Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (1) (Complete) 🌷💖

အခန်း (၆၄)

Meeting ပြီးသွားပြီဖြစ်သဖြင့် ရုံးခန်းထဲသို့ မေလည်းဝင်လာလေသည်။ ထိုအခါ ကြမ်းပြင်ပေါ်တွင် ဖန်ကွဲစများကိုထိုင်ကောက်နေသော သျှားကိုမြင်သွားပြီးစကားဆိုလိုက်၏။

"မောင် ဘာလုပ်နေတာလည်းဟင်။ ဘာကျပျောက်လို့လည်း"

မေ့ အသံကြောင့် သျှားလည်း ဖန်ကွဲစများကိုသာကောက်လိုက်ရင်း မေ့ ကိုစကားပြန်ပြော၏။

"မောင့်လက်နဲ့ ဖန်ခွက်ကိုတိုက်ချမိလို့ အောက်ကျပြီး ဖန်ခွက်ကွဲသွားတယ်လေ။ အဲဒါ ဖန်ကွဲစတွေကိုလိုက်ကောက်နေတာ မေ ရဲ့"

သျှားကထိုသို့ဆိုလိုက်တော့ မေ လည်း ကိုင်လာတဲ့ file တွဲလေးကိုစားပွဲပေါ်သို့ချလိုက်ပြီး သျှားနဲ့အတူ ဖန်ကွဲစတွေကိုကောက်ပေးနေလေသည်။ ထိုအခါ သျှားက ပြာပြာသလဲလဲဖြင့်ချစ်ရသူကိုပြောလိုက်၏။

"ဟာ မေ မကောက်နဲ့လေ။ စူးကုန်လိမ့်မယ်။ လွတ်တဲ့နေရာမှာသွားနေနော်။ မောင်ဘဲ​ကောက်လိုက်မယ်။ ကလေးလေးစူးမိကုန်မှာဆိုးလို့"

ထိုအခါ မေ လည်း သျှားကို ချစ်စဖွယ်ကောင်းအောင်ပြုံးကြည့်လိုက်ကာ ခေါင်းလေးကိုအသာငြိမ့်လိုက်လေသည်။

"ဟုတ် မောင်"

မေ တစ်ယောက် ထိုသို့ပြောပြီး ဆောင့်ကြောင့်ထိုင်နေရာမှထလိုက်ကာ အလုပ်စားပွဲနားသို့သွားလိုက်၏။ ဖန်ကွဲစများကိုကောက်ပြီးသွားတော့ သျှားတစ်ယောက် အမှိုက်ပုံးရှိရာသို့သွားပြီ ထိုဖန်ကွဲစများကိုသွားရောက်ပစ်လိုက်လေသည်။ ပြီး တံမြတ်စည်းနဲ့ဂေါ်ပြားကိုလည်းယူလိုက်ကာ ထိုနေရာတစ်ဝိုက်ကိုလှဲကျင်းလိုက်လေ၏။ အကုန်လုံးရှင်းပြီဆိုတော့မှ ဖိတ်စာလေးကိုကောက်ယူလိုက်ကာ မေ့ ကိုပေးလိုက်လေသည်။

"ဒီမှာ ပြည်ထဲရေးဝန်ကြီး ဦးခင်မောင်ထွေးရဲ့ညစာစားပွဲ party တဲ့။ မေ့ ကိုလည်းဆက်ဆက်လာခဲ့ပေးဖို့ဖိတ်သွားတယ်တဲ့"

မေ လည်း သျှားပေးသော ဖိတ်စာလေးကိုယူလိုက်ကာ မျက်နှာလေးကရှုံမဲ့ပြီးဖတ်လိုက်လေ၏။ ပြီး စကားဆိုလိုက်၏။

"ဟွန်း ဒီလူကိုထံအသိုင်းအဝိုင်းတွေကလည်း လုပ်လိုက်တဲ့ party တွေ။ မေ သွားရမှာပျင်းတယ် မောင်ရဲ့..."