါဆို လွတ်လွတ်လပ်လပ်ဝယ်ပါနော်။ လိုအပ်တာရှိရင် ကျွန်တော့်ဆီကို အချိန်မရွေးဖုန်းလှမ်းဆက်လိုက်ပါ။ ကျွန်တော်တို့ကို ခွင့်ပြုပါအုံး သူဌေး"
"ကောင်းပါပြီရှင်"
ထိုမန်နေဂျာနဲ့ဝန်ထမ်းနှစ်ယောက်မှာ မေ ကိုခေါင်းငုံအရိုအသေပေးပြီး မေတို့ရှေ့မှထွက်သွားလေသည်။ နန်းလည်းထိုအခါကျမှ မေ့ ကိုလက်ဆွဲခေါ်ကာ အမျိုးသမီးသုံးပစ္စည်းရောင်းတဲ့ဆိုင်သို့သွားလေသည်။
သျှားတစ်ယောက်မှာလည်း Shopping Mall သို့ရောက်ရှိလာပါသည်။ မြေအောက်ခန်းတွင်ကားထားပြီး ဓာတ်လှေကားဖြင့် ပထမထပ်သို့တက်လာခဲ့ပါသည်။
ထိုစဥ် သဝဏ်တစ်ယောက်မှာလည်း ညစာအတွက်လိုအပ်တဲ့ ခေါက်ဆွဲခြောက်တို့ဘာတို့ဝယ်ရန် Shopping Mall သို့မရည်ရွယ်ဘဲရောက်လာခဲ့လေသည်။ အိမ်မှာက ရိက္ခာ ကုန်နေပြီလေ။ ဝင့်ဝါဆီကိုမသွားခင် ရိက္ခာဝင်ဝယ်မှပါဘဲ။ နို့မို့ ညစားစရာမရှိဖြစ်နေလိမ့်မယ်။
YOU ARE READING
Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (1) (Complete) 🌷💖
Lãng mạnMs. Mafia & Ms. CEO (မာဖီးယားခေါင်းဆောင်ရဲ့ ဧကရီ) (သွေးအေးပြီး ရက်စက်သော မြေအောက်ရာဇာဂိုဏ်းရဲ့ မာဖီးယားအဖွဲ့ခေါင်းဆောင် မိန်းမချောလေး သျှားခတ်မောင်။ စီးပွားရေးလောကရဲ့ ဒိတ်ဒိတ်ကြဲထိပ်တန်း ဖြစ်သော Tulip Group Perfume Company ၏ ဥက္ကဌတစ်ယောက်၊ The Golde...
