الحلقة (28)من قصه الحقيقية #قدري_الاسود
بقلمي #الكاتبة_شهناز_الخزعلي
_______________________________
عودتني شما يجيس الخوف گلبي
تكلي احبك واطمئن
يا حبيبي الغربه بعيونك وطن.....
غادة:توترت وخفت من الايام الجايه الله يعديها على خير وترجع لزوجها واخلص.......
دخل سامي للغرفه وما أن وكع نظره عليه اجاني بلهفه تشبه الركض كال".
سامي:حبيبتي كل يوم اشتاقلج اكثر وتحلوين بعيني اكثر ...
سطر اشتياقه ولهفته وعشقه بااحلى صورة ......
كعدنا اثنينا نسولف ..
سامي:غادة باجر عازم اصدقائي للغدا وراح اجيب اكل جاهز حتى لاتعبين...
لفيت اديه حول رقبته وكتله"
غادة: حبيبي تعبك راحه بالعكس انا احب الطبخ لاتجيب جاهز اتسوك وانا اطبخ وراح ابيض وجهك لاتخاف .....كلتها بمزح ......
سامي: دوم مبيضه وجهي الله يرضى عليج ،بعدين تعاي منسيتني شغله والله عليج كلب .
غادة: شكو.....
وانا الم بشعري المنثور على المخده بصفه
سامي: اكو علبه حمرة بالكنتور جيبيها الي ...
رحت جبتها اله بدون اهتمام
سامي: اوكفي وين رايحه .
غادة: اريد اسبح
سامي: تعالي شنو تريدين تخلصين مني .
جرني من ايدي طحت بحضنه كعد مقابيلي فتح العلبه وطلع الكلاده الي اشتريناها من كربلاء ولبسنياها اتفاجأت اصلا انا نسيت اساله المن ...
سامي: الج جبتها هديه زواجنا بس نسيتيني .
شكرته وحاول يعيد مابدئه في بدايه ليلته المليانه عشق .......
ثاني يوم طلع وهو يوصيني على نفسي كال"
سامي: ساعه ٩ يدز بيد سايق..... يشتغل عدهم المسواك ولاتعبين نفسج احنا نطلع من الدوام ساعه ٢
غادة: صار حبيبي لاتهتم
رجعت لميت غرفتي وخليت الملابس بالغساله وبديت بتنضيف البيت الي هو نضيف اصلا بس شويه ترتيب خابرت على امي وتبادلنا الاخبار وسالتها على حمزه..
كالت"
أمي: الحمدلله هو واخويه االصغير ميتفاركون وجاي يطلعون يلعبون مرة قدم خلي يطلع يتونس ..
غادة:ان شاء من اجي اجيبله موبايل حتى يخابرني
امي:كلت لابوج بس ماقبل يكول يعطله عن الدراسه وافقتها الرأي وسديته ....
نزلت حتى ابدي احظر للغدا عمتي طالعه لبيت بنتها خوله ابنها متعور بالبايسكل وراحت تشوفها
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
