الحلقة(69) من قصة الحقيقية #قدري_الاسود بقلمي #الكاتبة_شهناز_الخزعلي #جيمن_جلال
والله من أشوف أخشاب تتراجف إعضاي
لــو أذڪــر ألـتـــابــوت لــو غـرفــة هـواي
__________________________
غادة/فزيت الرعب ماكل نص حيلي
الحلم بي هواي شغلات خوفتني اني اسيره احس روحي وأيماني بالله واهل البيت ينقذني بس اذا بقيت بهاي حالتي وبعيده عن ربي وعن أهل البيت منو ينقذني
كعد على صوتي فضل كال"
فضل: شبيج شنو هم حلمتي
بجيت بكل حيلي كتله"
غادة: فضل جاي اموت ليش ماتحس بيه مو كلت اكو سيد يطلع للبيت اجيبه وست الاء هم يشافيها
جيبه قابله بس خليه يسويلي حل سيد راح اموت
احسن اقتل نفسي ومادري بروحي !!!!
فضل:ان شاء الله باجر اجيبه لاتخافين حبيبتي ...
كمت حتى كلمه حبيبتي مااصدكها ولااحس بيها احسه غريب عليه ويتونس بعذابي
حجيت لامي الحلم الشفته خافت وكالت"
امي: يمه حالتج ابد موطبيعيه يعني لوين ساكت السيد لمن تموتين
غادة:يمه سكته ماجاي يكولي ليش هيج يصير وسكوته مااعرف هو خوف لو شنو
امي: اكو رجال بقضاء القلعه يكولون يعرف بهيج شغلات اذا مااخذج السيد اني اخذج اندري وين طامس حظج يايمه سوده عليه!!!......
ثاني يوم خابرني فضل وكال "
فضل:جبت السيد وياي حتى يقرا للبيت حظري نفسج
غادة: ماشي
لبست حجابي وعباتي وانتظرته يجي ....
دخل فضل وياه رجال بعمر الاربعين رجال مرتب لابس بنطرون وتيشيرت اسود وبأيده ساعه ومحبس شذرته كبيره ....
اول مادخل كال "
_شلونج علويه انا هم سيد ابن عمج لاتخافين
اكعدي اكبالي.
كعدت اكباله اني على الارض وهو على القنفه وبصفه سيد فضل
كام يقرا ايات قرأنيه واحس اختنك ويضيق عليه الهوا شافني انزعجت
كال "
_ها اختنكتي ؟؟
غادة: اي ...
_ لعد ابتعدي متر عني واكعدي
ابتعدت متر تقريبا عنهم وكعدت متربعه
_ لاتباوعين لعيني
مااعرف شنو حجه رأسا وكعت مغشي عليه
مااعرف شصار وشسووه
بعد نص ساعه صحيت لكيته واكف يسلم على فضل ويتوادع وياه ... استغربت شنو شصار هذا وين رايح ليش شسووه
من رجع فضل كال"
فضل: الحمدلله على السلامه شنو شبيج
غادة:انا اسالك شبيه شسووه هذا الجبته
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
