القسوة تكاد تخلع النّاس من جلودهم والذين لا يقسون على الآخرين يقسون على أنفسهم.
تمكنت حوراء من معرفة الموضوع بأكمله وقررت ان تفعل كل ما بوسعها من اجل التوسط لأخيها واقناع امها بالعدول عن قرارها ، فذهبت اليها بعد ان سلحت نفسها بالكلام المقنع !
حوراء : اگول يمة
فاطمة : گولي يبعد امچ
حوراء : يمة ليش مزعلة وليدچ ؟
فاطمة : انا مزعلة وليدي لو وليدي طولان لسانة وطالع عن شور امه وصاير يسوي اللي براسه ويتجاوز على اسياده !
حوراء : يمة سعد ما غلط يعني يمكن غلط شوية بس شكو بيها اذا حب بنية ورايد يتزوجها بالحلال
فاطمة : بنيتي هاي البنية سنية اَهلها مو خوش ناس ياما اكلنا وشربنا وياهم من نفس الاستكان گبل وهسة امها تستكثر تگلي السلام عليكم اذا شافتني بالشارع اَي جيرة گشرة هاي ! وبعدين ما لگة غير شهد هالبنات اللي مكومات كل وحدة تگلچ انا ما عجبته بس بنت بان خير يا ربي شكو !
حوراء : يمة ترة يحبها والله العظيم هواي يحبها اخوي واعرفه زين لا تكسرين بخاطره ترة اذا اهلها مو خوش ناس ما تگدرين تحكمين على بنيتهم ترة شهودة حنينة وگلبها رچيچ وتموت بسعد وشاريته
