قدري الاسود

الحلقة5

الحلقة (5) من #قدري_الاسود  بقلمي #الكاتبة_شهناز_الخزعلي 

_________

وهي فرصه وراحت وانتهت والله يستر من الجاي .
الماي لونه يجذب العطشان
واني صرت مثل غركان ويشتهي الماي .....

تأليفي #الكاتبة_شهناز_الخزعلي (جيمن جلال )

_______________

غادة/بعد مارجعت للبيت ..ورجعت لحياتي الطبيعيه صعدت اشر ملابس وبالي وتفكيري يم مصطفى غسلت الملابس وخليت من ملابسي حتى النضيفه حتى اتاخر بنشرهن ومتسالني امي ليش اتاخرت صعدتهم وصعدت اباوع ماكو...

اشر الملابس وعيوني على سطحهم بلكي يصعد واشوفه ... صح خايفه وارجف بس احساس اريد اعيشه ...

اشر بلملابس وبالي يمه رفعت راسي شفت واحد غيره واكف نفس الملابس ونفس الطول وتقريبا يشبهه بس مو هو استغربت منو هذا اشو يسوي نفس الحركات من يخلي ايده على كلبه نفس الوكفه ضليت صافنه شنو هذا ومنو هو حسباله مااعرفه لان بعد ثلاث بيوت فتكون الملامح مو هلكد تبين ......؟

ضجت اخذت الطشت ونزلت بس ادردم بيني وبين نفسي هذا شكو يصعد بمكان مصطفى ويأشرلي ميستحي ...

بعد مااصعد نزلت لكيت اختي سارة الاصغر مني تقرا وتدردم بينا وبين نفسها كعدت بصفها

شبيج سوسه حبيبتي ليش تدردمين

كالت:

سارة: صديقتي جنات اخذت كتابي واريد اقرا بيش اقرا
غادة: وليش تنطي الها؟
سارة: مو المعلمه كالت كل اثنين جوارين يقرن بنفس الكتاب .
غادة: ومنين جوارينا جنات؟

ذوله الي ورانا بثلاث بيوت واشرت على بيت مصطفى كلبي كام يدك عرفت هاي اخته كلت فرصه بلكي اعرف عنه شي

كتلها:

غادة:سوسو هيه صديقتج ؟

سارة:اي نروح سوه ونرجع سوة...

غادة:ترحين تصيحيها واقريجن اثنينجن؟

سارة: ميخالف.

وراحت تركض تصيحها كلت بلكي اسال عن مصطفى وتسولفلي عليه
واجت جنات الوجه ضاحك وتوزع ابتسامات بوستها وكعدتهن

كتلهن :اليوم اني اقريجن ..

فرحن

جنات:خاله انتي حلوة...

غميت روحي خاله خاب ياخاله واني بعدني ١٥ سنه يله كلشي يهون لعيون مصطفى واضحك على روحي ...

كملتلهن قرايه كلت شلون اسالها على مصطفى .

غادة: انتو هواي صارلكم بهذا بيتكم؟

جنات: اي خاله صار هوايه ..

غادة:انتي عندج اخوات؟

جنات: اي ٣ اثنين مزوجات وحده الكبيره لا ممزوجه وعندي ٥ اخوان