Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (1) (Complete) 🌷💖

အခန်း (၆၉)

လွှတ်တော်အစည်းအဝေးတွင်ဖြစ်သည်။ ပြည်ထဲရေးဝန်ကြီး ဦးခင်မောင်ထွေးနဲ့ ကာကွယ်ရေးဝန်ကြီး ဦးမောင်မောင်တို့မှာ ဦးလင်းရောင်နဲ့စကားစမြည်ဆိုနေကြသည်။

"ဘယ်နှယ့်လည်း ဦးလင်းရောင်။ သမ္မတရွေးကောက်ပွဲကလည်း တဖြည်းဖြည်းနဲ့နီးလာပြီနော်။ ကျူပ်တို့တွေထဲက ဘယ်သူက သမ္မတဖြစ်မလည်းမသိဘူးဗျ​​။ အခုလက်ရှိသမ္မတကြီးဘဲ ဆက်ပြီးတာဝန်ထမ်းဆောင်ရအုံးမလား မသိဘူး"

"အခုလက်ရှိသမ္မတကြီးကလည်း အရည်အချင်းရှိပါတယ်ဗျာ။ သူ့ဘဲဆက်ပြီးတာဝန်ထမ်းဆောင်ရရင်လည်း မဆိုးဘူးဗျာ။ ခင်ဗျားတို့ ကျုပ်တို့ကတော့ အခုလက်ရှိရာထူးနဲ့တင်ပြည့်စုံပါပြီဗျာ"

ဦးမောင်မောင်ရဲ့စကားအဆုံး၌ ဦးလင်းရောင်က တဟဲဟဲရီပြီး စကားဆိုလိုက်၏။

"ဟုတ်တာပေါ့ဗျာ။ ခင်ဗျားတို့ကျုပ်တို့က အခုလက်ရှိရာထူးလေးတင်ပြည့်စုံနေပါပြီ"

ဦးလင်းရောင်က ပါးစပ်ကသာထိုသို့ဆိုပြီးစိတ်ထဲတွင်တော့ ထိုသို့မဟုတ်ပေ။ သမ္မတရွေးကောက်ပွဲမှာ ငါဘဲနိုင်စေရမယ်။ ငါသာနိုင်ရင်ပွဲပြီးပြီ။ ငါ့သားကလည်း အခုအခြေအနေနဲ့အားကိုးလို့ရမှာမဟုတ်သေးဘူး။ ငါ့အကိုနဲ့သူ့မိတ်ဆွေပြန်လာရင် လုပ်ငန်းတွေပြန်စလို့ရပြီ။ နောက်ပြီး ငါလည်း ရွေးကောက်ပွဲမှာ အနိုင်ရနိုင်ချေများပြီ။ ဦးလင်းရောင်တစ်ယောက်စိတ်ထဲကသာထိုသို့တွေးပြီး အပြင်တွင်မူ တဟားဟားနဲ့ဟန်ဆောင်ကောင်းနေလေသည်။ ထိုစဥ်ရုတ်တရတ် ဦးမောင်မောင်က မေးလိုက်တဲ့မေးခွန်းကြောင့် ဦးလင်းရောင်ရဲ့မျက်နှာကြီးမှာ မဲခနဲဖြစ်သွား၏။

"ဒါနဲ့ ဦးလင်းရောင် ခင်ဗျားသား ယောင်္ကျားချင်းမဒိန်းကျင့်ခံရလို့ အခုအရေးပေါ်အခြေအနေနဲ့ဆေးရုံတက်လိုက်ရတယ်ဆို။ တကယ်ကောဟုတ်ရဲ့လားဗျာ"

ဦးမောင်မောင်စကားကို ဦးခင်မောင်ထွေးကလည်းခေါင်းငြိမ့်ကာစကားဆိုလိုက်၏။

"ဟုတ်တယ်ဗျ ဦးလင်းရောင်။ ဒီသတင်းကအမှန်ဘဲလားဗျ။ နေပါအုံး ကျွန်​တော်တောင် ဒီ video ကို save ထားသေးတယ်။ ပုံစံကြည့်ရတာ ခင်ဗျားသားနဲ့တော်တော်​လေးကိုတူတယ်ဗျ"