I'm in Love With Mr. Kimchi

Chapter Seventy: Mr. Kimchi meets Mr. Wr♥ng

Author's Note: This chapter is in collaboration with JayceeLMejica. Read his story "My Mr. Wrong" Thanks!!!! Pasensya na kung ngayon lang :3 Vote and comment! New story cover!!

"I love you" ang bulong niya sa tenga ko.

"I love you too" ang tugon ko ng buong puso.

KINABUKASAN...

Nauna akong nagising kesa sa kanya. Pinagmasdan ko lang ang mukha ng taong mahal ko. Dahan-dahan akong bumaba ng kama ko para makapagluto ng almusal. Nagtungo ako naman ng tindahan at dumaan na rin sa panederya. Nang makabalik sa boarding house ay dumeretso ako sa kusina. Nag-chop agad ako ng sibuyas, scrambled the eggs" (Naks!) Magluluto ako ng corned beef omelet. Habang hinihintay ko namang uminit ang kawali ay tinext ko ang mga kaibigan ko tungkol sa event ng Saint Anthony. Natigilan ako nang makita ang isang contact na matagal ko nang hindi nakikita. Si Charles. Naging kaibigan ko nang makalaban ko siya sa isang quiz bee nung high school pa ako.

"Charles! Hoy! Foundation day namin ngayon sa Saint Anthony. Actually kahapon pa ng gabi nagsimula. Punta ka!" ang text ko sa kanya. "Nakalimutan kong sabihin, magsama ka pala! Mas marami mas masaya Charles! Aasahan kita ah!"

Pagkatapos ko siyang matext ay nagsimula na ako sa paghahanda ng almusal. Nakabantay ako sa itlog nang biglang may yumakap sa akin sabay bati ng "good morning"

Napangiti naman ako at  bumati rin pabalik. Mas hinigpitan niya ang pagkakayakap sa akin sabay patong ng baba niya sa balikat ko.

"Ang sarap naman" ang komento niya.

"Alin? Ako o yung linuluto ko?" ang tukso ko naman.

"Siyempre, yang linuluto mo" ang tugon naman niya.

"So, ako hindi" ang sabi ko.

"Siyempre, iba ka naman. Umaga ngayon kaya yan muna. Midnight snack kita" ang paliwanag naman niya na ikinatawa ko.

"Naks! Mag-asawang mag-asawa,ha!" ang natinig ko mula kay Zeke nang pumasok siya ng kusina at nadatnan kami na naglalambingan ni Mr. Kimchi.

"Maupo ka na. Malapit nang maluto 'to" ang bilin ko kay Luke. Ninakawan niya naman ako ng halik bago sumunod sa bilin ko. Pagkatapos makapagluto ay pinaghain ko siya ng almusal. Nagulat ako nang may dalawang tasa na ng kape sa mesa. Napangiti na lang ako.

"Zeke, kain tayo!" si Luke kay Zeke na kasalukuyang nagtitimpla na rin ng kape.

"Ah, mamaya na lang" ang tugon ni Zeke. "Moment niyo yan eh"

Kinuha ni Zeke ang mug niya sabay labas ng kusina habang mapanuksong nakamasid sa amin. Napapangiti na lang ako pag pinagmamasdan si Luke habang kumakain ng almusal.

"Kumain ka na rin kaya" ang bilin niya nang mahuli akong nakamasid sa kanya. "Maaga kang papasok sa Saint Anthony, di ba?"

"Ah, eh- oo" ang tugon ko sabay kuha ng tinapay at sawsaw sa kape bago konito kinagatan. "Eh, ikaw ba?"

"Mamayang hapon pa ako pupunta" ang tugon niya.

"Eh, di ba may date ka?" ang bitter kong tanong.

"Mamayang gabi pa naman yun"

"Ah, sige" ang tugon ko bago pinagpatuloy ang almusal.

"Ihahatid na kita sa Saint Anthony bago ako umuwi" si Luke. Tumango naman ako. "I love you"

"I love you too" ang tugon ko. Pagkatapos makapag-almusal ay naghanda na kami. Nagmadali naman ako dahil nakatalaga ako sa booth namin. Hinatid nga ako ni Luke sa school. Kaagad akong pumunta sa booth namin na parang mini café at nagbantay ako.