အခန်း (၂)
လေဟာ ပြတင်းပေါက်ကို ဖြတ်ကျော်လို့ တိုက်ခတ်လာပြီး၊ ကျယ်လောင်တဲ့ အသံတွေထွက်ပေါ်စေကာ ပြတင်းပေါက်ကို ပွင့်လာစေခဲ့တယ်။ အစေခံမိန်းကလေးတစ်ယောက်က ပြတင်းပေါက်ကို ပိတ်ဖို့ ထွက်ပေါ်လာခဲ့တယ်။ အခန်းအတွင်းမှာတော့ ကြေးနီနဲ့လုပ်ထားတဲ့ စိမ်းဖန့်ဖန့်ရောင် နွားရုပ်ထုက ရှိနေပြီး၊ သူ့ရဲ့ ဗိုက်ထဲမှာတော့ ရေခဲတုံးကြီးတစ်ခုကိုပါ ထည့်ထားတယ်။
နွေရာသီနေ့ရက်များမှာတော့၊ ယန်ကျင်းမြို့ဟာ အမြဲတမ်း ပူလောင်နေခဲ့တယ်။ ရေခဲတုံးတွေကို မီတာရာပေါင်းများစွာ နက်တဲ့ မြေအောက်ခန်းတွေကနေပြီးတော့ ရရှိထားကြတယ်။ ရေခဲတုံးအသေးတစ်တုံးကိုတော့ ငွေစ ဆယ့်နှစ်ခုနီးပါး ကုန်ကျခဲ့ပြီးတော့ ဒီလို ရေခဲတုံးကြီးအတွက်ကိုတော့ တန်ဖိုး ဖော်ပြထားတာမရှိခဲ့ကြဘူး။ အဲဒါအပြင် အခန်းရဲ့ထောင့်တစ်ခုစီမှာ ကြေးနီစိမ်းနဲ့ လုပ်ထားတဲ့ နွားရုပ်တုလေးခု ရှိနေခဲ့တယ်။
အခန်းရဲ့ အတွင်းဘက်ကတော့ အေးမြလန်းဆန်းတဲ့ ခံစားချက်ကို ပေးစွမ်းနေတယ်။ မိန်းမလှတစ်ဦးက သူမရဲ့မေးစေ့ကို စားပွဲအသေးလေးပေါ်တင်ပြီး သူမရဲ့ရှေ့က စာရင်းစာအုပ်ကို ပျင်းတိပျင်းရွှဲနဲ့ ကြည့်ကာ ထိုင်နေခဲ့တယ်။ သူမရဲ့နံဘေးမှာတော့၊ သကြား ဖြူးထားတဲ့ သစ်သီးဒိန်ချဉ် အေးအေးလေးကို စားနေတဲ့ အသက်၁၃နှစ်၊ ၁၄နှစ်အရွယ် အစားကောင်းကြိုက်တဲ့ မိန်းကလေးတစ်ဦးက ရှိနေခဲ့တယ်။ တစ်ချိန်တည်းမှာပဲ၊ သူမက နောက်လက်တစ်ဖက်နဲ့ ဖိတ်ကြားလွှာတွေကို လက်နဲ့ တောက်နေခဲ့တယ်။ အစေခံမိန်းကလေးနှစ်ယောက် တိတ်တိတ်ဆိတ်ဆိတ်နဲ့ မတ်တပ်ရပ်ပြီး၊ သူမကို ညင်ညင်သာသာလေး ယပ်ခတ်ပေးနေခဲ့တယ်။
"မိုးရွာနေတယ်။" အစားကြီးတဲ့ မိန်းကလေးက ပြတင်းပေါက်အပြင်ဘက်မှာ ရွာနေတဲ့မိုးတွေကို ကြည့်ရင်း အတွေးထဲမှာ နှစ်မြောသွားခဲ့တယ်။
လှပတဲ့ အမျိုးသမီးကြီးက သူမကို တစ်ချက်ကြည့်လိုက်ပြီး ပြောလိုက်တယ်။
"အများကြီး မစားနဲ့၊ ညနေပိုင်း မင်းအဖေပြန်လာတဲ့အခါ၊ မင်းက ထပ်ပြီး စားနိုင်မှာ မဟုတ်တော့ဘူး"
YOU ARE READING
တရားဝင်သမီး လက်ထပ်ထိမ်းမြားခြင်း
Historical Fictionဘာသာပြန်သူ - စွဲညို့အသင်း ရွှီမိသားစုရဲ့ တိသမီးက လက်ထပ်ပြီးတော့ ယန်ကျင်းကို ရောက်လာပါတယ်။ သုံးနှစ်ကြာပြီးနောက်မှာ သူ့ယောက်ျားက အောင်မြင်တဲ့ စာသင်သား ဖြစ်လာခဲ့ပြီးတော့ ယုံနင်းမင်းသမီးနဲ့ ချစ်ကြိုက်ပြီး အိမ်ထောင်ရေး ဖောက်ပြန်ခဲ့ကာ သူမကိုရော သူ့ကလေး(ကိ...
