تبقى وليف القلب ولو صار ماصار وتبقى نظير العين ولو ما اشوفك

الجزء الثالث والعشرون 🩶

-
-

اتسعت ابتسامة هذام وهو كان بيتأكد ان اللي شافها اخته لجل يتقدم ويشوف رايها بالكوفي حقه واللي بُناء على رغبتها بتصميمه هو صممه باللي تحبه وتوده واردف : يلا اجل خيرها بغيرها
ومثل انه مستعجل بردف : يلا حبيبتي انا اكلمج بعدين عندي شغل
هناي تأففت : كله شغل كله شغل روح مابيك خلاص !
وسكرت عنه وهي مبوزه منه ولفت لبنات خوالها اللي يسولفون ولاهيين عنها وماحست الا بيد على كتفها خلتها تفز بخوف لكن سكنت كلها لما شافته اخوها
هناي بذهول : هذام ؟
هذام مسك يدها يقومها وهو يضحك : ايه هذام يا اخته !
ولف بها على الكوفي كامل و رحع بأنظاره عليها يردف : شلون التصميم عجبج ولا نغيره ؟
شهقت هناي وهي تشد يده وبصدمة : لك انت الكوفي ؟
هذام هز راسه بإيجاب وعلى شفته شبه ابتسامة على ردة فعلها المُستحقه لتعبه من شهور لجلها وضحك بصوت عالي لفت انتباه بنات خوالها اللي لفو عليها وانصدموا انها تحضن واحد مايعرفونه
هناي حضنت هذام وضحكت : هذام شلون جذي ؟
وابعدت عنه تناظر الكوفي وترجع انظارها عليه تتجمع بعيونها دموع الفرح و الشكر ان الله وهبها اخ نفس هذام يحقق لها كل ماتبيه وان كانت امنيه عابره بوقت عابر ماينساها الا ويحققها لها مع انه مو اخوها من امها وابوها لكن مجرد انها رضعت من زوجة عمها وقت ولادتها اصبح اخوها اللي ما تستغني عنه مهما كانت الظروف
هذام بذهول قرب منها : بس بس يابنيه ليش تبجين ؟
ومسح دموعها بخفه واردف بمزح يغير جوها : ما بمسح بقوه عشان الكنسلر ما يختفي !
ضحكت وهي تضرب كتفه بخفيف وزفر براحه وهو يشوف ضحكتها ترجع ولف لبنات خوالها يشوف نظراتهم
ولف عليها يهمس : ياساتر نظراتهم بتاكلني من الصدمة مايعرفوني هم ؟ هزت راسها بنفي وهي تتقدم فيه لطاولتهم
هناي وهي ماسكه يد هذام : بنات هذا هذام ولد عمي وهو نفسه اخوي من الرضاعه !
ارتسمت على وجييهم الراحه وهم يسمعونها
فيّ بهدوء : تشرفنا هذام !
هذام بهدوء وابتسامة وعينه على اللي قدامها كيكة تخرجها ومنزله عيونها عليها وماناظرته رغم انه مايدري اذا تعرفه او لا بس هو عرفها من اول ما اقبل على اخته وشافها تضحك مع البنت اللي بجنبها لكن ما ناظرها : الشرف لي يابنات آل جسار !
ثم اردف بمزح : عاد انتوا هنيه عندكم واسطه اي شي تبونه او تحتاجونه عندكم راس المال لهذا الكوفي !
وآشر بيده على هناي اللي ضحكت وهي تحضن ذراعه
عقدت حجاجها وهج ورفعت انظارها لهناي وبأستفسار : كيف راس المال للكوفي
ثم اردفت بأبتسامة : الكوفي لك هناي ؟
هناي بأبتسامة ناظرتهم : تخيلوا ايه !
وناظرت اخوها ثم اردفت : اخوي الحلو كان مخطط على الكوفي ويبيني اختار له وبين سوالفنا قلت له تصميم الكوفي اللي احبه وطبقه ولا ادري انه هذا لين تو معاكم دريت
ضحكو البنات من الصدفه
واستأذن هذام وعينه مانزلت عن وهج ومايدري ليه منجذب لها هالقد

دخلو الشباب الكوفي " تميم ، عذبي ، سعود " وتوجهو لطاوله يجلسون فيها ويطلبون وعلى ما ينتظرون طلبهم وينتظرون قدوم هذام قام تميم لجل يغسل يده وبعدها يمر ياخذ الطلب للطاوله وخلص من دورة المياه " يكرم القارئ " وتوجه للباريستا لجل ياخذ طلبه وشاف انه بس قهوته اللي خلصت واللي كانت بلاك كوفي خذاها ومشى بيرجع طاولتهم لكن حس بأحد يصدمه والقهوه تنكب عليه
فيّ شهقت وبإحراج : سوري سوري سوري
تميم استغفر ونزل راسه على تيشرته اللي انكبت عليه قهوته  : ماتشوفين قدامج
فيّ بقهر من اسلوبه : انت هي ترى اعتذرنا وبعدين ترى انت الي ماكنت تشوف قدامك
تميم رفع راسه وهو ماسك تيشرته الي كله قهوه : لا فوق شينج لسانج طو !
و انصدم لما شافها وعرفها هذي بنت عمه وهي نفسها اللي شافها ببيت عمته ونقالة العلوم اللي علمت ليلى عن تركي قبلهم
ولكن اظهر البرود يكمل كلامه : لسانج طويل يبي له قص
فيّ توترت من نظراته تمشي وبحده : انتبه مره ثانيه مو ناقصين عميان !
ومشت تتركه يناظر وراها مذهول من لسانها اللي متبري منها عكس شكلها وتروترها وخوفها تماماً لما شافها بمجلس بيت عمته وتنهد يرجع يطلب له كوفي ويدخل دورة المياه " يكرم القائ " يغسل تيشرته