بعض الناس يرون الأشياء كما هى ويتسائلون لماذا ، وآخرون يحلمون بأشياء لم تكن أبداً ويتسألون لم لا !
كانت الام فاطمة تقف في المطبخ امام الطباخ وهي تطهو لأولادها تشعر بالسعادة بينما تستمع الى أغانيها القديمة المفضلة كأيامها الخوالي وكأن التكنلوجيا لم تغير اَي شيء من حياتها !
فاطمة : بعيونك عتاب وبگلبي جواب ، من بعد الغياب جاييني بعتاب ما أنسى بعد هيهات ما أنسى ايّام العذاب وياك ما أنسى ، شأذكر من غرامك يا بعد روحي
دخل سعد ثم احتضنها بقوة من الخلف بينما هي منطربة وتغني فقفزت خائفة لم تكن تتوقع حضوره واخذ الاخر يضحك على ردة فعلها من اعماق قلبه
فاطمة : خرب حظك سعود شبيك !!
سعد : منو هذا اللي ما تنسين ايّام العذاب وياه ؟
فاطمة : إنتوا جيل شمفهمكم بهاي السوالف تعرفون تدبچون بس گولات ومدري شني والله كلشي خربتوه بأغانيكم التافهة
سعد : هسة عوفچ من الأغاني رايدچ بموضوع
فاطمة : اي گول يمة اسمعك
سعد : هسة اول شي طفي هالاغنية مال عفيفة إسكندر مالتچ وشيلي الچفچير من ايدچ لا ترگعيني على راسي بس تسمعين بالموضوع وتعالي للهول نسولف لان الموضوع جاد شوية!
