تبقى وليف القلب ولو صار ماصار وتبقى نظير العين ولو ما اشوفك

الجزء الثامن والاربعون 🩶

-
-
-

لا استبيح القراءه بدون لايك وكومنت 🌷
__

وفتحت عينها بخفه تناظرهم معطينها ظهرهم ويتكلمون بخفوت ماتشوف وجيههم لكن تسمع اصواتهم وتستغرب عدم ربطهم ليدها لكن ماتهتم لتنجز اللي تسويه مدت يدها بخفه لجيب الجينز وفتحت التسجيل تشوف اللون الاخضر اللي يرمز للتسجيل ورجعت يدها نفس ما كانت وغمضت عيونها بهدوء وتمثيل للاغماء تسمع اصواتهم تعتلي
بدر بسخط : سويت كل هذا لجل اكبر بعينه وللحين ما يعتبرني شي ولا علمني عن الشحنه
حمدان : طال عمرك اهدا شوي ، والشحنه توني عرفت عنها
بدر يكتم غيضه : علمني عنها
حمدان : الشحنة الاولى تمويه لجل يمررون الثانية بتكون عمل خيري لوالدك الله يرحمة والشحنة الثانية بضايع متنوعه مخدرات خشيش جرعة مخدرات زايده ابر شراب اللي تبي كله موجود
بدر بخبث : يعني نستمتع وحنا بأرض الوطن بكل هذا
حمدان بضحكه : بالضبط
بدر عقد حجاجه : طيب بيمرر الشحن مع مين هنا ؟
حمدان غمر له : مضبط الوضع مع واحد يقال له سامي آل رافع يملك وكالة سيارات ظاهره تستر اعماله ، بتكون بالسفن اللي جايه من البحر بميناء ........ عرفته ؟
بدر ضحك بسخرية : ايوه ، مو هذا ولده وافي اللي شركته يشتغلون مع شركة آل جسار ؟
حمدان : هو هذا ابوه اللي يشتغل معنا
سكت ثواني ثم اردف بتردد : طال عمرك عادي اسألك شي
بدر بملل : قول
حمدان بسرعه : ايش اللي بينكم وبين آل جسار ؟
بدر بتفكير : وليه متردد وانت تقولها ؟
حمدان بلع ريقه : لانه كل ما جاء طاريهم عند طويل العمر يقلب القصر علينا
بدر ولع زقارته وبخبث نطق : شرايك بالعنوان الجاي بكل مكان
" انتحار المحقق تركي بن متعب بن عبدالعزير آل جسار في وسط مركز الاستخبارات بجرعة مخدرات زائدة " يجذب صح ؟
حمدان بقذراه : يجذب وبس قول صاعقة الموسم
وسكت ثواني يكمل : هذا مخطط طويل العمر عليه
بدر هز راسه : ايه ، على طاريه كلم ابو سالم العامل بالمركز عندهم وعلمه باللي بقوله لك بالتفصيل بيكون هالكلام بعد شهر بالضبط
حمدان : ابشر طال عمرك
بدر لف على سمو وبتأمل لها : وهذي روح شوفها ليه ما صحت للحين مفعول المخدر له نص ساعه مخلص

" الــواقــــع "

تبادلو النظرات بصمت ورفعو عيونهم لتركي اللي عيونه اشتعلت من الكلام والاهم هذي المرة الثانيه اللي ينخدع بمظهر محتاج وفقير يشتغل عنده لكن هالمره بيسمح لهم يخططون وهو اللي بيكتب النهاية لهالشيء
اصيل بفطنه : لجل كذا ما قلتي هالشيء بإفادتك ؟
سمو هزت راسها بإيجاب : كنت ادري ان العامل بيوصل لهم افادتي
تركي ببرود : بيكملون الخطه
لؤي ضغط على جبينه : طال عمرك ، ايش ببالك ؟
عبدالرحمن بهدوء : تركي هذي مافيها لعب فيها روحك
تركي بغموض : بنخليهم يلعبون بالمكشوف ونخطط حنا بالسر ونطيحهم بكيد اعمالهم
سكت ثواني يكمل : بعد يومين العصر بيتحدد وقت الشحنة متى توصل ، كلكم بإستثناء المحامية سمو تكونون متواجدين بالمركز الساعة ١١ بالليل ، عُلم ؟
الجميع : عُلم
وقف تركي وهو يتوجه للباب يطلع من المكتب والمركز كله متوجه لبيته دون غيره