الحلقة(65) من القصة الحقيقية #قدري_الاسود
بقلمي #الكاتبة_شهناز_الخزعلي #جيمن_جلال
الدنيه بيه اشكال بس شكلي جديد
للأسف ربتني ناس تعوفني
ليش خالي يذبني بالشارع يريد
الناس غربه وتبجي من تشوفني
المابجه لحالي اظن كلبه حديد
طفله ماحسبوني ودوني بعيد
الصعبه كالولي نجي وماجوني
كلت ابجي وبلكت الدمعه تفيد
ماشفت بيهم رحم ذبووني
غادة/عسى ان تكرهوا شيئا وهو خير لكم
كلمات بغايه الروعه فقط للي يفهم معناها
شكد نحاول نتمسك بلاشياء حفاظا عليها ومن نخسرها ننقهر مع العلم ربنا اعلم اذا بقت بيها اذيه النا واذا زالت بيها راحه لكن لانعلم والله يعلم .....
وصل حملي بشهر السابع وزادت كوابيسي افز من النوم مرعوبه وعركانه تكررت الحاله ...
فضل من يشوفني بهيج حاله احسه ينقهر بس مابيده شي فضل مقيد بقيود خفيه مانعته يتكلم او يتخذ موقف .. مااعرف هو سحر
او ضعف شخصيه او مراعاة للمشاعر
واي وحده بيهن مالي مصلحه بسكوته ...
وبيوم كعدت من النوم ابجي من الخوف
بالحلم .... امشي بين القبور واي قبر امر من يمه ينفتح ويطلع الميت يمشي وراي
صارو الاموات الي يمشون وراي هواي صرت اركض بكل قوة واحس رجليه مقيده وماكدر اتحرك
وصلت لمكان ضخم وبي قبر كبير اول ماوصلت شافني رجال اركض والاموات يركضون وراي .. كال هاج عمو اخذي هاي اتغطي بيها ماراح يشوفوج
وصله حمرة كبيره بس العطر الي يفوح منها
وكأنو عطر الجنه
لزمت الوصله وخليتها على راسي وتغطيت بيها
اول ماوصلو الاموات للقبر الضخم بلعتهم الكاع واختفو
من امنت اختفو رفعت راسي وشفت الرجال بوكفته كتله عمو انت ماتخاف من الاموات
وهاي الوصله منين وليش هيج بيها عطر
كال عمو هاي رايه ابو الفضل العباس
عمو انتي مريضه ودواج عند (سعيد ابن جبير )
فزيت من نومي فرح وخوف ورهبه
حجيت لفضل كال"
_ سعيد ابن جبير بقضاء الحي اخذج بس استلم راتب
لان المسافه بعيده عنا
بعد فتره انعادت نفس الحلم والاموات تطلع من القبر وتريد تخنكني افز بخوف يسلب الروح
فضل من احجيله يقرا قران عليه وادعيه بسكوت
انا احجي واكوله فضل الي بيه موطبيعي فضل خلينا ننتقل لغير بيت
جوابه دائما .. ...وين نروح ومنينلي فلوس اشتري بيت وين اكعد وانا هنا بيتي وجذوري واهلي غادة شيليها هاي السالفه من راسج ..
استسلم ماعندي غير حل لااكدر اخيره واعوفه وارجع لاهلي ولاكدر اتحداه وتصير مشاكل ويكرهني .
وسيلتي الوحيده هيه الدعاء والصبر .....
مره جنت عندي زيارة ومن رجعت لكيت باب بيتي مفتوح مع العلم اني اقفله بقفل وسلسله
دخلت للبيت لكيت كل اغراضي مطشره على طول البيت مفردش وحالته حاله وكانو داخله اعصار ...
تخبلت وصرت ادك على راسي غراضي واشيائي منو داخل لبيتي وشلون دخل
مالمست شي واتصلت على فضل حجيتله
كال "
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
