قدري الاسود

الحلقة(72)

الحلقة(72) من القصة الحقيقية  #قدري_الاسود
بقلمي #الكاتبة_شهناز_الخزعلي #جيمن_جلال

شوكت تكلــي احبـــك واطمئن ورتاح
ادري بـــداخلك بـــس انـــت متـردد
حبيتك صدك صرت احجي بيك هواي
وانـــت بسكتتــــك ويـــاي متقـصد
حبيبـــي بضحكتك كل همومي تزول
ومن تخجـل كبالـــي خدودك توورررد
ومن تسكــت اقــراك اعرفك شمابيك
ومن تحجــي على كيفــك جنك تغرد
بس اغلط حبيبــي وكلـــي انه اهواك
وانت
تحبنــــي ادري وانــــي متاكــد

غادة:مرات اقرب الناس النا يخذلونا والخذلان تعودته من ناسي وخاصه من فضل ...
بس مابيدي شي اسوي هالمره مو استسلام خوف ولامحبه لا استسلام لان ماليه مكان اروحله اهلي اذا يردون يتحملوني يوم او يومين .. بس بعدها يملون وراح يحاربوني أبنتي  وهذا الشي صار .. بعد كعدتي عدهم شهر
ابوي عرف وضعي وعرف اذا رجعت الاء ماراح تفك ياخه مني بس ماوكف وياي
من عرف بأتصالي بفضل خابره وكله تجي نتفاهم
بعد يوم اجه فضل واني والبنات مجموعات ورا الباب نستمع الهم ....
كاله ابوي"

ابوي:سيد انت من اجيت وطلبت شنو شرطت عليك ؟؟
فضل :ماشرطت شي عمي
ابوي: ومن اجت زوجتك وكعدت هنا بمكانك شنو كتلها تذكر ! كتلها يجي يوم وتحاربينها وتغارين وووو صح لو غلط ؟؟
شكالت ! كالت لا ابد اعتبرها بنتي واختي الصغيره مو
يعني هيه تقبل احد يسوي بسجى الي سوته ابنتي ؟؟ حالت غادة تعرفها مو البنيه اجت تتخبل وتفقد عقلها بسبب زوجتك ....
وليش علمود شنو

فضل :عمي والله هذا الحجي كله اعرفه واني اعتذر عن كل تصرف بدر مني اتجاهه غاده وحسته عدم تصديق لحالتها
بس عمي انت صير بمكاني
عندي ولد وذول الولد جاي يكبرون ويفتهمون ومايلين لامهم حييل
يعني اي تصرف مني راح يصيرون ضدي ومااكدر اخسرهم هم الناس راح تلوم عليه وعلى غاده شكلك هيه خربته على بيته وأولاده
اني انطيك عهد ماتوصلها الاء ابد ولاالها دخل بيها لامن بعيد ولامن قريب
عمي وداعت ايلاف الاء مجرد اسم بالبطاقه مو اكثر واذا يرضيك اهدم البيت اهدمه ماعندي مانع بس وراها شنو لاهيه راح ترتاح لان اعرف كلبها اطيب منه ماكو ولاانا ارتاح لان كلبي هم يم ولدي

ابوي:لاعمي انا هم مايرضيني تهجم بيتك على حساب سعادة بنتي
بس عمي انتبه للتصرفات وخلي عينك على اعيالك انت رجال ولازم اي خطوه يخطوها انت تعرف بيها مو لو لا ؟؟....

حسيت ذني الكلمتين حييل وجعن فضل
بعدها اجا ابوي .. كال "

ابوي:بابا رجلج هاي شخصيته وهذا اسلوبه وماعنده لايشيل عن بيته واحنا نعرف بضرفه ولايكدر يعوف عايلته
اذا تكولين ارجع لازم تاخذين حذرج ميه بالميه وماتأمنين نهائيا
واذا تكولين لا مارجع من هسه كوليلي حتى انطي بنته ويروح لحال سبيله...