That Same Old Love | Completed

That Same Old Place

LI. ADRIAN

Nakapanga-lumbaba ako dito sa kinauupuan ko habang nakatingin sa babaeng Prof namin na nagtuturo sa accounting.

She has a creative way of teaching para raw hindi mabored o antukin ang mga estudyante. Idagdag mo pa na ilang taon lang ang layo ng agwat ng mga edad namin kaya makikitaan mo siya na may pagka-kwela. Ka-one call away la ng mga estudyante. Major subject namin siya pero hindi siya terror gaya ng iba. Tapos dahil ilang taon lang ang agwat namin ay halos lahat ng mga kaklase naming lalaki ay may gusto doon sa Prof na iyon.

Oo maganda siya. Mabait at palangiti. Pero hindi ko siya naging type. Kahit noong nag-break kami ni Ysabel ay hindi ko pa rin siya nagustuhan.

Ganoon lang talaga siguro kapag sobrang in love na in love ka sa isang tao. Kahit nasa kaniya na ang mga magagandang katangian ay nauuwi ka pa rin sa nakasanayan mo. O kaya naman ay doon ka talaga sa mahal ng puso mo. 'Yong gangster, 'yong palaging nakasimangot at lalo na iyong hindi siya malapitan ng kahit na sino dahil kapag titingin siya, iisipin mo na parang sinasaksak ka na sa isip niya.

Sa madaling salita, uuwi at uuwi pa rin ako sa taong mahal ko. Kahit anong mangyari, kay Ash Ysabel Jimenez pa rin ako uuwim

Napatingin naman ako sa orasan ko sa pulsohan at nakita kong may kalahating oras pa bago ang dismissal namin. Siyempre wala naman akong magagawa doon kaya pinilit ko na lang talaga na ibuka ang mga mata ko. Inaantok na kasi ako mula pa kanina. Inaantok at tinatamad na ako mula pa kanina.

Siguro ay gusto ko ng umalis kaagad dito sa university at magtungo sa ospital kung saan nandoon si Ysabel. Hindi naman sa hinihiling ko na matulog pa muna si Ysabel pero sana ay tulog pa siya para paggising niya ay nasa tabi niya na ako. Gusto kong ako nasa tabi niya once na magising siya. 30 minutes na lang naman ay dismissal na namin kaya sana tulog pa si Ysabel sa mga oras na 'to. Kung hindi nga lang ito major, malamang nasa ospital na ako kanina.

"Dude, gusto mo?", bored na bored akong tumingin sa katabi kong si Stanley. Napatingin naman ako sa binibigay niya sa akin. At nakita ko na kumakain pala siya ng M&M's.

Kita mo 'tong lalaking 'to. Pati pagiging chocolate lover ni Ysabel, na-adopt na niya.

"Pampawala ba ng antok 'yan?", tanong ko sa kaniya. Para naman kapag pumunta na kami kay Ysabel ay marami akong energy. This time, babawi ako kay Ysabel. Babawi ako sa mga oras na nawala'y ako sa kaniya.

"Aayain ba kita kung hindi?", at nang-aasar pa ang isang ito. Inaantok na nga 'tong tao oh. Eh kung sapakin ko kaya 'to? Malalagot ba ako kay Ysabel kapag sinapak ko ang pinansin niya?

"Ito naman hindi mabiro, kuha ka na. Mukhang pagod na pagod ka na eh." Hindi ko siya sinagot sabay kuha ng ilang piraso ng M&M's sa kaniya.

Ngumu-nguya ako habang kunwaring nakikinig sa Prof nang may sinabi na naman sa akin si Stanley. At sa sinabi niyang iyon ay hindi ko alam kung matutuwa ba ako o hindi.

"Olivia's staring at you the whole time." Kumunot ang noo ko sa sinabi ni Stanley. Walang ano-ano ay tiningnan ko ang babaeng nasa harapan nakaupo katabi ng mga kaibigan niya.

She was smiling at me. The fuck?! Why is she smiling at me?! I don't want that smile. It feels like she has a plan in her mind. That's why she's smiling like that. She's evil grinning.

So what's her plan now huh?

Anong plano mo ngayon Olivia?

But who am I to ask? Malalaman ko rin naman iyon.

"Just try to smile at her. Hindi 'yong mukha kang tuod diyan." Bulong naman ni Stanley sa akin.

At bakit ko naman ngi-ngitian ang babaeng iyon? Ano siya sinu-swerte? Pumayag na nga ako na maging boyfriend niya and then she wants more? Well yeah, it's all planned pero not to the point na okay na ako sa kaniya.