تبقى وليف القلب ولو صار ماصار وتبقى نظير العين ولو ما اشوفك

الجزء التاسع والخمسون 🩶

-
-
-

لا استبيح القراءه بدون لايك وكومنت 🌷
__

قصر ابو تركي " الساعة ٤:٠٠ عصراً " ( الصالة )
جالسة تتقهوى وبناتها قاعدين معاها ود على كاميرتها تختار الصور اللي تبيها وعذاري على جوالها وابتساماتها تتوسع بين حين وحين ، يرتفع رنين جوالها تاخذه بيدها ويتوتر كونها من المتصل " ام تميم " الشي اللي تركها ترد بعجله
نوال ابتسمت : ياهلابك نورة
نورة بشبه توتر : اهلين نوال شخبارج شخبار العيال وابو تركي ؟
نوال : بخير الله يسلمك كلنا بخير ونعمه انتوا كيفكم ؟
نورة بورطه عضت شفتها : بخير بخير ياحبيبتي
سكتت ثواني ثم اردفت بحرج : بخصوص الموضوع اللي كلمتيني فيه
نوال بترقب : ايوه
تنهدت نورة وهي تكمل قولها : نجد رافضه عذبي و وافقت على وافي آل رافع
نوال كتمت حزنها على ولدها وبتخفيف على نورة : سهالات يانورة الحمد لله دامها ماتبيه ماهو اجبار الموضوع والله يوفقها مع وافي
وسكتت ثواني تكمل بمزح : وبعدين ماحنا قاطعين بعض وبينا حفيدة ولا ايش قولك
تنفست بإرتياح نورة : الله يطمنج والله اني شايله هم شلون ابلغج والله يوفق عذبي مع بنت الحلال اللي تحبه والله انه بحسبة ولدي تميم بس عاد بعد كلام البنت محد يتكلم وانتِ عندج بنات وخابره
نوال آشرت لود اللي تسألها : ايه بالله بعد كلامهم مافيه كلام ، الله يوفقهم جميع ويكتب لهم السعادة
نورة ابتسمت : اجل نشوفج على خير حبيبتي مع السلامة
نوال : الله معاك ياقلبي
وقفلت الجوال تلف على ود وبشبه غضب : ايش فيك ود
ود عضت شفتها بتوقع : رفضت صح ؟
نوال رمت جوالها على الكنب وهي تتنهد بحزن : ايه ، متقدم لها غير عذبي واحد ينقال له وافي آل رافع وافقت عليه
عذاري بعقدة حجاج : رفضت عذبي و وافقت على واحد غريب مانعرفه ؟
نوال بإنزعاج : ولا وحده تتكلم معاها تسمعون ؟ تنسون موضوع الخطبه وتوقفون مع بنت عمكم مو يعني رفضت اخوكم تقطعونها حركات الزعل ما ابيها
عذاري بذهول : يمه كيف نغض البصر وهي فضلت الغريب على عذبي ؟ عذبي اللي الكل يعرف بحبه لها كيف ترفضه
نوال بحذر : عذاري احذرك انا سوالف المشاكل والتنغز مو عندي فاهمه ؟ اي وحده تكلم نجد او تعاتبها حتى بالموضوع بزعل منها وانتم تعرفون زعلي كيف يكون ، البنت فكرت واستخارت وقررت محد بيوقف بوجهها ويغير رغبتها حسب مزاجه
ود بتوتر وحزن : الله يوفقها معاه ، والله ان عذبي بيجن يمه بيجن لو عرف
نوال بتهديد خايف : اللي اسمعها تقول له ياويلها اخوكم مجنون وممكن يتكلم عليها قدام الناس لو عرف ، ولا وحده تعلمه لين تتم الخطبه رسمياً و وقتها يعرف عند الرجال وينصدم ويسكت مايقدر يتكلم
ود بنفي : لا يمه لا بيزعل والله بيزعل علينا
نوال تنهدت بخوف على عذبي : يزعل ويرضى ولا يوقف نصيب البنت عشانه انا اعرف ولدي اذا عرف عن رفضها بيوقف بنصيبها حتى لو كان عناد ، لا يعرف منكم تسمعون ؟
عذاري بسخريه : مو طبيعيه هالنجد بتجنن اخوي نفس ما اختها مجننه تركي
نوال بغضب آشرت لها : عذاري لا تحسبين اني ما ادري ايش تقولين لبنت عمك سواء لوحدكم او قدام البنات لكني اتجاهل لان ليلى ماجتني واشتكت لي منك ، لكن اعرفي ان صبري له حدود وانتِ ماباقي لك كثير وحدودي تنفجر عليك وانا تعرفيني ما بعجز عن تربيتك حتى لو كبرتي وصرتي حرمه كبيره احترمي بنت عمك وزوجة اخوك لان احترامها من احترامه عندك فهمتي ؟
تأففت عذاري وهي تتركهم وتصعد لجناحها و بقت ود عند امها تحاول ما تتركها لحالها لانها ماتضمن انها بوقت غضبها الداخلي من نجد ممكن انها تدق عليها و تقول كلام هي ماتدري عنه