تبقى وليف القلب ولو صار ماصار وتبقى نظير العين ولو ما اشوفك

الجزء الواحد والخمسون 🩶

-
-
-

لا استبيح القراءه بدون لايك وكومنت 🌷
__

فهد بمقاطعه : وانا اخوها
ليذهل عذبي وهو يوجه نظراته لنجد اللي متكتفه وابتسامتها تسكن ثغرها
فهد ابتسم بخفه : اخوها من الرضاعة ياعذبي كانك ماتدري
عذبي حك خشمه بإحراج : اعذرني والله ماكنت ادري
فهد طبطب على كتفه : واضح ماتدري
واردف بطقطقه يخفف احراجه : كنت بتخلع كتفي ياولد عمها
عذبي بسخرية مضحكه : لا تسوي حركات الحبايب ومحد يخلع كتفك
نجد قاطعتهم بتأفف : فهد اذا مطول عطني المفتاح بنروح السيارة
فهد بضحكه آشر لعذبي : اشوفك بعدين
واقفى عنه ويده بيد نجد وشيخة اللي متقدمتهم ، ترتسم ابتسامة هاديه على ثغر عذبي يدرك لعب نجد عليه

الـواقـــع " بنفس التوقيت بالمطبخ الخارجي "
دخلت المطبخ بسريع خطواتها وتنفسها يصعب جداً بعد اللي صار واللي سوته ، جلست على الكرسي ورجعت شعرها على ورا وهي تسمع فيّ اللي دخلت بعدها
فيّ بقلق : نجد بخير انتِ
نجد ماردت وهي تزفر انفاسها اللي كتمتها لفتره طويله من مناقشة الموضوع اللي صار لتوه داخل ، ماهي مستوعبه تسرعها بس واثقه انها بتتخطاه وبتنسى بقرارة نفسها هي بعقلها واثقه ان اللي سوته صح لانها ماتمشي على مشاعرها هي عقلها يحكمها وتسرعها للاسف ، ادركت واقعها على دخول ود
ود وقفت قدامها وتكتفت بهدوء : ليه ؟
فيّ بتهديه : ودي نجد مو قص !
ود بمقاطعه رفعت كفها تسكتها : فيّ انا بسمعها هي لا تتكلمين بدالها
ولفت على نجد وبتكرار : ليه نجد علميني
نجد عقدة حجاجها : ليه على ايش
ود برفعة حاجب : تبين نتكلم بالصريح يعني ؟
سكتت ثواني تردف ببرود : تمام نجد ، كلنا ندري وحتى انتِ مستحيل ماتدرين ان عذبي يحبك
سكنت ملامح نجد من كلام ود هي ورغم انها متأكده من حبه لها  من حركاته كلامه وحتى افعاله معاها سواء بحزنها او فرحها الا انها ما سمحت لنفسها توافق عليه ، هي تحس بضعفها ناحيته وماتبي تحس بهالشعور ابد هي تكره شعور الحُب من ليلى اختها
عذاب ليلى ببُعد تركي عنها خلاها تقنع نفسها وعقلها بإنها ماتتزوج واحد تحبه ماتبي تعاني ماتبي تعيش اللي عاشته اختها
ورغم ادراك قلبها بإنه هالشيء غلط إلا انها عاندته ومشت على ادراك عقلها
نجد ببرود خلفه براكين دموع وآلم : بس انا ما احبه ورفضته وانتهى الموضوع ود لا عاد تطرينه
وقامت لجل تطلع لكن مسكتها ود من ذراعها توقفها : تمام نجد تمام ، بس عطيني سبب ابي سبب واحد غير انك ما تحبينه يخليك ترفضينه سبب مقنع اقدر اواجه فيه عذبي واخليه ينساك
نجد وهي نقطه وتبكي وبقساوة : ما ابيه ود ما ابيه ماهو الرجال الي حلمت فيه طايش ما يهمه احد ومهمل وبعدين انا اعتبر عذبي زي اخوي كيف اتقبله كزوج ؟
فيّ بحده خفيفه : نجد ايش هالكلام
نجد اظهرت الازعاج بملامحها : من طق الباب سمع الجواب
واعطتهم قفاها بتسارع خطواتها تطلع من المطبخ للداخل تاركتهم وراها
تلف فيّ لود وهي تعض شفتها : تدرين انها ماتقصد ومتوتره صح ود ؟
ود بغضب كاتمته : بس تثمن كلامها فيّ تثمنه ما ترمي الحكي على عذبي كذا وهي ادرى الناس فيه ، عذرتها لما رفضته قبل ماتفكر حتى او تصلي استخارة وقلت متوتره وماتدري ايش تقول بس جيتها هنا اكلمها بهدوء و بعيد عن الناس تقدر تقول كلامها بهدوء بدون تجريح وبفهمها
ولفت تعطي فيّ قفاها متوجهه خارج المطبخ من الباب المؤدي للحديقة الخلفية ، لكن سكنت خطواتها من وجود عذبي اللي ماتدري من متى واقف وايش سمع بالضبط الشي اللي خلاها ترتبك
ود بإرتباك : من متى واقف عذبي ؟