الحلقة(9) من القصه الحقيقيه #قدري_الاسود #الكاتبة_شهناز_الخزعلي
غادة/ثاني يوم كالو لازم نرجع للبيت لمحافظتنا لان ابوي خلصت اجازته واخواتي وحدهم صار شهر بس اخوي يمهم مرات تبات يمهم بنت عمي .. كعدنا الصبح تريكنا وجمعو تقاريري وكل علاجاتي وملابسنا واجرلنا خالو تكسي كال توصلكم للنهضه ومناك اخذلهم تكسي خصوصي مباشرة للمحافظه وصلنا ابو التكسي للنهضه نزلوني بلكرسي المتحرك واشوف الكراج مليان ناس وسيارات تصيح كل سياره لمحافظه طبعا اجرة تكسي ماعدنا يادوب اجره ثلاث نفرات بلمنشأة كانت بزمنا وابوي وحده واني بنيه محد يتجرأء يساعده واني شويه تارسه جسمي كوة كدر ابوي يشيلني وامي يله شايله اخوي وغراضنا ...
شالني ابوي من اديه ورفعني كوة انسحلت سحل لان ميكدرلي وحده الناس بس تتفرج احس ثوبي انرفع من رجليه ودي اصرخ واني اشوف عيون الناس تاكل بيه لابيه ارفع اديه وانزل ثوبي صرخت بابا عوفني هاي طبعا بممر المنشأءة لان ممرها طويل ومحد قبل يتنازل عن مكانه وصار مكانه بلاخير ...
اخيرا وصلني لمكاني بصف الجامه قبل الاخير كعدنا وكعدت ماما بصفي واابوي بالمقعد الكدامنا كل شويه يلتفت محتاجين شي اني عيوني بلشارع قبل لايكمل العدد مال الركاب صعد شاب شايل بايده صينيه بيها قطع كيك جانت كيكه اسفنجيه وريحتها تدوخ التفت ابوي شافني اباوع للكيكه مد ايده لجيبه شافهن يادوب كروة ...
صحت بابا التفتلي ...
غادة: بابا لعبت نفسي من ريحتها خلي يوخر.
حتى ليحس مايكدر يشتريلي منها ابتسم بوجهي ....حركت السياره راجعين لبيتنا واني نفس مااخذوني نفس مارجعوني عيوني للطريق والدمعه مافارقت جفني ليش هيج حظي دون البنات ليش انحرم من نعمه المشي .. مرات نعترض على امر رب العالمين مانعرف شضاملنا .
وصلنا للبيت وبدت رحلتي وي الالم مشت الايام مثل بعضها بس صرت مااتحمل وعصبيه على اي شي يعني اذا ردت حمام وتأخرو عليه اضل ابجي واعيط ..اذا صحت احد ومااجاني اضل اصرخ وانام وكانو جاي اعاقبهم واعاقب نفسي رغم ممخليني محتاجه وكايميلي صلاوات بس بقى بداخلي نقص مره سبحتني امي وجاي تمشط شعري واجت بنت عمتي حتى تشوفني كاعده كبالي وتسولف وامي تسرح بشعري واني منتبهه بس على اديها شلون تحركهن واباوع على اديه شلون ميتات متت قهر بلحظتها حسدتها على نعمه بس الله يسلبها وهو ينعم بيها علينا نعمه الصحه شويه وكامت واني ميته قهر واعصابي تفور اريد اشكي بس المن!
اكوله ليش هيج يصير بيه المن كملت شعري امي...
غادة:حلي ماريد تضفري ماعجبتني
ماما: كوه مشطته المن احله اصلا حلوة ...
ردت حجه اصرخ واتعارك بيها كمت اعيط وابجي... كتلها :
غادة:مارررريد روحي من يمي ماريدج.
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
