قدري الاسود

الحلقة(63)

الحلقة(63)  من القصه الحقيقيه #قدري_الاسود
بقلمي #الكاتبة_شهناز_الخزعلي  #جيمن_جلال

غادة/كل حدث يصير اكوله لفضل واخلي بالصورة حتى لايلومني بعدين وحتى لاالوم نفسي هم
ليش خليته وراي وماكتله
بس كل الي يسوي فضل يكول لاتخافين ماتكدر تسوي شي ..
مااعرف منين جايب هاي الثقه الزايده ...

وبيوم نزول فضل من الدوام كعدت من الصبح حتى ابدي استعدادا لوصوله
سمعت حركه وريحه موطيبه دورت بالبيت ماكو اي اثر
فتحت البرده الي تطل شباكها على بيتهم ماكو احد
بس الريحه تقوى كل مااتقرب للشباك
ولمحتها تشعل ورق وتخلي جوة الشباك
اتخبل لزمت الشباك حتى اتفتحه ولان عالي ومضلل الي بالداخل ميبين
ضليت اجر بي اريد افتحه ماكو عصى باايدي مع العلم هو بس الزم اليده ينفتح وحده
ضل كلبي بقلق شتسوي وليش تشعل هاي الاوراق  دكيت على الشباك حتى تلتفتلي وتحس اني مراقبتها وشفتها ..

ماكو كأنو سراب جنها ماتشوفي او متعمده متشوفني بس مااضن متعمده ماتشوفني لان لو شايفتني على القليل جان ارتبكت او خافت اني كشفتها .. يس هيه بقت مستمره
خوفي زاد واحس حتى شكلها مرعب ومخيف
الخوف الي سيطر عليه لدرجه احس كلبي صار يخفك بقوة
.... حجيت لفضل الي شفته ....وراح تعارك وياها عركه جبيره وضاربها على خشمها بعدين عرفت متجاوزه عليه وغالطه ضاربها
بس اولاده واكفين ضده ومقابلين يضرب امهم حتى وان هيه الغلطانه .... زعلت وصارت ماتوصلي وهذا الشي مفرحني ومريح كلبي
بس حربها عليه زادت واحاول اتماسك قدر الامكان وماانهار لو اضعف ...
احاول اصير قويه ومايهمني الي تسوي
يكفي فضل الي ومن اشكيله يخفف عليه بكلمات طيبه حتى وان مايحل مشكله او يوكف بوجههم...... عرفت طبعه وتعلمت عليه وصار عندي شي عادي مااعرف شضاملي الزمن ...

ومره اجتني المرة الي خطبت سارة لاخوها وماصارت القسمه
رادت اخيط الها ملابس بس صدمتني من كالت "

_غادة عفيه مو تزعلين مني بس سمعت كلام ولازم اكولج بي

غادة:شكو شنو سمعتي !!! وشي يخصني يعني

_ اي ومايهونلي اعوفج بدون ماتعرفين

غادة: يمعوده احجي خوفتيني ..
_ الاء ضرتج

غادة: شبيها الاء !!!؟؟

_ تفتر على كل النسوان الي تخيطيلها وتكوللهم لاتخيطن عند غادة تبوك قماشجن وتسوي بي ملابس لبنتها وتخليلجن شغلات بسيطه وتاخذ منجن فلوس هواي ..

غادة/تخبلت معقوله !!!!!! معقوله توصل بيها الحقاره توكف برزقي وتحاول تشوه يمعت خياطي وتكوللهن تبوك قماشجن
كتلها "

غادة:يعني بالعقل .. صدكن الكالته ليش هيه الي تدز قماش مو محدد
يعني مترتين ونص القطعه مالت القماش بعد الفصال والترتيب تطلع وصل بسيطه ماتصير ملابس للعابه مو لبنتي العمرها اربع سنوات ونص