تبقى وليف القلب ولو صار ماصار وتبقى نظير العين ولو ما اشوفك

الجزء الرابع 🩶

-
-

ترك يدها يطلع جواله لجل يوريها فيديو لابوه مسجله لجل يطمنهم
مسكت جواله وهي تشوف زوجها وشكله التعبان وهي مدركه انه كل اللي فيه بسبب تفكيره بولده بكره وسنده اللي بيوم وليله اختفى وكأنه لم يكن بكت وهي تترك جوال ولدها وتتركهم وتصعد لجناحها
قام عذبي وجلس بين خواته وهو يحضنهم الاثنين لحضنه ويطمنهم على ابوه وشبه تطمنوا لما شافو الفيديو المسجل وصوت ابوهم اللي صاحي ويتكلم بطبيعته ولكن صوته تعبان

المستشفى / الساعه ٩:٠٠ صباحاً ( العنايه المركزه )
من ورا الزجاج يتأمل اخوه اللي من وقت اختفاء ولده كبر اربعين سنه التفكير بولده تعبه وتعبهم جميع ولف يتأمل ابوه اللي جالس على كرسي متحرك وبيده مغذي بسبب تعبه المفاجئ عليهم وقت علموه عن متعب وهبوط ضغطه بشكل كبير استوجب انهم يجيبونه للمستشفى  ولكن مارضى يجلس بالغرفه ويترك ولده ولا يتطمن عليه واصر عليهم يحطونه بكرسي ويودونه لولده واللي تركه يوعى من تفكيره صوت الباب اللي انفتح وطلع من وراه الدكتور المسؤول عن حالة اخوه واسرع له يسأله عن حاله
ابو تميم بقلق : طمنا يادكتور عساه ماهو تعب كايد
الدكتور بأبتسامة تطمن : بخير انشاء الله انه ماهو بشي كايد !
ومشى لين وصل عند الرجال اللي بكرسي متحرك وجنبه المصل وعدله له وانحنى عليه لجل يطمنه لانه عرف ان اللي بالداخل يخصه وقريب منه ولا ماكان وهو تعبان ينتظره عند الباب
الدكتور اياد بأبتسامة : تطمن ياعم الرجال بخير ومافيه الا العافيه تعب بسيط بسبب التفكير وضيق قليل بقلبه تركه يطيح لكنه بخير ومثل الحصان بننقله لغرفه عاديه ماله داعي العنايه صار بخير
الجد عبدالعزيز طبطب على ايد الدكتور : يعطيك العافيه يابوي يعطيك العافيه ماتقصر طمنتني على ولدي
الدكتور اياد بأبتسامه : واجبنا ياعم واجبنا والله يخليهم لك جميع
وقام وهو يلف على العيال والاباء : بس ماعليكم امر يجي معي واحد منكم لجل اقول له على وصفة العلاجات اللي ياخذها
مشى معاه لمكتبه ابو تميم وابو سعود وتركوا ابوهم عند عيالهم
ولفو العيال والجد على باب العنايه اللي انفتح وطلع منه سرير متعب وهو مستلقي عليه وعيونه طاحت على ابوه وماتكلم مافيه حيل
وحرك تميم كرسي جده ومغذيه اللي خلص
ونادى سعود ممرض لجل يجي يفك الابره عن جده ودخلو جناح عمهم متعب و وراهم الممرض
الممرض فك الابره وقال : سلامتك ياعم اخر الاوجاع
الجد عبدالعزيز : الله يسلمك ياولدي ، ماتقصر
وطلع الممرض وسكر باب الجناح

مكتب الدكتور اياد
جلس الدكتور على كرسي مكتبه وقدامه ابو سعود وابو تميم جالسين و عارفين انه ناداهم لجل يقول شي غير العلاجات وشي كايد لجل كذا طلبهم بمكتبه
الدكتور اياد بجديه وعمليه : ناديتكم لمكتبي لجل اعلمكم عن وضع العم متعب بجديه بعيد عن الوالد
ابو سعود بتفهم : تفضل يادكتور نسمعك
الدكتور اياد بعمليه : العم متعب لما جانا كان غايب عن الوعي ولا يدرك شي حوله دخلناه العنايه ولاحظنا انه اللي سبب طيحته قلبه ! وسكت لاحظ انظارهم المهتمه و كمل كلامه يشرح لهم : خليناه تحت المراقبه اربع ساعات وخلال هالساعات خذينا عليه فحوصات شامله لكل اعضائه ولقينا كل شيء سليم
الا عضله بقلبه تعبانه جداً والعضله لا تعبت ممكن انها تسوي تضخم بنبضات القلب وهالشي ممكن انه يؤدي الى الوفاة لا سمح الله
ابو تميم وابو سعود وجيههم جمدت عن الحركه ولكن تدارك الوضع ابو سعود وبدا يسأل اول سؤال جاء لباله
ابو سعود تنهد وبتساؤل : ويأثر هالشي على عمله كـ عقيد ؟
الدكتور اياد هز راسه بإيه : يأثر وبشكل كبير من ناحية الانفعال والتفكير والضيق وبعض التدريبات و العضله مابتتعب ولا بتطيحه ولكن بشرط تبعدونه عن كل مكان فيه انفعال وتفكير مطول ومنها شغله
ابو تميم بعد ما استوعب اللي انقال : كيف دكتور اخوي متعلق بشغله كيف نقوله تقاعد ؟
الدكتور اياد يشرح لهم : ضروري تتوفر عنده بيئة عمل مريحه وغير مقلقه والاهم بينكم لانكم تعرفون وضعه لاصار ماصار تسعفونه حاولو تقنعونه لجل مايصير شي لانحمد عقباه !
ابو سعود وهو يقوم وبهدوء : يعطيك العافيه دكتور
الدكتور اياد وهو يقوم ويصافحه : الدكتور اياد
حسين وهو يصافحه ويشد على يده : يعطيك العافيه يادكتور اياد باذن الله نقنعه وبيراجع عندك
الدكتور اياد بأبتسامه : اتشرف امسك حالته
ابو تميم قام وهو يصافحه وطلع مع اخوه وهم يفكرون كيف يفاتحون اخوهم بهالموضوع وبهالوقت الحساس بالنسبه له