الحلقة(75) من قصة الحقيقية #قدري_الاسود بقلمي #الكاتبة_شهناز_الخزعلي #جيمن_جلال
لينا/كملت العشا وسبحت حمودي وحظرت نفسي للمواجه النهائيه ...
كلت لازم مختار اكشفه ويكون عندي دليل عليه وعلى كلامه
اخذت تلفوني وسويته صامت وثبته بمكان مايشوفه نهائيا وسويت تسجيل صوت ...
بعد ساعه ونص رجع مختار تعبان وهلكان
سلم من ورا خشمه
طبعا كلت اليوم لازم اغير طريقه كلامي واسلوبي حتى يصدك ..
لينا:شبيك هم تعبان لو اعرف شنو هذا عملك الي يرجعك هيج تعبان .!!!
مختار: بالمستشفى وين يعني .
لينا:يعينك الله ادري شنو قابل بغرفه العمليات ....
رفع راسه من الميز جان مخلي عليه كال"
مختار: تستهزئين حظرتج ؟
لينا: لا والله حشا بس استفسر لان كاسر خاطري
مختار:حلو صاير اكسر خاطرج من شوكت ؟؟؟
لينا:شبيك غير رجلي وخايفه عليك .. اكلك صدك اريد اشتغل... باوعلي صفح
مختار:شنو هاي جديده !! شتشتغلين هو انتي عندج شهاده ؟
لينا: هواي وضائف ماتحتاج شهاده
لينا: مثليش ... كتله يعني وياك بالمستشفى اكص باصات ازرق ابر .
مختار: اي مو هو دكان الخلفوني واوضف ياهو الجان
انتي اليوم شاربه شي !!
لينا: لا وداعتك بس ماله من كعدت البيت واريد اطلع اتونس اشوف العالم ....
اجيت كعدت بصفه وخليت ايدي على شعره العب بي وكتله "
لينا:شايف ذني اليطلعن ولابسات اشكال والوان شلون متونسات
مختار: بنفسج تلبسين وتطلعين ..
لينا: ياريت
مختار:بس انتي عبايه وبوشيه ماترهم
لينا:عادي انزعهن يابه دمرني شنو هاي التقيد
مختار:صدك من زمان اريد اكولج بس كلت راح تفهمني غلط
شلج بيهن اشو انا قابل بيج شي لو عريانه.....
لينا:/من نطق هاي الكلمه احس سجينه وغرزها بكلبي
لينا:يعني تقبل البس قصير واطلع بنفسي مختار
مختار:ياريت بس مو منا ناخذلنا بيت ونكعد بي والبسي الي يعجبج واطلعي انتي حره
لينا: يعني عادي!!
مختار:كلش عادي انا اتخبل من التقييد الجمال لازم يطلع مو نخمده
لينا: زين اذا احد باوعلي بلبسي
مختار: عادي شنو قابل نسد عيونه خلي يباوع
لينا/كلت ماطوله طلع خياساته خليني اجره كلش ....
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
