كم من المضحك ان تخشى العتمة وانت تعيش في الظل !
لقد عادت شهد الى منزل ابيها فقامت والدتها بأخذها الى الغرفة على الفور بعيداً عن الاب في محاولة منها ان تسمع ما حدث كي لا يعرف الاب ان ابنته عادت الى منزله بعد مرور اسبوع فقط من زواجها وعندما علمت بكل ما حدث تعجبت كيف تتجرأ ابنتها على رفض طلب طلبه منه زوجها !
بان : بنتي الرجال ما طالب منچ شي غلط ديگولچ اريدچ تشتغلين وياية بالمحل لان يوثق بيج ويحبچ
شهد : هو ما طلب مني هو امرني واني ما اقبل بهذا الأسلوب وتعرفين بية انتي !
بان : وغصباً عنچ هذا زوجچ وابو بيتچ شوفي شلون اني أعامل ابوچ وشلون شايلتة مثل الماي اللي بالصينية وكل هذا هو ما راضي بنتي لا تصيرين خفيفة وتنزلين راسنا لخاطر الحبيب النبي ترة هذا زوج وكلمة زوج مو قليلة ! النبي عليه الصلاة والسلام يگول بالحديث [إذا صلَّتِ المرأةُ خَمْسَها ، و صامَت شهرَها ، و حصَّنَتْ فرجَها ، وأطاعَت زوجَها ، قيلَ لها : ادخُلي الجنَّةَ مِن أيِّ أبوابِ الجنَّةِ شِئتِ] طيعي زوجچ وبعدين فكري تطيعين ابوچ وامچ ، هم علاء ترة خوش علاء هو بس بعده ما متعود عليچ فترة وشوفي شلون رح يصير زين وياچ بس اصبري يا بنتي جري خلگ وياه وتعوذي من الشيطان ، هسة خليني اروح ارجعچ لبيت رجلچ قبل لا ابوچ يحس بشي ويظل يفكر وياخذ بخاطره من علاء !
