တရားဝင်သမီး လက်ထပ်ထိမ်းမြားခြင်း

Part 56

MDD-56

ဂီတပညာရှင်

သူမက လက်ဖက်ရည်စံအိမ်တော်ကနေ ထွက်လာတဲ့အခါမှာ၊ သူမနဲ့အတူတူ ငွေစက္ကူ ၁၀၀တန် ငွေလက်မှတ်ကို ယူလာခဲ့တယ်။

တုန်အာက တစ်ခုခုကို ပြောချင်တဲ့စိတ်နဲ့ ကျန်းလီရဲ့ ဘေးနားကို တိုးကပ်လိုက်ပေမဲ့ တုံ့ဆိုင်းနေခဲ့တယ်။ ကျန်းလီက သူမရဲ့ အခုလိုပုံကို မြင်တော့ ပြောလိုက်တယ်

"မင်း ပြောချင်တာကို ပြောပါ"

"သခင်မလေး၊ သခင်မလေးမှာ ငွေ မရှိတော့ရင်တောင်မှ သခင်မကြီးဆီမှာ တောင်းဆိုလို့ရတယ်၊ ဒါမှမဟုတ် သခင်ကြီးလည်း ရှိနေတာပဲ။ သခင်လေးရီကို ဘာကြောင့် တောင်းဆိုရတာလဲ၊ သခင်လေးရီက သခင်မလေးနဲ့ ပတ်သက်နေပေမဲ့၊ သူက အပြင်လူအဖြစ်ပဲ ရှိနေသေးတာ။ အဲဒါက စည်းကျော်သလို ဖြစ်နေပြီ"

ကျန်းလီက ပြောလိုက်တယ်

"သူက အကျိုးသင့် အကြောင်းသင့် ပြောတတ်တဲ့သူတော့ မဟုတ်ပါဘူး။ အဲဒါအပြင် သူ့ပေးတဲ့ ငွေ ၁၀၀ ကို ယူလိုက်တာက သူ့ရဲ့ စိတ်အေးချမ်းမှုကို ဝယ်လိုက်တယ်လို့ မှတ်ယူလို့ရတယ်"

"ဒီအစေခံက နားမလည်ပါဘူး"

"မနေ့က သူ့ကို ကူညီလိုက်တာက ပူးပေါင်းကြံစည်မှုတစ်ခုလို့ အစဝမ်းကွဲ အစ်ကိုရီက ယုံကြည်နေတယ်။ အခုလေးတင် သူနဲ့ ဆွေးနွေးပြီးတဲ့အခါမှာ၊ သူ့စိတ်ထဲက သံသယတွေ တစ်ချို့တစ်ဝက်တော့ ပျောက်ကွယ်သွားမယ်ဆိုပေမဲ့၊ နားလည်မှုလွဲတာကတော့ ပျောက်ပျက်သွားဖို့က မလွယ်ကူပါဘူး။ ငါနဲ့ပတ်သက်လာရင်တော့၊ အကျိုးအကြောင်း ခိုင်လှုံရင်တောင်မှ သူက လက်ခံဖို့ အတွေးမရှိဘူး။ သူ့ရဲ့ အတွေးတွေကို စိတ်ညစ်ညူးစေမဲ့အစား၊ သူပေးတဲ့ ငွေကိုယူပြီးတော့ ဒါနဲ့ စီးပွားရေးလုပ်လိုက်တာက ပိုကောင်းပါတယ်။ အနည်းဆုံးတော့ ငါနဲ့ ပြောဆို ဆက်ဆံတဲ့အခါမှာ အကြွေးတင်နေသလိုတော့ ခံစားရမှာ မဟုတ်တော့ဘူး"

တုန်အာက လေးလေးနက်နက်နဲ့ ခေါင်းညိတ်ပြလိုက်တယ်။ ရုတ်တရက် သူမက တစ်ခုခုကို တွေးမိသွားပုံရပြီးတော့ ကျန်းလီကို ကြည့်လိုက်တယ်