الحلقة (53) من القصة الحقيقية #قدري_الاسود
بقلمي #الكاتبة_شهناز_الخزعلي #جيمن_جلال
ﻛـــــــــــــﻢ ﺃﺣﺘﺎﺝ
ﻟﻮﺟﻮﺩﻙ ﻓﻲ ﺣﻴﺎﺗﻲ,
ﻷُﺩﺭﻙ ﺑﺄﻧﻨﻲ
ﻣﺎﺯﻟﺖ ﺃﺣﻴَﺎ
ﻓﻼ ﺷﻲﺀ ﻳُﺸﺒﻪ ﺍﻟﺤﻴﺎﺓ ﺍﻻ ﺃنت
ﻭﻻ ﺷﻲﺀ ﻳُﺸﺒﻪ ﺍﻟﻤﻮﺕ ﻛـ ﺑﻌﺪﻙ
_______________ #قدري_الاسود
غادة/بعد فترة صحيت بس الم جسمي موتني
اريد ارفع ايدي ماكو شبيها شنو مكسورة
رفعتها توجعني
اني شبيه وشلون وصلت هنا على الجربايه ومغطايه...
ايلاف مو يمي كعدت مفزوعه ادور بنتي وين منو اخذ بنتي .. .. ..
جان يتصورلي اخذو بنتي مني وشمروني كمت اصرخ
غادة/ايلااف ايلااااف يمممه
اجاني فضل يركض ...
فضل:حبيبتي شبيج ليش تصرخين شنو يوجعج
...فتحت عيوني كتله "ايلاف وين ؟؟
فضل: هياها نايمه بحظني بالهول خفت تكعدج نومتها بحظني ....
....خلى ايده على راسي صرخت شعري يوجعني احسه متكطع
ذكرت اخر مرة من وكعت من ضربه الي
نترت ايده بقوة .. كتله"
غادة: دير بالك تلمسني
غمض عيونه بقهر وباوعلي كال"
فضل: غادة حبيبتي اسف اعذريني والله مو بوعيي وانتي استفزيتيني بكلامج
يعني انتي اقرب الناس الي تعيريني لبنت عمي شخليتي للغريب ...
دايره وجهي عنه كتله "
غادة:ماعيرتك يشهد الله بس كلامك وخوفك من اهلك شتكوللهم هو الخلاني احجي هيج يعني اهلك كادرين بس على الفقير
ليش ماحسبت مرتك من تركتني بنص السوك هيه واخواتها ...؟
وكلتلك هيه طلعت من المحل ماعرف وين راحت
شنو قصدها تسوي هيج .. بعدين اني لو شارده مثل مافكرتو ليش رجعت وين اشرد اصلا واني هنا بيتي وجذوري وبنتي
انت واثق مني لو لا ؟؟
فضل: واثق وداعة ايلاف واثق
غادة: لعد المفروض تخليلي الف سبب وعذر قبل لاتحكم وتشوف من ارجع وتسمع مني يله
فضل هالمره مديت ايدك عليه بدون سبب ولاذنب وحق الي خلقك اذا انعادت
ماتشوف وجههي ولاتشوف وجه بنتك
عفته وطلعت....
غادة/اعرف تهديدي بس كلام اصلا وين اروح منو الي
منو يستقبلني ابوي الي كل روحه يسمم بدني بكلامه وشكد مثقله عليهم وارجع زعلانه منو اصلا يعبرني حظي الاسود واعرفه ...
خلص الاء كشفت عن وجهها الحقيقي المفروض بعد اتحرز منها وماامنلها ابد
طلعت اشر ملابس ايلاف
شفت الاء تكنس بالحديقه بس الوجهه صاير خرايط
استغربت شبيها ولااكدر اسالها المفروض مااحاجيها
بس اجت رقيه بنت فضل تاخذ ايلاف لان متعوده عليها .....
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
