قدري الاسود

الحلقة (1)

#قدري_الاسود......مأساة.....

الحلقة (1)بقلمي #الكاتبة_شهناز_الخزعلي   #جيمن_جلال

الحياة لعبه....والشاطر يفوز ....لعبه حيه و درج ول ابن

ادم بالنص ...يصعد الدرج ...حبه حبه...وتجي الحيه

توكعه أسفل السافلين ....اكو بينا شيسوي يخلي

حياته عباره عن زار....ب ايد اليسوه والمايسوه....

واني هيج الدنيا لعبت بيه لعب غربلتني الدنيا

تغربل  ...منخل و باايد شمات صرت .....اييييه دنيااا

اني غادة مواليد ١٩٨٤ من الديوانية من عائله متكونه من ٤ بنات و٣ ولد اني البنت الاكبر من البنات عندي اخ اكبر مني مواليد ١٩٨٢...

والدتي متعلمه ومثقفه جدا والدي عسكري وعيت للدنيا وامي اولوياتها ابوي شكال ابوي وشحجه ابوي تحبه لدرجه الجنون وتطيعه طاعه عمياء تحترمه وتفضله على كل شي حتى علينا امي عاشت بضيم وي اهل ابوي لحد ماطلع بيها ابوي وستقرت بمملكتها بعيدة عن القيل والقال ...كالت العمه وحجت الجنه ...

وعلى كوله اهلنا لو العمه حبت الجنه ...جان ابليس دخل للجنه.

جنه اني واخوي رويسيه يسمونا نلعب سوة نتعارك سوة علاقتنا حلوة بس الاهل الهم دور ابناء الشخصيات للاطفال بنو بداخلنا احنا البنات

الولد هو صاحب القرار الولد هو الافضل وكأنما احنا فد عاله او حشرة مالها داعي ....

مجتمعنا مجتمع ذكوري

جانت امي اول ماولدت اخوي ابوي فرح كلش وجانت الدنيا ماسايعته وبعد سنتين صرت اني تخبل شلون صارت بنيه جان حاقد على البنات ويكره خلفة البنات كلش...

جانت تسولفلي امي تكول عمري ٤٠ يوم واستشهد عمي  وكأنما اني الي قتلته واني عمري ٤٠ يوم فقط كل اهل ابوي كرهوني لان أعتبروا وجهي نحس وجبتلهم الشؤم...

طفله حالي حال اي طفل بهيج عمر يبجي وفاتحه منصوبه وامي ملتهيه حتى يرضون عليها تشتغل باديها ورجليها.

صدفه دخل ابوي للغرفه جنت بالكاروك ومفرفحه بجي وابوي مقهور على عمي لان شاب واستشهد شالني من الكماط وخنكني بي انكطع عني الهوا اختنكت دخلت امي للغرفه وشافتني بايده ركضت واخذتني يعني لو ماملحكه امي عليه جان ميته بأيده هاي القصه هم نقلوها الي وجانت قصه مضحكه بالنسبه الهم .

مايدرون من يروونهم اشوف الحب الكبير بيها هههه صارت بيبيتي تضايق امي دائما وتكللهم هاي البنيه فكر وجان الكل يصدك صار عمري سنتين حلوة ومدنفشه وبيضه و امي تهتم كلش بنضافتنا ولبسنا والكل يحسدوها على خلكها بالترتيب والنزاكه، صار عمري سنتين ولدت امي اختي الاصغر مني هاي وحدها قصتها قصه ،وبعدها اخوات ٢ واخوة ٢ صرت صف اول حلوة ومرتبه ولبسي نازك بس فهمي قليل مااعرف افهم بسرعه جان ابوي عسكري من ينزل من الدوام هو يتولى دراستنا وهذا اكثر شي كرهنا بالدراسه ...