Ms. Mafia & Ms. CEO (မာဖီးယားခေါင်းဆောင်ရဲ့ ဧကရီ) Season (1) (Complete) 🌷💖

အခန်း (၂၉)

Morning Cafe ဆိုင်မှထွက်လာတဲ့ နန်း တစ်ယောက်ကတော့ ခုနကကိစ္စကို မကျေမနပ်ဖြစ်ကာအောင့်သက်သက်​ဖြင့် သူမ ကားဆီသို့လာခဲ့လိုက်လေသည်။ ကြည့်စမ်းပါအုံး။ ဘယ်လိုလုပ်မလည်း။ ဝတ်ထားတဲ့ ရင်ဖုံးလက်ရှည်အဖြူရောင်​လေးမှာ ကော်ဖီတွေဖိတ်ကျထားသဖြင့် မြင်မကောင်းအောင်စွန်းထင်နေလေသည်။ တစ်သျူးနဲ့သုတ်တာကဘယ်ပြောင်မလည်း။

အိမ်ကနေထွက်လာခဲ့ပြီး ကော်ဖီသောက်ချင်လာသဖြင့် တွေ့တဲ့ဆိုင်မှာကော်ဖီဝင်ဝယ်ပြီးထွက်လာရုံရှိသေး နမော်နမဲ့နိုင်တဲ့ ကလေးမနဲ့ဝင်တိုက်ရတယ်လို့။ လူတစ်ယောက်လုံးတောင်မမြင်ရအောင် ဘာတွေများငမ်းနေသလည်းမသိ။ နောက်ပြီး အဲ့ဒီကလေးမ။ တူမလေးနဲ့ရွယ်တူလောက်ဘဲရှိမယ်ထင်၏။ လူကိုကြည့်နေတာများ မျက်လုံးတောင်ကျွတ်ကျတော့မယ်။ အသက်ကောရှုရဲ့လားမသိဘူး။ အံ့သြပါ့။ ရုပ်က​လေးကချောပြီး ကျပ်ကောပြည့်ရဲ့လားမသိ။ နန်းကိုတစ်သျူးပေးတာတောင်မှကြောင်တောင်တောင်နဲ့။

အခုလောလောဆယ် အင်္ကျီကိစ္စကိုအရင်ရှင်းရမယ်။ ဘယ်နှယ့်လုပ်ရမလည်း။ အိမ်ကိုလည်းတကူးတကကြီးပြန်မလဲချင်။ နန်း ဝယ်စရာတွေကအများကြီးရှိသေးတယ်လေ။ ထိုစဥ်နန်းရဲ့မျက်လုံးက မျက်နှာချင်းဆိုင်တွင်ရှိသော Tulip Group ရုံးချုပ်ကိုမြင်သွားလေသည်။

ဟင်။ Tulip Group Perfume ရုံးချုပ်ပါလား။ ဒါ..ဒါဆို။ တူမ​လေး ရုံးထဲမှာရှိမှာပေါ့။ တူမလေးက သူ့ချစ်သူနဲ့အတူနေတာဆိုတော့ တူမလေးရှိလောက်မှာပါ။ အတော်ဘဲ။ အခန့်သင့်လိုက်တာ တူမလေးရှိတဲ့နေရာမှာမှ ဖြစ်သွားလို့တော်သေးတာပေါ့။ နန်းလ​ည်း သျှားဆီကိုဖုန်းဆက်မေးမနေတော့ဘဲ ရုံးချုပ်ထဲသို့ဝင်ကာသွား​လေသည်။

ရုံးထဲသို့နန်းဝင်လာသောအခါ ရုံးရှိဝန်ထမ်းများက နန်း ကို အံ့သြတကြီးနဲ့ကြည့်နေကြလေသည်။ ပြီး တီးတိုးတီးတိုးပြောကြလေသည်။

"ဟယ် ဘယ်ကအမျိုးသမီးလည်း။ လှလိုက်တာနော်။ တစ်ခါမှမမြင်ဖူးပါဘူး။ မျက်နှာလေးကကျက်သရေရှိလိုက်တာဟယ်"

"အေးဟယ်။ ဟုတ်ပါ့။ သူဌေးရဲ့မိတ်ဆွေလားမသိဘူး။ နန်းဆန်ပြီးကျက်သရေရှိလိုက်တာနော်"