كبرتُ ولْم تجفُ ثيِاب طفولتي

والشُوق حِمل والظروف حاده

والصدمه حِينما رأيت نفسي
حزينه وسعيده
راضيه ومُعترضه
مُغرمه وكارهه
ضحكتُ ثم ابتسمت ثم تنهدت ورفعت حاجباي طارده الدموع
ولكنها سقطت دموعي وكتمت اجهاشي بالبكاء بالاسئله المُتتاليه
مالذي يحصل ارجوك  ؟!! مالذي حدث لماذا تركتني غارقه بدموع الحِيره
وانتظر اخبارك من جميع الجوارح المآره مرور لم يشفي جِراحي
لماذا فعلت ذلك يانبراس ..... كانت صامته تهرب من ان تقع عيناها بِي
واعلم بأن داخلهـا  الكثير من الكلام كانت تظهر انشغالها وعيناها تخطف النظر لي ومن ثم تمتمت : نبراس بزين الغداء وانت ريح ارقد 
نبراس بلع ريقه : مالي نفس بشيء الحين برقد واذا صحيت بآكل
ندى بحزن : زين ، نبراس وش الي صآرليه م ترد علي ليه خليتني اشحذ علومك من كلن؟
نبرآس بتنهيده:  سامحيني والله غصب عني
ندى بتنهيده: علمني انا بعطيك العذر وفوقه بس علمني
نبرآس بلع ريقه: الي بقدر اقوله لش م قدرت اتواصل معش و تقدرين تقولين من العلاج
ندى بخوف: من العلاج انك تبتعد عَني ؟
نبراس بلع ريقه بتردد وضِيق : تقريبا
ندى بلعت رِيقها برجفه : تقدر تقول لي اهون علي من انتظاري الي اوجعني وافكاري بالنهايه تراي انثى ؟؟ مشاعري تحطمت وتكسرت بالتفكير فيك
والاوهام خذتني وجابتني ذي الايام الي طافت كن الثانيه الف شهر
ولا هان عليك توضح لي وتعلمني وش فيك ولا اش العلاج ذا؟ انا سبب الحين
نظرت الى ارتجاف الدموع بعيناها كما انني اكبت دموعي : انا غلطان سامحيني والله ان الايام الي طافت ماهي بهينه من المرض والشين والتعب وهَمش
كانت رجفه احرفها تسبق رجفه ثَغرها المُتكلم : انا ماني بزيد عليك تعبك بس اني بغيابك المفاجئ تعبت ولا كان بسهل علي! نبراس انت بتتحمل اغيب عنك فجاءه بدون؟ م اعلمك؟؟
كتمت انفاسي بسؤالها : تكفين ياندى لا تزيدين علي ابغى اتحسن اربني اوديش للعيد
... بلعت ريقي ابتلع زُجاج البكاء ومن ثم ذهبت لغسل وجهي للمره المليون
لم القى اجوبتي ! هل صرت الآن سبب في زياده تعبك وفوق هذا كله ! تريد ان تسافر بي الى نجران وتتركني آه كم اكره الحُب وكم آكرهك يانبراس
استغفر الله وهل أقوى على كُرهك وقفت امامك عندما استلقِيت على السرير
تريد النوم وضللتُ صامته ونا انظر إليك ..... تنظر الي مثل الطفله الغاضبه مسلوبه لُعبتها الغاليه ومن ثم تمتمت : ندى ؟ تبغين شيء؟
ندى بلعت رِيقها : مخدتي
نبراس بصدمه:اخذيهـا طيب
ندى بخجل: الي انت راقد عليهـا
نبراس ارخى حاجبه وابتسم: ممنوع؟ ارقد عليهـا
ندى اومت براسها: لآ بس يمكن تخرب علاجك
نبراس ببتسامه وتنهيده: برد روحي شوي لا تحسبيني م عانيت ببعدش
ندى وهي تاخذ الوساده الاخرى بصمت وتاخذ شرشف خفيف امام ناظري
اضن انها ستنام على الكنبه وان اوقفتها عن ذلك ستغضب مِني وتعاندني
س أراضيهـا عما قريب واصلح كل شيء ياليتك ياندى تعرفي مايحصل ولماذا غِبت صحيح بانني اخطئت بأنني لا اوضح ولكن كُنت آمر بفتره عصيبه وخوف وتردد وشك وألم واشتياق ورجائي لرب العالمين بان يشفيني ويشفِيك .......
_____________