تعديل و أعادة .....
الحلقة (40) من القصه الحقيقيه #قدري_الاسود
بقلمي #الكاتبة_شهناز_الخزعلي
غادة/دخل بسام عليه كال "
بسام:غادة حبيبتي الله كريم وقادر يعوضج بخير اعرف اذا بقيتي هنا مكابله ملابسه وكاروكه راح تتخبلين راح ياخذج باجر من الفجر خالي لكربلاء وبثي شكواج لاباعبدالله الحسين ع مو تعشقين اهل البيت ؟
باوعتله بيأس ياترا احبهم اهل البيت وهم يحبوني انا من نسلهم ليش الجاي يصير بيه هذا
سارة: اي غادة روحي هناك ابيت خالو وبقي يمهم بلكي اهل البيت بجاهم عند رب العالمين ينسيج ابنج
غادة: مستحيل انساه
وصار وقت اليل وقت تقليب المواجع والهموم
صدري ورم مليان حليب وين اوديه المفروض هسه ابني بحظني وارضعه وين ودوه المن انطوه شيرضعونه منو اله انعام لو ليلى منو ترحمه بيهن وهن مايعرفن طعم الرحمه.....
لا يحفظه الله الي ويجي يوم يكبر ويعرف شلون اخذوه مني وشلون أذوني اي اسولفله بس اشوفه واحجيله شكد أذوني حاظنه ملابسه وحجي اجت لينا كالت"
لينا: غادة خوالي يصيحوج .
كمت على حيلي افترت الدنيا بيا ..عفيه حيل وصبر بيه ... سندتني لينا من ايدي دخلت عليهم اول ماشفت بيبيتي بجيت
امي ي:مه بيبيتج تعبانه كلش وتأذت عليج اكثر فدوة لاقهرينها بوضعج كالت تجي تنام هنا يمنا
فرشولي فراش بنص خوالي وامي بصفي وخوالي كل واحد بجهه غمضت عيوني ورحت بعالم ثااني .. وشفته بالحلم يصرخ وجوعان وانا بعد عنه متر بس مااكدر امد ايدي اله واصرخ تعال ماما هيانه يمك تعال ارضعك ماما صدري در حليب تعال وانت جوعان اصرخ
فزيت دموعي على خدي واني نايمه
لكيت خوالي كاعدين يباوعولي ويبجون وامي خانكه روحها بالمخده وتشهك ....
كعدت على حيلي ركضلي خالي كال "
خالي: خالو غادة وين رايح
غادة:للحمام
خالي: اروح وياج اخذج اني..
غادة:لاخالو شنو زغيره اعرف اروح وحدي
خااي:ميخالف
غادة: لا خالو لاتسوون هيج اعرف اتعايش وي المي
رحت للحمام وفرغت صدري من الحليب الجان مفروض ابني يرضعه عيوني مورمه وجهي ذبلان وحيلي مهدود .من رجعت لكيت سارة كاعده ومخليه راسها بين رجليها دنكت عليها كتلها"
غادة: سارة حبيبتي ليش هيج كاعده وشعندج كاعده لهسه .
من شافتني طفرت حظنتني كالت "
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
