الحلقة(19) من القصة الحقيقية #قدري_الاسود
بقلمي #الكاتبة_شهناز_الخزعلي
اسعد/اشمرج على ابوج وتوصلج ورقه طلاكج ماالفي عندي خاينه وماتصون العشرة
لينا/رفعت راسي بكل كبرياء لان اعرف نفسي ماغلطت وتهمت زور .....
لينا:شوف راح يجيك يوم وتكتشف اني مو خاينه ومشيت ورا اوهام ورا ناس يريدون يوكعون بيناتنا وراح تعض اصبعك ندم وحق الحق يا اسعد لو تجيني تزحف على رجليك مااسامحك ولااباوع بوجهك......
اسعد: ومنو يباوع بوجهج انا لو مااابوج يكسر خاطري اله افضحج بس راح استر عليج واكول لان متخلف راح اطلكها وانتي واهلج تتجازون كومي خلصيني ...
كمت اسحل بروحي سحل من الالم والضرب الي اكلته نزلت الدرج بايه بايه وانا استعرض كدام عيني كل لحظه مرت عليه بهذا البيت ٤ سنوات خلصتها مر بمر وتاليها يطلعوني بهيج طريقه الله ينتقم من كل سوه هيج بيه بجاه كلمن اله جاه عند ربي دعوة مظلوم يارب .
وصلت للباب صاحت عمتي....
عمتي: اخذي ملابسج المن مبقيتهن بدل مانحركهن.
درت وجهي عليها......
لينا:تذكري عندج بنات ويجيج يوم تشوفين الي شفته
عمتي: لا عيوني بناتي شريفات مايصادقن ولد وهن مزوجات....
لينا:الله كريم ...
وصلني لبيت اهلي وكلي "
اسعد: انزلي وانا راح احجي وي ابوج ...
دخل وراي واني دخلت للبيت تلكتني امي وغادة شافو وجهي شلون صاير خرايط من الضرب .....
شهكت امي ودكت على صدرها .....
ماما:يمه بنتي شبيج ولج منو مسوي بيج هيج ؟
انا بس اناشغ وعيوني تصب وهيه تهز بيه ...
امي:شسويتي وهيج ضربوج احجي ؟
غادة:صدك جذب يمه ماتشوفين البنيه حالتها حاله اتركيها ترتاح ..
امي: رجلج المصخم وين؟
لينا: يم ابوي بالاستقبال.
امي: ابوج شافج؟
لينا: لا دخلت كبل لهنا ؟
امي:شسويتي احجيلي ..؟
حجيتلها السالفه كلها ....
امي:وخليتي يدخل لابوج وحده يصفط حجي وانتي حتى مادافعين عن نفسج ؟
كومي وياي.......... كومتني من ايدي ودخلنا للاستقبال ..
كام اسعد يسلم على امي.....
وكفته امي كالتله"
امي: ماريد سلامك خلي الك . بنتي شمسويه وهيج مخرب خلقتها ....
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
