تبقى وليف القلب ولو صار ماصار وتبقى نظير العين ولو ما اشوفك

الجزء الواحد والاربعون 🩶

-
-
-

لا استبيح القراءه بدون لايك وكومنت 🌷
—

شركة ابو هناي " الساعة ١:٣٠ ظهراً "
بدخولها المُلفت وعبايتها الملونه وشعرها اللي باين من تحت الطرحة نظارتها الشمسية وكعبها العالي
تتقدم للمصعد وهي تسمع الهمس اللي حولها اللي هي متأكده انه عنها ، تتجاهل وتركب الاصنصير متوجهه لمكتب ابوها

مكتب ابو هناي " بنفس التوقيـت "

جالسين الاربعه ويتناقشون بأمور الصفقه اللي جايتهم ويشرح لهم الامور المالية اللي بتكون منهم وقاطعه رنين جواله بإسم " م. تركي " يعتذر منهم بصوته
اصيل بإعتذار : اعتذر منكم مكالمة مهمه
اذنو له وتقدم يطلع من المكتب ويدور بأنظاره بمكان السكرتير اللي ماله وجود يرد على تركي
اصيل : هلا
تركي ببحه نبرته : وينك
اصيل عقد حجاجه : بالشركة ، انت وينك
وسكت ثواني ثم اكمل : فيك شي ؟
تركي بتنهيده : عمي حسين صار عليه حادث
اصيل بصدمه : كيف
وتدارك صدمته بسؤاله : مُعتمد ؟
تركي نفى : هذا اللي مجنني اللي ظاهر لنا غير مُعتمد بس مو مريحني هالشي !
اصيل بإطمئنان : لا تقلق اطلع من الشركة للمركز واشوف لك سجلات الكاميرا وادقق عليهم
تركي : بلغ عمي ابو هناي وعلمه يروح بيتنا يبلغ عمتي واليوم خلك بالمركز مع المحقق عبدالرحمن لا تتركه لحاله انت ولؤي وفارس و اوس خلكم حوله هدوءه مو مطمني
اصيل بتأكيد : لا تشيل هم خلك حول اهلك
تركي بتنبيه : اي شيء يصير تتصل فيني سامع اصيل ؟
اصيل هز راسه بإيجاب : سامع
وسكت ثواني يردف : كيفه عمي ابو سعود ؟
تركي : نقلوه للعناية كليته تضررت يحتاج متبرع
اصيل عض شفته : اي شي يصير بلغني تركي واي شي تحتاجه انا موجود اجيك طاير للمستشفى
تركي ابتسم بخفه : اصيل يا ابو صقر اصيل ، نسلم عليك
قفل من تركي ورفع انظاره ينصدم باللي قدامه واقفه وصدمته بسؤالها المُفاجئ
هناي بتوتر : شفيه خالي ؟
تقدمت منه تترك مسافة بسيطة ويدها ترفع نظارتها على شعرها اللي طاحت الطرحة عنه سهواً تنتظر اجابته
صحى اصيل من صدمته بوجودها واخفى ارتباكه من انها سمعت شي ثاني
اصيل بتهدئه : ماصار شي لا تخافين
هناي عقدة حجاجها : سمعتك انا
سكتت ثواني تكمل : قلته لتركي كيفه عمي ابو سعود وبعدها قلت اجيك طاير للمستشفى
اصيل زفر انفاسه بإرتياح خفي من انها ماسمعت كلامه كله
و بهدوء نبرته : صار عليه حادث ولا تخافين ماصار له شي نقلوه العناية المركزة يتطمنون
هناي شهقت وبخوف : كيف كذا متى صار ؟
اصيل توتر من خوفها : قلت لا تخافين
سكنت ملامحها من كلمته اللي رددها ثلاث مرات وماوعتها الا بالاخيره وسكتت تسمعه
اصيل بنبرة هاديه : مادري متى صار وكيف بس الحين هو بخير
هناي بتوتر حكت ورا آذنها : مين مين يعرف ؟
اصيل هز كتوفه بمادري : مدري بس ابوك وامك للحين مو عارفين بلغني تركي اعلمه وهو يعلمها
تقدمت وهي تُطرق الباب تسمع صوت ابوها يأذن بالدخول ودخلت بعيون تلمع بدمعها
ودخل وراها اصيل اللي آشر للموظفين بالخروج وتقدم لابو هناي اللي حضن هناي بذراعه يقبل راسها
ابو هناي بحنية : بسم الله عليك ابوي هناي ليش تبكين ؟
اصيل تكلم قبلها بهدوئه : لا تخاف عمي بس عمي ابو سعود صار عليه حادث والحين هو بخير بالعناية
ابو هناي بذهول : كيف صار ؟
اصيل : ماعرف والله بس دق علي تركي قبل شوي علمني ابلغك وتقوله لعمته لان ماعندها خبر للان
هناي ببكاء : يبه امي
ابو هناي حاوط كتفها وبثبات وحنية : اذكري الله ابوي هناي اذكري الله
سمعها تقوله ثم اردف : نروح الحين كلنا لبيت خالج ابو تركي ونعلم امج ثم نروح لخالج بالمستشفى نتطمن عليه يلا امسحي دموعج الحين لا تخوفين امج
هزت راسها هناي تمسح دمع عينها غير مُدركه لنظرات الاصيل اللي بوده لو كانت ذراعه هي اللي تحاوطها ونبرته هي اللي تهديها
ابو هناي لف لاصيل : اصيل ابوي انا طالع انت بس دقق بالملفات وحط ملاحظاتك عليها واتركها على مكتبي
اصيل : ابشر عمي
وطلع ابو هناي مع هناي متوجهين لبيت ابو تركي واصيل خلص شغله متوجه للمركز ينفذ اللي قاله لتركي