تبقى وليف القلب ولو صار ماصار وتبقى نظير العين ولو ما اشوفك

الجزء الستون 🩶

-
-
-

لا استبيح القراءه بدون لايك وكومنت 🌷
__

ناظرته دون رد وقامت وهي تاخذ اغراضها وتمشي طالعة من المستشفى ، لكن ماتركها اصيل وهو يمشي وراها لكن مايقدر يجاري خطواتها بسبب وجعه من قلبه اللي تزايدت ضرباته بشكل تعبه
اصيل بتعب ونبره مختفيه : هناااي
وقفت وهي تلف عليه بنرفزه لكن شافت وقفته الغير طبيعيه وكأنه بيطيح تنسى وينها ومكانها وكل شيء وتقرب منه بسريع خطواتها وتسنده
هناي بخوف : اصيل
اصيل بدوخه اسند نفسه عليها دون رد الشيء اللي تركها تنادي اللي حولها من ممرضين يقربون وياخذونه للملاحظة تلحقهم هناي من غير شعور من خوفها عليه

بالمطعم " بنفس التوقيت " ( تميم وفيّ )
آشرت له بيدها بالنفي وهي تكه وتشرق بأكلها بسبب تميم اللي يضحكها بشكل ما تتحمله ، يتلفت حوله بفشله من صوت ضحكتها الشبه عالي
تميم رفع كفه لشفتها : فضحتينا يابنت
فيّ خذت نفس بصعوبه وهي تبعد كفه وتبوز : اذكرك انت ضحكتني انا ماسويت شي
تميم ابتسم وهو يقوم : انا بروح احاسب واغسل يدي
ورفع عيونه لها بتهديد لطيف : اجي الاقيك مخلصه الاكل سامعه ؟
هزت راسها فيّ بإيجاب وهي تشوفه يروح ويتركها ، تاكل اللي يكفيها وتترك الباقي وهي ترد على سنابات ود اللي تتحطلم
فيّ بضحك سجلت فويس : ود تكفين خلاص ماباقي شي على الترم وللحين على نفس سالفتك مع الدكتور توم وجيري انتوا ؟
ترسله وثواني وشافت رد ود اللي خلاها تبتسم بوسع " انتِ افطري مع حبيب قلبك واتركيني اتحلطم على هناي هي الوحيده اللي تواسيني " ، تقفل الجوال برواق على وصول تميم اللي وقف يناظرها
تميم بسخريه آشر على الاكل : قولي والله ؟
فيّ بإستغراب : على ايش
سكتت ثواني تستوعب نظرته على الاكل وتضحك بخفوت : والله خلاص شبعت ماعاد فيني
تميم بعدم اعجاب مد يده لها يمسك يدها : ماش اكلك ماهو صحي
فيّ استشعرت ملامسة كفه لكفها تبتسم بعبط من كلامه : حبيبي انت خلك صحي وانا بساندك لكن لا تجي صوب اكلي ثم ما نتفاهم!
يركبون السيارة ويحّرك تميم متجه للمكان الثاني اللي ماتعرفه فيّ ولا قد زارته لكن تميم ؟ قضى نص جياته للسعودية يجلس فيه

قصر ابو سمو " الساعة ١٠:٣٠ صباحاً "
تفطر بهدوء وقدامها اللابتوب اللي من خلاله تقرأ الايميلات اللي واصلتها سواء من المحكمة او الشركة لكن كل هذول ما همها اللي يهمها الحين صاحب اخر و اول رسالة قدامها تنتظر رسالته بفارغ الصبر بتهورها وتسرعها المعتاد ، لكن سرعان ماقفلت اللابتوب بقوه لما سمعت صوت ابوها
سمو بضحكه تخفي ارتباكها : الله الله متأخر اليوم ابوي
يقرب منها عبدالرحمن ويجلس بمكانه المعتاد ويناظرها بنص عين : مو متأخر اليوم بطلع من المركز متأخر لجل كذا مارحت مبكر
وسكت ثواني ثم اردف بشّده : اشوفك انتِ متأخرة
سمو هزت راسها بإيجاب وهي تقوم : الا متأخرة بس قلت دامني متأخرة افطر واروق وبعدها امشي
عبدالرحمن عقد حجاجه وبحزم : سمو
سمو ابتسمت بخفوت وهي تقبّل راسه : مديرنا سمح يبه ومتساهل وبعدين مافيه شغل اليوم بس بنراجع اخر ملف للمشروع الجديد ونعدل البنود عشان كذا تساهلت ورحت متأخر
عبدالرحمن بشّده : ولو كان يابوي اذا الرجال طيب ما نستغل طيبته كذا صح ولا ؟
سمو وهي تاخذ اغراضها : صح فديتك ، خلاص هذا انا بطلع مع السلامة
وطلعت سمو من البيت يستودعها الله بقلبه قبل لسانه وهو يفطر بهدوء وكانت دقايق ليقوم ويطلع هو الاخر لعمله