سرت القشعريرة كالثلج في جسمه، كما لو كان جسمه فرغ من الدم عند سماعه لهذا الاسم !
سعد : انتي جاي تتشاقين وياي لو شنو !؟
ألقت حوراء بنفسها بين قدميه، وأخذت تبكي بكاء مراً تحاول ان تقنع اخيها وتشرح له حقيقة علاقتها مع علاء
حوراء : والله العظيم احلفلك بكل غالي ما بيني وبينه شي چان لازگ بية گبل هواية واني ما نطيتة مجال وعبالي هاهية انتهى كلشي والله ما بيني وبينة شي هالأيام وروح الغالي
ترك شعرها وامسك رقبتها بقوة شديدة ولولا سيطرته على نفسه لكان دق عنقها وأنهاها !
سعد : ما بينچ وبينه شي منين جاب رقمچ لعد ، يا ايّام هاي اللي گاعد يشتاقلها !؟ ، لچ علاء علاء خرب شرفچ
شرحت حوراء القصة بكاملها لأخيها دون ان تكذب بأي شيء وقد أخبرته بأنها كانت منخدعة في علاقتها مع علاء الذي وعدها بالزواج لكن غاياته كانت اقذر بكثير !
توسلت اليه ان يسامحها لكنه لم يكن قد تقبل الامر بعد كيف لأخته ان تتصرف تصرف كهذا ومع ألد الناس عداوة له
حوراء : خوية سامحني أبوس أيدك والله ما چان قصدي چنت وحدة مراهقة ثولة وانخدعت بيه بس وراها عرفت الصح الله يخليك سامحني ترة والله اني مو مثل ما دتتخيلني هسة
