قدري الاسود

أعلان ومشهد

كنت أظن أن الذي يحبني سيحبني

حتى وأنا غارق في ظلامي

حتى وأنا مليء بالندوب النفسية

حتى وأنا عاجز عن حب نفسي

سيحبني رغما عن كل مااعاني
ولكن لا
لا أحد يخاطر

ويدخل يده في جب البئر

كلهم يريدوننا بنسختنا البديله
فأدركت اخيرأ ان الظلام لنا وحدنا

فتمضي ولاتدري إلى أين تمضي
وتتوه وتعود للطريق لاتدري

أنك لو كنت تدري ماسلكت أي طريق........

      

وبيوم ١٣/١٠/٢٠١٠..... اندكت الباب وحنا جاي نتغدا وصدفه البنات غاسلات فرشات البيت كله وغاسلات البيت فضطرو يتغدون بالغرفه لان واسعه وكبيره وجان غدانا بيومها باجه وجنت حيل مشتهيتها ستونا مدينا ادينا ساعه ١٢ ونص الظهر اندكت الباب طلع عامر...

ورا دقيقه رجع بس ضايج حييل كال"

عامر: بابا رجال بلباب يصيحك.

طلع ابوي وياه عامر تأخرو وانتظرناهم مستغربين الوضع منو اجانا بهيج وقت غدا وليش عامر ضايج .

بعد نص ساعه تقريبا رجع ابوي بس القهر والالم مالي وجهه ومعتصر حيل سالناه شبيك صدك ضجت من شفت وضعه ...

ابوي:ماكو شي كملو غداكم.

ماجاوبنا ومالحينا بالسؤال ... ماعرف ليش معدتي أذتني وماكدرت اكمل كمت اغسل

لاول مره ابوي كال بنبرة حنونه"

ابوي: ليش كمتي بابا .

التفتت بأستغراب الي هذا الكلام من فرحتي ماجاوبت طلعت فرحانه لان سالني ليش كمتي
من رجعت كلي لهفه ولو قليل يكون بينا ود ورحمه على القليل يرحم حالي
اشوفه يباوعلي ويهمس وي امي الي عيونها مليانه دموع ضلينا انا والبنات وحده تباوع للخ
اخر شي ساره كالت "

سارة:شبيكم ماما صاير شي .. ا

نا اشرب بكلاص جاي مد ايده ابوي لجيبه وطلع ورقه مدها الي رفعت حواجبي مستغربه شنو هاي كتله "

غادة:شنو هاي بابا؟

بابا: هاي ورقه طلاكج .........

حسيت الكلمه مانسمعت زين او عقلي ماتقبل سماعها او اذني رفضت تنصاع وتسمع رجعت كتله "

غادة:شنو ؟

بابا: ورقه طلاكج سامي مطلكج غيابي وهاي ورقتج

لزمت الورقه وجسمي يختض وارجف الصدمه بخبر طلاكي فصلني عن العالم الخارجي كله اخذت الورقه وضميتها لكلبي وتمددت على سرير سارة بحظور اهلي وعمري ممسويتها واتمدد كدام اهلي خلص فصلت .. غمضت عيوني وتمنيت اختفي من العالم تمنيت مااعيش هيج شعور تمنيت امي ماولدتني انعادت عليه كل مأسي الكون المريت بيها كلبي ناكر هذا الشي ورافض يتقبل وعقلي يكولي خلص سامي انتهى سامي غدرني وجنت وسيله حتى يرجع بيها جهاله وزوجته وانا صدكته اسمع همس امي وهيه تكول للبنات"

امي: ديرن بالجن على اختجن لاتنجن الله يساعد كلبج يايمه شتتحملين ؟

_لاتهتمين ماما اني يمها

بقن يمي اسمع كلامهم وماارد اسمع نصايحهم ساعه وعتبهم ساعه ومواساتهم الي والدعاء بالتحمل الي جاي... كل مواسات العالم ماتحمل عني عبء الي جاي اتحمله لزمت بطني واحجي وي ابني
ياترا شنو مصيرك ؟؟ مصيرك مثل مصير امك مصيرك مثل مصير حمزة!!! الي لاام ولااب تطلع للدنيا ابوك متخلي عنك وعن امك ياترا تلومني لان اني السبب بلي جاي يصير وارجع اكول الحمدلله الله عوضني بأبني خلص عندي طفلين اكعد اربيهم واتحمل هموم الدنيا واليجيني منها يارب هون عليه ايامي ولياليي
مهما يكون الظلم الي يجينا من المقابل وخاصه اذا كان شريك حياتنا لابد العقل يسترجع ولو لحظات بسيطه عشناها سوة كلام حلو محبه اهتمام تجيني مرات ليالي اتذكر ليالينا سوة ابجي دم واتندم على كل تصرف غلط يمكن هو السبب بطلاكي وارجع الوم روحي واكول كرامتج افضل سامي اتخذني لعبه حاله حال حسن ويمكن اسوء .... هو رفعني لسابع سمه ونزلني لسابع ارض بضربه وحده........

بعد اسبوعين من استلامي ورقه الطلاك الغيابي وانا ادور على جواب لسؤال:

_ هل يجوز طلاق الحامل يجوز الطلاق غيابي ادور عسا الكا ثغره تنقذني من الطلاك واكو شي يبطل هالطلاك مو محبه بسامي ولاحتى ارجع بس كل همي الطفل الشايلته شنو ذنبه ؟

وللحكاية بداية/

التنزيل يوميا بارت ...الوقت ...وقت المساء ....

القصة حقيقية

لايك واضافه/اتمنى لكم متابعه ممتعه

مشهد من روايه #قدري_الاسود
بقلم #الكاتبة_شهناز _الخزعلي