تبقى وليف القلب ولو صار ماصار وتبقى نظير العين ولو ما اشوفك

الجزء الثالث والثلاثون 🩶

-
-

لا استبيح القراءه بدون لايك وكومنت 🌷
—

سعود تنحنح وعض شفته : متى ودك ؟
ود بتفكير : خلها بعد اسبوع
سعود بهدوء : تم
ود بأبتسامة : ثنكيو سعود جد انقذتني انا ومستقبلي
سعود ابتسم وبثقل : مابيننا ياود
ود بتردد حكت حاجبها : طيب كيف اعرف الموعد يعني قصدي اليوم اللي نروح فيه ؟
سعود برفعة حاجب : عطيني رقمك
ود بأرتباك : كيف اعطيك رقمي ؟
سعود مد جواله لها وبسخرية : يعني تكتبينه هنا وانا اذا حددت اليوم ارسلك
خذته ود بتردد لكن واثقه بعيال عمها وتعرف الردى مايجي صوبهم وكتبت رقمها ورنة مره لجل تعرف رقمه وسكرت تمد له جواله
ود بتوتر : كتبته !
وابعدت من قدامه تدخل للبيت وتسكر الباب وراها وتفكر بالموقف اللي حصل كـ كل ولا تخيلته ابداً

شـركة آل جسـار " الساعة ٢:٤٥ ظهراً "
ركبت السيارة وهي تتأفف من حرارة الجو والتعب الطاغي عليها صارلها اسبوع مع ليلى تنقل اغراضها واخيراً لفتلهم اللي انتقلوا لها خلال اسبوع ورغم ضغط شغلها الا انها ماتركت اختها لوحدها وساعدتها بالنقل وامس مانامت غير اربع ساعات بسبب الشغل اللي متراكم عليها وتحس بتبكي من تعبها وماحست غير بالسيارة اللي وقفت بقوة خلتها تصدم بمرتبة السايق وتشهق بخوف ورفعت راسها بقهر من بريك السايق اللي خوفها
نجد بنبرة شبه عاليه : شفيييييك وقفت جذي
السايق بخوف : ماما سيارة فجأة وقف انا مايعرف شنو فيه هو
نجد تنهدت بقهر : والسيارة ماوقفت الا هنيه والحين
نزلت من السيارة تناظر لها ولا عرفت شيء غير انها واقفه والسايق يحاول يعرف ايش سبب توقفها وعضت شفتها بقوه لما سمعت الصوت اللي وراها

" بنفس التوقيــت "

توه خالص من دوامه وهلكان من تعبه ركب سيارته وهو متوجهه للبيت لكن لفت انتباهه سيارة سايق بيت عمه ابو تميم واقف على جنب الطريق وفيه بنت واقفه جنب السيارة تتفحصها وعرفها مباشرة من لفت وهي تتحلطم وشبه ابتسامة مرت شفته وهو يركن سيارته وراهم ونزل لجل يشوف مشكلة السيارة
عذبي بهدوء : ايش فيه ؟
نجد عضت شفتها ولفت عليه : مافيه شي
عذبي بشبه ابتسامة : نجد السيارة فيها شي
نجد تنهدت وآشرت على السايق : مدري مايعرف شنو فيها وحاولت اعرف بس ماعرفت
عذبي تقدم للسيارة يشوف ايش فيها وعرف اللي فيها ينظرة وحده ورفع جواله يكلم لعشر دقايق وسكر بعدها يتوجه لنجد
عذبي بعقدة حجاج : مرتفعه حرارتها ما تقدرون تمشون فيها كلمت الكراج يجون يشيلونها
نجد بتأفف : اوووف الحين شلون ارجع البييييت ؟
عذبي ببساطة آشر على سيارته : معي
نجد توسعت عيونها وبسخرية : بأحلامك
وبعدت عنه تتصل على ابوها وتناقشه ببساطه وعضت شفتها لما عرفت انه بعيد عنها حيل واذا جاها مابيجيها الا بعد ساعتين وتوسعت عيونها بذهول من عذبي اللي مد يده يسحب جوالها
عذبي بأبتسامة : هلا عمي ، لا معليك خلص شغلك انا دقيت على الكراج ياخذون السيارة والسايق معاهم ، ونجد انا بوصلها بطريقي للبيت ، مافيها تعب عمي لا تشغل بالك ، الله معاك
وسكر يمد لها الجوال وبحده نادر تطلع منه : بلا حركات اطفال واركبي السيارة ماني ماكلك
وابعد عنها يكلم السايق وهي بدورها تقدمت لسيارتهم تاخذ اغراضها وتتقدم لسيارته تجلس بالمقعد اللي وراء بتوتر وارتباك وتنهدت تصد بعيونها وقت ركب وحرك السيارة وبعد مرور عشر دقايق قاطع هدوءهم رنين جوال نجد بـ " ايديده سعاد " وعضت شفتها ماتقدر ماترد عليها وسمت بالله ترد عليها بهدوء
نجد بهدوء : هلا والله بالحلوين
سعاد بنبرة حنونه : هلابج اكثر يمه نجد شلونكم شخباركم
نجد بأبتسامة حنين : بخير ايديده انتو شلونكم
سعاد بحنانها الدائم : كلنا بخير يمه كلنا
ثم اردفت : نجد يمه ليلى رجعت معاكم السعودية صح ؟
نجد بزعل : مو من صجج ايديده داقه علي وتسأليني عن ليلى
سعاد بضحكه : نجدوه مو وقت غيره يمه سؤال سألتج ردي عليه
نجد بإنزعاج : زعلت تراني
وسكتت تردف بعدها : ايه جت معانا موجوده ببيتها مع زوجها
سعاد بفرحه : الحمد لله ردت لزوجها ؟
نجد بشبه ابتسامة : ايه ردت ايديده
سعاد فجرت قنبلتها : اجل بلغي امج اننا بعد اسبوع بنجي السعودية كلنا
نجد بشهقه : امانه ايديده بتجووون ؟
سعاد بأبتسامة : ايه يمه بنجي كلنا
نجد بحماس : تمام ايديده ببلغهم
وبأبتسامة جانبية وعيونها تناظر عيون ذاك اللي يناظرها : سلمي على الكل ايديده كل اللي عندج خاصة فهووود زين
سعاد ضحكت وبتوديع : يوصل يمه يلا انا اسكر مع السلامه وسكرت جوالها وعيونها تناظر تعابيره اللي من كلمه تغيرت وشبه ابتسامة مرت على شفتها وصدت تناظر الشارع
وقفت سيارته عند بيت عمه وكانت بتنزل لكن قاطعها صوته
عذبي بتساؤل : بيجون اهل الكويت ؟
نجد هزت راسها بإيجاب : ايوا
عذبي ميل راسه جهتها وناظر عيونها وبنبرة ساخره : وفهود ؟
نجد بأبتسامة : اول واحد هو مشتاقه له موت
عذبي بحده : نجد
نجد بإنزعاج : عذبي
وناظرت عيونه بحده تصد عنه وتنزل وعيونه تناظر قفاها وهو طول مكالمتها يسمعها بأبتسامة من لهجتها اللي تبدلت مجرد ما كلمت جدتها ام امها وابتسامته كل مالها تزيد لين قالت جملتها اللي عفست يومه كامل ايش معنى فهد خصوصاً تسلم عليه ليه هو بذات
وتنهد يبعد شماغه عن راسه ويشد شعره بقهر منها وافكاره اخذته لليوم اللي غار فيه جداً وغيرته وضحت عليه للكل الا لها هي نجده