كبرتُ ولْم تجفُ ثيِاب طفولتي

طِفل تائهه وليله ممطره

لم اركض خلف شيء
مثلما ركضي هذا لم ارى نفسي اهتم هكذا
هل باعتقادها ان النِيران لا تشتعُل بصدري
هل هذه المرأه لم تفهم ؟ ان غِيره الرجل تَقتله
شعور مَرير جدا صحيح بأنني اخرج ولا اتحكم قليلا
ولكني احبك ومن سابع المستحيل ان اخدشك بكلماتي او تصرفاتي ياحبيبتي ارجوك افهميني تخونني التصرفات
وتخرجني الغيره عن صَوابي ..... هل باعتقادك يانبراس اني دُميه مُلكك؟ ماذا يعني انك تنبرني بنبره حاده في وسط سعادتي بسبب غيرتك اللعينه بسببك دمعت عيوني وحبستها صحيح انك حاولت الاعتذار بعد بضعه دقائق ولكني لن أرضى بسرعه لانك تسبب بدموعي بدل ان نَتسكع بحُب بشوارع مَدينتي تسكعنا بزعل المُحبين
ونزلتُ الى المنزل ونا اتركك خلفي وأنا لم اضع عيني بعيناك ونا اعلم ان هذا اكبر عِقاب لك ف لتتعلم
قبل ساعه ....
كُنا بالسياره بعد مافرغت ندى من الصالون
كما تَزعم انها اسرار نِساء يُثيرني غموضهـا وهي تتلاعب بي والنهايه خرجت وبيداها طلاء آحمر مع الحناء الذي يزين كفوفهـا وكنا ننتظر طلب من المطعم ونتبادل الاحاديث الناعِمه ولكن أثناء مرور احدى السيارات
كانت حينها ندى تربط نقابها من الخلف حيث ارتفع كُم عبايتها وتبينت ذِراعها وانهمرت الدماء الحارقه لوجهي ونا ارسل نظرات تهديد واشمت بذلك المار اللعين وتمنيت لو ادخل نِعالي بعيناه(يكرم القاري) وسرعان م التفت نحو ندى بغضب : انت وش بلاش م تلبسين كم طويل ؟
يعني عارفه انش متحنيه ويدينش كذا ؟ تبغين تقهريني؟؟؟
صُدمت بنراس وخُفت من رده فِعله هذه وبغضب : نبراس؟؟؟ هذاا انا لابسه تستهبل؟؟
حينها نبراس لبس يداي وكنتُ حينها البس بلوزه باللون البيج ولكن غبائه لم تجعله ينتبه : طيب م يبين انش لابسه
ندى بعصبيه : وش الي م يبين ؟ انت صاحي ولا مهبول؟ يعني ايش يانبراس تحطني بصندوق وتقفل علي عشان ترتاح
نبراس بعصبيه: قصري حِسش يابنت
ندى بلعت ريقها: اقصر حسي؟ ولا انت ركز على افعالك ذي دبلت كبدي (ذبلت الكبدت)
نبراس بغضب: انتِ م شفتي كيف ال..... شبح فيش (نظر إليك)وتبغيني منطم وماكل ... هاه؟؟؟
ندى بعصبيه: يعني وش ذنبي انا مستتره؟ وش تبغى زد اسوي ترى رافعه يديني اضبط نِقابي وعلي كم طويل ترى اعرف استتر من قبل م تجي حياتي
نبراس بغضب: انت م تعرفين كيف تحترمين زوجش؟
ندى بغضب: احترمه؟؟ وهو احترمني !
نبراس بتنهيده وهو يستلم الطلب: اسكتي يابنت الناس مابغى اجرحش
صَمت ونا ازيح ناظري عنه وهو يستلم الاكل ويمده نحوي ونا اتجاهله وهو يضعه بعصبيه وتحرك بسرعه شديده لكي يُثير غضبي لاني اكره السرعه وأما أنا ضللتُ مكتفه يداي ؟ اتفعل هذا معي يانبراس ؟ اصبحتُ الان بنت الناس ونا كُنت حبيبتك وريحانتك؟ سوف اعلمك كيف تُثير غضبي اصبر اصبر س أندمك على ذلك
... كانت تنظر الى الشارع والنافذه ولم تلتفت نحوي
لماذا تفعلين هكذا احترميني قليلا؟؟ لماذا لا تحترمي زوجك ياندى انا مُثار من الغضب جدااا والحمدالله انك صَمتِ ماهذه المرأه التي تناقش الرجل بغضبه؟ واعيه بكل شيء الا بعلاقتنا آه تَقتلني ولكني أحبهـا وصلنا الى المنزل وهـي تنزل وتذهب ولم تلتفت لي حينما قلت بأن تحمل الأكل لتتعشى ؟ اكره ان تتجاهلني وكما انني بديت ان اتثاقل ان اشعل زِقاره مِثلما الشيء الذي افتعله بغضبي كاذب من يُقال ان الزقاره تهدئ الغضب بل تزيد الاشتعال بالصدر ولكن على سَبيل الحُب لم تُهمني نفسي قَط انتِ من تهميني امطرت السماء هل ريحانتي تبكي؟
ارتبط بذاكرتي هذا الشيء ذهبت بعيدا عن المنازل رغم ان ندى كانت تؤلمني اكثر من هكذا بس هذه المره مُختلفه سوء التفاهم الصغير هذا الصغير في وسط سعادتنا مُخزي ونادم ايضا على تَسرعي معهـا
مالذي تفعله هل تبكي ام غاضبه اضن انها تبكي ف بدا لي صوتها
يرتجف بشِده ...تقلبت يمين شمال ودموعي بعيناي ونثرتها على وسادتي الجديده بسريري الجديده بدأ نبراس يُضايقني بهذه الحركات وبدأ لي التحمل لأنني أحُبه لم أعلم انه شديد الغِيره هكذا هل معه حَق ؟ نعم من حقوقه وليس
من شأنه ان يتدخل باموري الخاصه بملابسي واشيائي ويُثار بسرعه؟؟ ماذااا يعني انا الان لا اعلم تذكرت غيره علي أخي الشديده التي تسببت بمشكله معي ؟ لا لا لماذا تسدعين كل هذه الافكار نبراس يتحكم اكثر
ونبراس لا يستطيع ان يمد يداه عليك أو يؤلمك نبراس سمع لي
ولكن هل يتغير الان من أجل انه عرف بانني أحبه اصبح يغضب
لم اجرح بشده من الصوت العالي سوى من والدي لانه دللني ونبراس ايضا
أحبني مع ذلك لا أحب غضبه ويفعل تلك الاشياء التي اكرهه عندما يُسرع
وكأنه يريد ان يُثير غضبي مُتقصد كل ذلك هل انا فتاه مدللة ماهذه الشهقات التي تخرج من صدري ؟ هل استدعيت الذكرى لايامي السيئه اريد ان استدعي النوم الان غدا يوم حافل وجميل ولا يمكنني الان ازعج مها
لأنهـا متوتره من دون شيء ...السماء تُمطر وهذا الصغير تائهه مثلي
هذه الحنيه المُفرطه لا احد يعلمهـا ابدا سوى نبراس الصغير ذات السبعه أعوام حينما كانت اذاني تخرج من الطاقِيه وفمي عابس وعيناي تحمل لوم حول الجميع حينها التقيت بصديق لي ونا اذهب دائم لألقاه في المكان نفسه كنت احُدثه عن كل م يحصل معي وهذه الذكرى تتلون ونا رجل كبير ومتزوج هل انا رجل كبير ام شاب اشعر بانني رجل كبير على هموم هذه الليله فقط تَخليتُ عن شِماغي ونا اغطي هذه الهِر الصغير وادخل الى الداخل بهدوء وأنا بارد تماما من المطر والهواء ومن خِصام العاشقين
دخلتُ بغرفتنا ونا ارى ان عطرها ينتشر بالمكان كما لاحضت منذ الفتره الاخيره اشم رائحه فانيلا او شوكولاه هل من مرطب او اعطر ولكن لاول مره راقت لي ذلك بعدما كنت لا أحُب ذلك اضن ان نظرتي اتجاه الاشياء تتغير فقط مع نَدى  لا اعلم اين رأسها قد كانت مُغطاه بالكامل بدلت ملابسي بسرعه ونا اتدفى وكانت الغرفه بارده ايضا من المُكيف دخلت بالفراش ونا مُتعب وانظر الى الساعه كانت ١:٣٠ليل وجهتُ نظري حولهـا بندم ونا اعتذر لها وهي نائمه ولكن اختل تَوازن مشاعري عندما تحركت ....
شَعرت بحركه حولي كما تعودت ف نومي خفيف وتاكدت انه نبراس الذي
يجهز لنومه يعني ستتجاهل الذي فعلته كنا بصمت وتمتم بهدوء :ندى
لم ارد عليه وهو يتمتم : اش يعني تتجاهليني؟ تبغين تقهريني ؟
...قاطعت صمتها : وش تبغى ؟
نبراس بتنيهده : خلاص انا آسف مفروض تتفهميني
ندى بلعت ريقهـا : افهمك في سبيل ان تصدمني كذا بغضبك؟ ولا اسلوبك الي يتحول كذا؟
نبراس بترير واثناء ذلك تحرك حاجبه الايمن وهذا دليل على خجله: انا غلطان طَيب واعترف؟ بذا الشيء بس يابنت الناس م يكفي اني أحبش واموت اذا حد نِظر لش؟ افهمي غيرتي بهذا الجانب ؟ لا تزيدين الشيء
مثل م انا  اشوف عنادش واتغاضى عنه؟
ندى بلعت ريقها: طيب انا لي مشاعر بعد وغصبا عني تحسست واوجعتني رده فعلك تراك تخوفني؟ لما تعصب كذا؟
اكتفيت بالاقتراب منها ونا أُقبل جبينها قبله عَميقه : سامحيني
ندى وهي تتلعثم بخجل ببتسامه : سامحتك
نبراس بتنهيده: اخيرا ، بكيتي ؟
اومت ندى :ايه ورقدت
نبراس بضحك: كيف طعم الدموع؟ مالحه
ندى بعقده حاجب وابتسامه : وش دراك ؟؟
نبراس بضحك : بالدموع المالحه؟او انش بكيتي؟
ندى بضحك: اني بكيت؟
نبراس بتنيهده: امطرت البارحه
ندى بذهول: نبرااااس ليه م صحيتني ؟ متى وقف
نبراس بعقده حاجب: وانتِ عاد عطيتني مجال؟
ندى بتثاوب: جوعان؟؟
نبراس اومى براسه : ايه عشانا عطيته العمال
ندى بشهقه : ليييه وش بلاك؟ م تعشيت ولا جبته
نبراس بتنيهده: بلآي عِلتي الي زعلت 
ندى بضحك: الحين صرت عِلتك ؟ (عِله عِلل مُشكله مُصيبه)
نبراس اومى براسه : اي عِلتي انا بس 
ندى ببتسامه : يالله النوم خربان خربان بروح اسوي لنا أكل وأنت جهز لنا مكان برا
نبراس وهو ينظر الى الساعه بالجوال : يالله الساعه الحين ٢:١٩ص  بيمدي ارقد قبل الفجر؟
ندى اومت براسها: لا بيتقطع نومك صَل ثم ارقد
نبراس بتثاوب : تبغين اسهر معش
ندى ببتسامه: اي الجو برا اكيد يجنن
........ لم يكُن كل شيء كما يبدو بالخارج لم تكن هذه الصلابه الظاهره
سوى إيطار للجميع صُدمت من المنظر الذي بالخارج  ونا اراه يترنح بخطواته !!! دهام مالذي فعلته بنفسك الصدمه التي انا بها الان لا تتسع لهذا الموقف! مُتاكد انها أول مره تفعل بنفسك هذا صحيح انني لا احبك امسكت بك وأنا اهدئ صوتك العالي وهذيانك المخيف وبدأت ترسل علي الشتائم ونا تردد باسمي وباسم امي بغضب وكما انك قُلت بان وجهي يذكرك بِها وبالخائن من الخائن ؟ من الذي تركه يموت خلفك من الذي فقدتهم ماهذا الهذيان المُريب هذيان بذنوب شديده سحبت لصدري الكثيرمن الاكسجين : من. وين جاي؟وش انت مسوي بعمرك يادهام
دهام بنبره حاده: اوووش قلل ي خال وش الي دهام
نبراس بضحك: عاادك فِيها؟ يادهيم ماهو بخال انت لو  يشوفك خالي عبدالله يذبحك؟؟تدري ولا م تدري!!!
دهام بهذيان: ودي اني مذبوح
نبراس بصدمه: ليييييه؟
دهام باحرف مُبعثره: انا سبب المشاكل
نبراس ببتسامه بارده: صادق وبعدها؟
دهام بنبره حاده : البببخ ياولد ساره وانت وشش مسسهرك اش تبغى ؟
نبراس بضحك: صه الله يبلاك اعميتني بالريحه  لا عاد تفتح فمك زين
دهام: ودني صوب بيتي 
نبراس : قمين يشوفونك هلك كذا؟
دهام بضحك : انت أُمك
نبراس بتجاهل وهو يسحبه باتجاه مغاسل المسجد حيث أنه
بلل وجهه ويشعر بأنه بحُلم ويتساءل هل لأول مره يفعل ذلك
.... جهز الأكل بحثت عن نبراس في الحوش لم أراه ناديت بهدوء
لم أراه خرجت الى الخارج وصُدمت عندما رأيت عمي دهام بحاله يُرثى لها وهو يستند على كتف نبراس وبخوف : نبراس شقومه؟؟؟
نبراس بتوتر: تعبان شوي
ندى بخوف : وين عينته؟؟؟
نبراس بتوتر: عينته برا عند سيارته
لم يكمل نبراس ذلك الا ورأيت عمي في دهام في أسوء صوره
مثلما المسلسلات لأول مره رجل سكران صُدمت وتبلدت اطرافي
بخوف وهلع كيف ذلك! اوصلناه الى منزله وذهبنا انا ونبراس وكلانا في حاله ذهول صحيح بان كِلانا لا نَطِيقه ولكن هذا الموقف آثر بِنا
ذهبنا الى تناول الاكل بصمت ولكن اسئله كثيره تشغل بآلي تمتمت بهدوء: نِبراس اول مره اشوف كذا بحياتي احس بشعور غريب بالصدفة
نبراس بصدمه: انا م هو بأول مره ولكن خالي دهام؟ م هو بكذا اقشر في كل شيء؟ ولكن ماذا بطريقه
ندى بخوف: نقول لأحد يتصرفون
نبراس بتحذير: لاا لا وتطرين الموضوع لاحد ابدا استري عليه ونا يمكن اعلم جابر بس
ندى بتنيهده: يتهمك كل فتره بشيء بس وين بلقى مثل طِيب قلبك
نبراس اومى براسه: كلام ولا هو بضارني وكلن وداري دهام لسانه موذي وهو موذي(يؤذي)
ندى ببتسامه: نبراس تدري ؟ لو اني ندى الاوله كن بكيت؟ م اتحمل ادري بهاذي الاشياء بس الحين جايني برود ماهو بطبيعي
نبراس ببتسامه: كفو هذا يدل انش صرتي مَره
ندى بعقده حاجب: مَره مَره(إمرأه) مدحه هاذي
نبراس اومى براسه: اكيد مَدحه يالخبل
ندى وهي تسكب الحليب وتمده اتجاهي :اكل واشرب قد الزاد يبرد
...انهمكنا في اكله لذيذه (فَته خبز بُر يُفت بحليب ويسكب عليه زيت سمسم )
والجو نسائم المطر واحاديث عميقه مثلا نبراس لماذا يوجد عليك مَنع سفر
ابتسم بشكل مُخيف وهو يهمس لي" لأني مجرم" خِفت لثانيه وقلت باصرار إياك والكذب والا لن أُخبرك بالمفاجاة وبحماس وترجي ارجوك قولي م المفاجاءه بسرعه لا تضعِيني هكذا بوضع الإبهام ولكنك قُلت تكلم اولا أنت
وتمتم بسرعه: علي بعض الديون وفيه مشكله قديمه
ندى بخوف : وش المشكله
نبراس بضحك: تمشكلت مع ناس وصار فيها سلاح 
ندى بخوف وفضول: متى ؟
نبراس بضحك: قبل سنه ونص
ندى بذهول : حياتك قالب من الاشياء
نبراس ببتسامه :وش تبغين تعرفين بعد؟
ندى رفعت كتفها: ابغى اعرف عمتي ساره ليه م تجي هنا؟
نبراس رفع حاجبه: كل الي اعرفه هو؟ إن انها م سمعت كلام جدي وجدتي وراح مع زوجها هادي لقطر وزعلوا كلهم؟ بس اضن ان فيه أكبر
ندى بحنيه: اضن ان فيه سوء تفاهم عمتي ساره حنونه وطيبه مستحيل تسوي؟ شيء يوجع احد
نبراس اومى براسه : تعودت على ذا التشتت من يوم غرير( طِفل)
ندى اومت براسها: واذا قلت تفاءل لربما ان تعود المِياه لمجاريها
نبراس اومى براسه : متفاءل خير الحمدالله بس تعرفين احس مِتبلد جدا
ندى ببتسامه : صدقني كل شيء بيتحسن باذن الله وينفك المنع عنك ونروح لعمتي
نبراس اومى براسه : باذن الله بس مثل م قلنا وانت ان شاء الله في بطنش فرخنا( فرخ صوص)
ندى بضحك: يعني صدق تبغى خلال هذه السنه يكون عندنا طِفل
نبراس اومى برأسه : مابغى اضغطش مع الدراسه بس انتِ وش تبغين؟
ندى ببتسامه: الصدق لا ابغى السنه الاولى ذي اتفرغ لك ولدراسه وتخطيط لحياتنا
نبراس بلهفه: وش بتسوين لي؟ تربيني من جديد؟
ندى بضحك: اذا لزم الأمر آيه
نبراس بتنيهده : وش التخطيط الي لحياتنا
ندى بضحك: نتفاهم ونهدئ ونسيطر على بعض ردات الفعل ونتعلم كيف نصير انا أُم وأنت أب
نبراس ببتسامه : صادقه بنتهاد ونخلي الغرير
ندى بضحك: عشان كذا شرطي الأول تتحكم بغِيرتك شوي
نبراس بتنهيده: ونا شرطي الأول بعد انتِ افهميني انتِ م قد حسيتي بشعور الغِيره؟
ندى بتفكير : الا بس اتحكم بنفسي ؟
نبراس : وين تتحكمين بنفسش وانتِ قفلتي الجوال ولا عاد رديتي علي ؟
ندى بضحك: ذاك ماهو بغيره؟ذاك عيني عينك جايه السلقه تقول انك متزوج
نبراس بضحك: غِرتي علي واجد؟
ندى بكذب: يعني احس الي قهرني وضع الاستغفال
نبراس بضحك: جاوبي على السؤال
ندى ببتسامه:اي انقهرت
نبراس وهو يحول كلماته وكأنه يتجادل مع طفل : ودنِيبي اددددددييييت كبدش "فديت كبدش " دنيبي (تطلق على الشيء الصغير)
ندى رفعت حاجبها بضحك: نبراس وش ذااا
نبراس بضحك: ويششش ؟ بعد قولي وجع !!
ندى بضحك: لا م راح اقول بس ندخل الاغراض ونمشي شوي
نبراس بتمثيل : ارحميني انعس برقد
ندى بصدمه: صدق والله؟؟ خلاص روح ارقد انا بمشي شويه قريب
نبراس بضحك: والله بتروحين لحالش؟ انت لي طلعتي عند الباب م يخالف
ندى. اتسعت عيناها: هيه ترى اطلع لحالي واتمشى بكل الحاره مسوي فيها
نبراس : تطلعين وحد معش اما لحالش
ندى بضحك: مسوي نفسك البطل والله اني كنت اروح حتى لبيت الدرب
صح شوي اخاف بس امشي واروح لبيت عمي علي بس بعد الكلاب صرت خفت شوي بس
بعد خروجنا من المطبخ ونا احاول فِيها بأن نعود ولكنهـا اصرت بان نمشي ف تدعي انها فتاه الفجر وانحفضت بتساءل "ماهذه" امام باب المنزل وصرخت بشده وهي تأتي نحوي شيء ما آثار رعبها جعلت مني انتفض بقوه مالذي حصد؟ ماهذا الصراخ استعديت  بشد قبضتي لأصارع الهواء
وهي تصرخ وتقفز : فيييييييه شيء بذي الغتره يمممممممممماه
وادركت ان هذا القط الصغير الذي غطيته بشماغي: اي بلى هِر
ندى بخوف: بسم الله متغطي بغتره حد بسم الله
نبراس بضحك: انا مغطيه
ندى بصدمه: انت مغطيه؟؟؟ بسم الله يمه نبراس حسيت بعظامه طرجييي
نبراس اتسعت عيناه بضحك: طيب تراه هِر !
ندى بعقده حاجب: م ادانيها وع
نبراس ببتسامه : رحمته عينته يماوي بالبرد
ندى بعقده حاجب: وتحط غترتك الزينه؟ يامهبول؟
نبراس وهو يشغل الكشاف اتجاه القط: شوفي ياندى صعين 
ندى بنظرات خوف: شف ذكرالله كيف تولع عيونه
نبراس بضحك وتقليد: انا اطلع واتمشى لحالي، وشوفي صياحش يوم شفتي
ندى بخوف وهي تأتي نحوي وتمسك بذراعي الايسر وكأنهـا تعتصر قلبي بحنيه آثر بي هذا الموقف بشده  : م كنت ادري انك تحب الحيوانات كذا
نبراس ببتسامه: وش قوم م أحبهـا؟
ندى ببتسامه: ادري تحبون البِل اكثر شيء بس انت صدمتني انك مغطيه بغترتك
نبراس بتنهيده:رحمته من المطر وشكله ضايع من أُمه
ندى بفرح: هذا يدل انك حنون جدا جدا جدا م كنت احسب لهذي الدرجه
نبراس بتنهيده: انا لي شفت هِر مدعوس ع الخط تِهل العباير
ندى بحنيه شديده : صدق يانبراس ؟ الحمدالله
نبراس اومى براسه: هذا سِر بيني وبينش
هذه الخطوات نبضاتنا سابِقه لهـا الحمدالله ياربي بانك رزقتني برجل حنون جدا رغما عن كل شيء كان كل شيء بمنظر بَديع جدا  رائحه الفجر محمله برائحه المطر واشتد الهواء بروده هل لأن هذه الخطوات خطوه للعاشقين
آم لهفه الحكايا لم تنتهي اصبح كل شيء على م يُرام نمت باكيه واستيقظتُ بفرح شديد الحمدالله يالله واكتمل الجو عودتنا لأداء الصلاه وحِينها التقينا بجدي وجابر خارجين الى المسجد وجدي الذي حذرنا بأن لا نكون سهارى وآمر نبراس بأن يوضي ويأتي لأداء الصلاه رائحه المنزل ايضا كانت حنونه بها رطوبه محببه وايضا وكأنه يحتضننا كان ادفئ  لا أُصدق اليوم زواج رفيقتي وعزيزتي مهـا آه كبرنا بداخلي الكثير من المشاعر حنين وحُب وفرح وكل الاشياء تتجمع بي الان الاشياء السعيده هذه المره صَليت بجانب جدتي وتذكرت حينما كانت تُعلمني الصلاه لماذا ياجدتي تُقاطعين
عمتي ساره وتحبين ابنها بشده؟ اضن انك م زلتِ تحبينها لا اضن بأنك تكرهينها يوجد غضب متكدس ........ كُنت بنومه عميقه جدا نمتها بعد الفجر غفت بي عيناي  ولكن م الذي افسد تلك النومه هو حينما سمعت صوت ورأيت بدر وعبدالله يتضاربون من دون صوت فوق رأسي وحينما نهضت مفزوعه بشده لافرقهم من بعض تفرقوا بسرعه وكانت تصرفاتهم غريبه وبعقده حاجب: شقومكم صاحين(مابكم)
عبدالله بخجل: جبنا لش فطور
بدر وهو يضربه بكتفه: عازمينش للفطور
ارتخت عضلات وجهي بحنيه شديده وأنا ابتسم
وحينها رأيت ان اخوتي جميعهم متجمعين بانتظاري
البتول وجمان مرتبين بشكل عفوي وبدر وعبدالله خلفي
ونا ابتسم : يالبيكم كأنكم دارين اني جوعانه
جلسوا بضحك وبدر يضحك على شمعه البتول التي بالمنتصف
وعبدالله يضحك على الريحان المقطوف ضحكت من ضِحكهم
وبدأنا بتنارل الافطار بفرح وتبادل الاحاديث وأثناء ذلك
دمعت عيناي ونا أُخبئها وشاركتني جمان وهي تُثير اشجاني ببكاء
وعبدالله الصامت وهو يُقبلني وبدر الذي قبل جبيني وهو يواسيني وهو هارب ويحذرني من البكاء اما البتول التي بدات بتساءل لماذا ابكي؟
هل لأنها سرقت احدى ارواجي؟؟ لا لا ابكي من اجل هذا ولكن
هذه اللحظات غمرتني بالحنين قبل فِقدانها لن افقدها باذن الله
ولكن اخر يوم وأنا عزباء اليوم زواجي يا إلهي لا أُصدق ذلك
ذهبت لأتصل بمواعيدي مع الصالون ومع مندوب المَسكه
وارتب مواعِيدي وبعدها قررت ان انام قليلا لأسترجع طاقتي
ينتظرني يوم طويل جدا اطلب من الله ان انام ع الاقل ساعتان
......
السآعه ٧:٠٠صباح
احاديث مُضحكه تحت سَقف الاجداد
جابر بضحك: يامه وش شرايش في السهارى
نبراس بضحك: شرايش نزوجه قريب دوري له مره حالا بالا
جابر بضحك: عادي قدني موصي ندى تدور
الجده بشهقه: وليه م تعلمنييي
جابر ببتسامه وهو يقبل يداها: انت ابغاش تريحين عمرش تجي هي لعندش
الجد بضحك: يبغاش تكفينه اختيارش بتآتين بوحده تحبين هلها وبس
الكل بضحك على احاديث الجد والجده التي بدات في خِصام مُضحك
نبراس بتثاوب: قدني انعس بروح ارقد ، ندى م انتِ براقده؟
ندى التفتت نحوه: بجيك الحين شوي بتقهوى مع جداني
الجده بحرص: يابنتي قومي مع رجلش وشوفي وشهو يبغى ذا الشيء زين وخلش لبيبه وان شاء الله طاعته ترضي الله وتغدين مره لبيبه
ندى بعقده حاجب : نفداش م قلت شيء ابشري
نبراس بضحك وهو يُنشد : هِيني من يطيع الله تعالى ولا يعصاه هو اكبر غني لو م معه قرش في جِيبه
الجد بضحك: يويه (يوه)هاجاكم
جابر بضحك: انصحي ذياك الي يغني
الجده بآمر لنبراس: وانت ياذا الآخر تُوثل ( تمهل) في عمرك وفي مرتك وكب السرعه والطفاقه
نبراس وهو يآشر على أنفه: على خشمي ابشري
الجده ببتسامه: عليه الشحم
اتبعتُ نبراس وهو يضحك والفرح يعانق ملامحه يضحك بشده حينما تنصحني جدتي وكأني جاهله ونا اعقد حاجباي ولكن بداخلي ضحكه صغيره
والله لو تعلم جدتي بانني احمل الكثير من الوعي حتى لو رأتني عنيده بس رأتني مجنونه بعد ذلك الابتزاز العاطفي لو يعلم هذا الانسان الضاحك
لا كان حصلت معركه أخرى وتساءلت بسخريه: اعترف انت تخاف ترقد لحالك
بدل من ان يجاوب يُجيب اجابه صارمه اجاب باجابه داعمه لسخريتي : اي اخاف م يهنأ لي النوم الا معش ؟ تبخلين علي
ندى ببتسامه وخجل: طيب م يهون علي اخليك تنام خائف صراحه
نبراس بتَوعد بنظراته: يعني الحين انتِ؟ م تنعسين ولا م تبغين ترقدين معي؟
ندى بضحك :بعطيك اجابتي لما ارجع
نبراس بصدمه وشغف واشتياق ف هذه التصرفات تُثير الفضول: وييييين تروحين؟
ندى بخجل : بس ببدل ملابسي
نبراس بتنهيده وصمت .. لم اغيب سوى بضعه دقائق لاستعدادي لنوم من جديد لدي طقوس لنوم لكي انعم بنوم هادئ وفور دخولي الى الغرفه لقيت نبراس نائم ابتسمت ونا اعدل مكاني بهدوء فور استلقائي قفز نحوي اخافني وهو يضحك نجح بمقلب جديد هل انت غبي تُخيفيني؟؟ جَذبني نحوه وهو يعانقني فوق صدره الذي كلما نظرت إليه تذكرت ان هذه الضلوع تَهشمت
يوما كما ان عِطر نبراس اعجبني ونا اطرح سؤالي : نبراس عطرك حلو اي واحد فيهم
نبراس بفرح: تدرين هذا عطري الي قد قلتي انه ثقيل بس يمكنه خف لاني متعطر به من البارح
ندى بصدمه وهي تستنشق :والله اجل حلو لما خف
نبراس بتنهيده وهو ينظر الي بنظرات ناعسه ويبدو فيها هذيان وهو يبتسم ويقول حديثنا ليس العطر حديثنا  الان حديثنا بعنوان لا تعذبينني أكثر وهل تعلمين بأني اعشقك وأحبك وأنك تساوين هذه الدنيا ومافِيها تصاعدت الدماء الخجله الى وجهي ونبضي تزايد من هذا التعبير وأجبت واحرفي مُتلعثمه
وأنا أحبك ولا ارجو من أنني اعذبك ابدا ان كُنت تَقصد اصمتني قبل ان اتفوه بكلماتي وهو يُقبلني بخدي ويقول لا اقصد ذلك بتاتا بل اقصد شده عنادك تنهدنا سويا وبدأنا باحاديث الهذيان ولكن تبادلنا الادوار هو الان بالفقره المفضله له مثل الطفل بحضني وقال ان دهام قال له كلمات غريبه
وكان يناديه بابن ساره واشياء كثيره اثارت افكاره وألمته وفتشت جراح قديمه سرعان م مسحت على رأسه ونا اجعله يتكلم اكثر ليفضفض ويرتاح ف هو من الصعب ان يفضفض بسرعه كانت فضفضه ضحك دائم ولكن ستتغير معي وستحترم مشاعرك النقيه انتزانسان مميز حقا يانبراس لا تستاهل بتجاهل مشاعرك .......
ضجيج الفرح انتشر بكل مكان صوت الاسشوار رائحه العطور
والبخور ورائحه المناكير والفساتين منتشره ومساحيق التجميل بكل الالوان
وكلنا مُتجمعين مع عمتي مزنه بمنزل جدتي وبنات عمتي ريضه
واختي علياء وشيخه وبنات عمي دهام وتجاهلت روان تماما لا اعلم اصبحت لا يُهمني وجودها ولكني اتصرف بحذر شديد اقفلتُ غرفتي ونا س أذهب الى مها لانني س اتزين معها واجلس معها كما أن الجميع ذاهبين لأقامه طقوس الرجال(إقبال بزاومل ومعونه لحمد )
ذهبت على قدمي كانت الشمس حاره ونا اغطي وجهي ونا احمل كيس فيه فستاني وحقيبتي وعبايتي ارتديها امشي بخطوات سريعه لعل اصدق قبل ان تصادفني سياره بالطريق فور وصولي استقبلتني جمان وهي ذاهبه لتتزين مع البنات في منزل جدتي وأنا فور قدومي عانقت مها بقوه ودموعنا تتلالئ
   ....
مشاعركم وتعبيركم ودعواتكم ي أصحاب✨✨✨✨
لا احلل النقل لكل حرف اكتبه ولا احلل عدم التفاعل