الحلقة(31)من رواية الحقيقة #قدري_الاسود
بقلمي #الكاتبة_شهناز_الخزعلي
ذَنبي و ما عرفت آنسى
وگمت كلما يلومونَّك
أگلهُم والله ما قَصَّر
شبيدك خاطر تسوي ؟
حابسني بِـ سجن مَفتوح
انا الما اگدر اتحرر ،
غادة/ثاني يوم كعدت الصبح متأخره احس جسمي متكسر تكسر .....وكان ثقل على قلبي نزلت واسمع ليلى تحجي بفرح وي عمتي وتكوللها "
ليلى:اي اخيرا راح ترجع انعام
عمتي: كاتلتج انعام لان مسمومه لو اعرف ليش هيج تحبينها وهيه حتى ريج حلو مامطيتج كتلتيني وراح اموت قهر من ورا سوالفج دكيتي دكيتي لحد مااراح يرجعها
ليلى: يمه انعام مفتاحي لرجوعي لزوجي
عمتي: يمه ياهو قشمرج بهذا الحجي؟
ليلى: والله هيه تساعدني بخططها الجهنميه حتى ارجع بدون مااعرف اتحرك ..
عمتي :وبنيتي سعادتج على تعاست اخوج؟
ليلى:ياتعاسه يمه انتي هم صدكتي يعني سامي لو مايريدها مايرجعها والله لو نركع راسنا بالحايط بس هو تزوج وسوه هذا كله بس حتى يثير غيرتها وهيه تطلب يرجعها بدون شروط .
دكت عمتي على صدرها كالتلها "
عمتي:دهر دهرجن صدك تحجين؟
ليلى: اي يمه اسمعي مني ومعليج
عمتي: وهاي المكروده الفوك .
ليلى:شبيها شو مدلله دلال ولابالاحلام شتريد بعد ؟
عمتي" يمه اذا صدك حجيج يعني سامي فتح على نفسه وعلينا ابواب جهنم.
كالت ليلى وهي تنهي الحجي ويه عمتي ووتطلع من الغرفه:
ليلى: لاجهنم ولانعيم بس انتي خليج ساكته
انصدمت ليلى من شافتني واكفه بالباب كالت "
ليلى:غادة !! من شوكت هنا ؟
غادة: هستوني نزلت
ليلى: ها مو امي دزتني عليج اكعدج مستغربه تاخرتي بالنومه.
ليلى:هاياني كعدت.
اجيت تربعت يم عمتي واشوف بعيونها شفقه ورأفه
عمتي: اكوم يمه اسويلج ريوك خاف جويعانه.
غادة:لا عمه مااشتهي منتظره سامي يجي وياخذني لاهلي .
....شهكت ...وكالت"
عمتي:ليش يمه شصاير حسبالي من الكلام السمعته
غادة: لا انا طلبت منه يدزني لاهلي لان يرجع ام جهاله اليوم فماردت أاذيه وتأذه
عمتي: الله يطيج على كد نيتج
كدامي علبه بيها خرز جانت تطرز بيها ليلى قبل لاتكوم من تفكيري وصدمتي بالكلام السمعته صطرتهن وحده وحده بصورة عجيبه اباوعلهن واكول وي نفسي ليش مااكدر اصطر حياتي مثل حبات الخرز هاي ليش كلشي مخربط ويجي بالعكس يعني معقوله سامي وحبه ولهفته تزوجني بس حتى يثير غيرة طليقته زين ليش انا ليش صايره فأر تجارب وكبش فداء انا لو عندي مكان ارتاح بي هم فكرت بالزواج يادنيا ليش هيج عاكسه وياي بيش تطلبيني كل ماا اكول خلص راح اخلص من القهر والهم تطيح بأكبر من همي احس صار عمري عباره عن قهر واذا اريد احسب الايام الفرحت بيهن اطلع انا الخسرانه احجي والقهر غوش عيوني ماحسيت الا من صاحت عمتي "
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
