قدري الاسود

الحلقة(54)

الحلقة (54)من القصه الحقيقيه #قدري_الاسود
بقلمي #الكاتبة_شهناز_الخزعلي  #جيمن_جلال

ملاحظه/الحلقة قصيرة  جدا للتشويق....

يانسمه هوى شمدريني راح اهواك
كلت مثل الهوى وماادري شميتك
من ذاك الوكت ماغبت عن البال
الگلب باسمك تسجل وانحسب بيتك
فصلت البشر سويتهم تمثال
وانت الروح بالتمثال خليتك
حجر كل الناس بس كامو يحنون
قطره انطيتهم من بحر حنيتك

سارة: الزميني عفيه لااشرد وراوح اغتصب ابن خالج والله يالله...........

ترجع ل لينا...

لينا/عرفت نفسي حامل بشهر الثالث .. فرحتي ماتنوصف اخيرا راح اصير ام وبداخل احشاء كائن ينتمي الي ...

احساس حلو وفضيع ومخيف بنفس الوقت .. شلون راح اتعامل وياه وشلون اربي بطريقه صحيحه والبيئه العايشه بيها كلها مو صحيحه ...

العائله الي عايشه وياهم مايعرفون شنو صلاة
وشنو صيام بس عمتي ام مختار
زوجه فرقد حماي مرضها وصل بمرحلته الاخيره وصارت جلد وعظم وجهالها يكسرون الخاطر من اشوفهم يباوعون لامهم وهيه تذبل كدام عيونهم يوم بعد يوم
احاول اعوضهم بشي بسيط لعب او اكله اسويها الهم مع العلم هم عازلين واكلهم وحدهم والي قايمه بواجبهم حماتي سناء

مختار أعتبر خبر حملي طبيعي وكأنو هذا عاشر طفل الي ماحسسني بفرحته  يمكن تعلقه بأبنه
بس باقر من سمع بخبر حملي اول ايام بين طبيعي بس بعدها اشوفه يضوج لو يسوي شغلات تخليني اكرهها  الكاه ساد باب الغرفه وشكو حلويات لو شغلات تخصني شامرها بسطله الزباله . 

ابد مااحاسبه توبت من اخر مره لكيته كاسر الثلاجه واكع بابها على النص من رجعت من اهلي وشفتها تخبلت واخوته كالو باقر الي كسرها لان خسر بللعبه
صحته ولزمته من قميصه وكتله "

لينا:شوف ولك خاف محد مربيك قبل لو ماتعرف شنو تربيه وماتخاف من احد وعلي ابن ابي طالب  اله اعلكك بالمروحه شايف وهيه تفتر املخك تملخ شنو هذا الستهتار سمعتني لو لا ؟

هو يباوعلي بغضب كال"

باقر: صار بعد مااعيدها

بس من رجع مختار ومسولفله عكس الصار كايله كاعد العب بلي وجرتني من فانيلتي وكتلتني وتكولي اشردك لامك ماريدكم يمي بعد
وهاي اخواني يشهدون ماعرف بيش مخوفهم

اجه يحاسبني ....كتله:

لينا:شوف لاانت ولاجهالك تهموني وعلي الم هدومي واروح لاهلي لو تربي ابنك لو معليه طفل زعطوط يتبلى ويألف قصص هذا من يكبر الله اليستر منه اذا مصدكه كلي من هسه حتى مااتعب روحي وابررلك

مختار: لا مامصدكه واعرفج بس مهما يكون متصرف غلط انتظريني واني احاسبه ....

لينا" شوكت كولي شوكت!!! كم مره شكيتلك منه ومن تصرفاته وماهمك بالعكس يزود ماينقص  المثل يكول من أمن العقاب اسأء الادب وابنك مأمن محد يحاسبه
مختار ابنك جاي يكبر وتصرفاته كلها غلط اذا ماتكعد وياه وتحجي راح تفقد الصيطره عليه

مختار:ولايهمج انا احاجيه ....

ورا شويه شفته كاعد على الدرج ومخلي باقر لحظنه ويبوس بي ويعتذر منه
شفتهم هيج كلت لاربحنا تربى ابنك هزيت ايدي وعفته مالي دخل ابد بي ولااحاسبه بعد ولااحجي

كام يتصرف بحقارة واكثر شي من سمعت امه توفى زوجها الي تزوجته وصارت تدز جهالها يخبثون
كتلهم"

لينا: شوفو حبايبي تردون امكم الي عافتكم وراحت تزوجت وهسه ذكرتكم لو تبقون يمي واخليكم بعيوني
كامو واحد يباوع للثاني

كالو:نبقى يمج انتي حنينه وتشتريلنا ملابس وحلويات واللعاب ماما حتى اكل من نجوع ماتسوي

لينا: لعد بعد من ترحون لماما متباتون ترحون يوم وترجعون ماشي

كالو: مانروح ابد

لينا:لا روحو هم امكم وتشتاقلكم بس اي كلام تسمعونه عني لو عن بابا معليكم وكولولها احنا بعدنا زغار مانتدخل اوك ...؟

كالو :اوك

لينا/بعد فترة اجاني خبر هدم كل احلامي وكل حياتي
مرات اروح يم غادة لان قريبه عليه بعد نص ساعه بالسيارة
من اسمع اخبارها وشلون صابره وتقاوم تهون عليه حياتي والمشاكل الي بالنسبه لغادة لعب جهال
نايمه والوحام حيل مأذيني اتصل عليه رقم غريب
شفته غريب عفته ..

لح بالاتصال  انطيته صامت ورجعت نمت
بعد عشر دقايق كعدت فتحت الجهاز لكيت رساله من هذا الرقم الغريب...... _________يتبع

رايكم ......لاتكولون قصير...لان اكو حلقة ....بالليل
لاتنسوا لايك نجمه
تحياتي  #الكاتبة_شهناز_الخزعلي  #جيمن_جلال