Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (1) (Complete) 🌷💖

အခန်း (၃၄)

နန်း တစ်ယောက် Rosy နဲ့အတူ ဆူးလေမှာရှိတဲ့ မြေကွက်ကို သွားရောက်ကြည့်ရှုလေသည်။ မြေကွက်က တကယ့်နေရာ​ကောင်းမှာဖြစ်သဖြင့် နန်း သဘောကျရပါ၏။ ပြီး အတော်အသင့်လည်း ကျယ်ဝန်းပါသည်။ စျေးကတော့ အမြောက်ပါ။ သို့သော် နန်း ထိုမြေကွက်ကိုအရမ်းသဘောကျနေပါသည်။ ထို့ကြောင့် စျေးကို ပိုင်ရှင်နဲ့တိုက်ရိုက်တွေ့ပြီး ညှိနှိုင်းကာစစ်လိုက်ပါသည်။ ပိုင်ရှင်က လည်း စျေးကိုမလျှော့ပေးချင်။ နန်းကလည်း စျေးကိုနည်းနည်းလောက်ဖြစ်ဖြစ်လျှော့ပေးစေချင်သည်။ နောက်ဆုံးပိုင်ရှင်လည်း နန်း လျော့ခိုင်းတဲ့စျေးအတိုင်း အင်တင်တင်နဲ့ပေးလိုက်လေသည်။ ထိုအခါကျမှ နန်းလည်း တစ်ခါတည်းစာချုပ်တန်းချုပ်ပြီး စားသောက်ဆိုင်ကို ဆောက်လုပ်ရန်အကောင်အထည်ဖော်လို​က်တော့သည်။

ဒီ​နေ့ စနေနေ့ဖြစ်သောကြောင့် ရုံးပိတ်ပါသည်။ ထို့ကြောင့် သျှား တစ်ယောက်လည်း မိမိအခန်းထဲတွင်  Sunny ပို့ပေးသော ရှိုင်းထက်၏ ဦးလေးဖြစ်သူရဲ့ ပုံများကို ကြည့်နေလေသည်။ သူ့နာမည် ရာဇာစိုးဟုသိရသည်။ တစ်ချိန်က ပြည်ထောင်စုဝန်ကြီးတစ်ယောက်။ နောက်တော့ ရာထူးပြုတ်ကာ တစ်ဘက်နိုင်ငံသို့တိမ်းရှောင်နေသည်ဟုသိရသည်။ ယခုမှ ဦးလင်းရောင်ရဲ့ ရွေးကောက်ပွဲရှိသဖြင့် ပြန်လာသည်ဟုလည်းသိရသည်။ တခြားအကြံအစည်တွေလည်း ရှိနိုင်သည်။ လျော့တွက်လို့တော့မရ။ ရာဇာစိုးက အရင်ကလည်း မြေအောက်လောကရဲ့ ဘုရင်တစ်ဆူဟုလည်းသိရပါသည်။ ဒင်းကို ဒယ်ဒီတောင်သိရင်သိနေအုံးမယ်။ ဒယ်ဒီ့ဆီကိုဖုန်းဆက်မေးကြည့်မှဘဲ။ ထို့နောက် သျှားလည်း ဒယ်ဒီ့ဆီကိုဖုန်းဆက်ကာ မေးလိုက်လေသည်။

"Hey! Sweetie! How's it going?"

တစ်ဘက်မှ ဒယ်ဒီ့ရဲ့ English လိုပီပီသသ အသံကိုကြားလိုက်လေသည်။

"Yap! Pretty good! Dad! How about you?"

"I'm good Sweetie! So what the matter"

"Ah! Can I ask you something? So, Are You free?"

"Sure! You can ask anything you like"

"Do you know someone name calling Mr.Yazar Soe?  He's once the Prime Minister also he used to be a king of the evil world. So, Do you exactly know about him"

သျှားရဲ့စကားကြောင့် တစ်ဘက်မှ ဒယ်ဒီ့အသံမှာ ဖုန်းထဲမှာပင် ကျယ်လောင်စွာထွက်ပေါ်လာခဲ့လေသည်။ ဒယ်ဒီ့အသံကြောင့် သျှားပင်လန့်ဖြတ်သွားလေသည်။