الحلقة(11) من القصه الحقيقيه
(#قدري_الاسود).....
بقلمي #الكاتبة_شهناز_الخزعلي
____________
غادة:(/..مرت ايام مثل بعضها صحتي الحمدلله بدت تتحسن بس اكو بحركتي شلون الاعرج برجلي بس عادي اني طلعت من الموت هذا الشي ماهمني ولااثر عليه مرات اسمع حجي بس عادي اطنش.....
ومره برمضان جنه صايمين الدنيا العصر جنت متابعه مسلسل الزير سالم للمثل سلوم حداد اجت زوجه عمي اخو ابوي من ابوه جان جدي مزوج ٣ وعنده ٣ اخوان من ابوه و٢ اثنين اخوات هم من ابوه واخ واحد و٧ اخوات من امه وابوه هذا عمي متوفي من التسعينات وعنده ٥ ولد واربع بنات ابنه الكبير مزوج بنت خالته والثاني مزوج بنت عمتي والباقين ممزوجين ٣....
استغربنا جيتها اول مره تجيني مريه قويه رغم كبر سنها بس بعدها بحيلها وشكلها يوحي بالاستبداد ...
كاعدين كلنا بلهول لمحت لامي انو اكوم يردن يسولفن غمزتلي امي اكوم...
اشرت بكتافي مااكوم جاي اتابع مسلسلتي ايست مني فتحت الموضوع وي امي :
مرت عمي:اريد اخطب غادة لابني يحيى تعرفوه شاغول وخوش ولد واريد اقرب الولد من عمامهم لان صار فترة مقطوعين عن عمامهم...
انصدمت من السمعته تخطب منو اني وجهي صار دم من الخجل غميت روحي من كالتلي امي ماكمت شورطني هسه تكول متستحي كاعده يمنا وتسمع بخطبتها كمت لاكدر اكوم ولااكدر ابقى كاعده تجمدت بمكاني حست بيه امي....وكالت:
امي: كومي جيبي جاي لعمتج .
كمت طياره اركض .
كامن يضحكن دخل ابوي وفاتحته عمتي.....
رد عليها: شكو بيها ابن اخوي واني اريدهم يتقربون من عدنا ليش ننطي للغريب .
اخواتي يتصنتن اجي يركضن هاي التركص وهاي التكمز راح يصير عدنا عرس وكامن يخططن شيلبسن....
وشيسون اضحك عليهن...
كتلهن: منو كللجن موافقه شو وحدجن قررتن وركصتن
كالت اختي هديل : ياا والله بابا كللهم موافقين كبعو واخذو.....
فتحت عيوني معقوله انطاهم جواب بهالسرعه حتى بدون ميسالني رأي هسه يكولون ماصدكو .....
اجتني امي للغرفه ورا العشا كامت تسولف وياي:
ماما: هاي سنه الحياة وكل بنيه مصيرها لبيت زوجها وابوج انطاهم موافقه وبعد كم شهر الزواج .
غادة:زين ماما ماكو عقد نيشان حفله مشيه زلم على الاقل ......
ماما: هاي كلها شكليات احنا ولد عم يعني ميحتاج لهاي الشغلات وبعدين شسوين بيهن ياامي...
كلت بكلبي عادي هو اصلا اني شكله ماشايفته وقررو من يمهم ..
بعد فتره اجه الولد ابن عمي حتى ينطيهم فلوس النيشان مااعرف شكد وشنو انطوهن لامي رحت ركض اباوع من شباك الاستقبال لشكله شفته يسولف وي اخوي منطيني ضهره طويل عليه اكتاف عريضه مبين هيبه بس كلت شعجب هو ماطلب يشوفني معقوله مايهمه شكلي المهم زواج......
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
