الحلقة (51) من القصة الحقيقية #قدري_الاسود
بقلمي #الكاتبة_شهناز_الخزعلي #جيمن_جلال
#هــيه لحـظـه
تـصـيــر #ذكــره
وتـــحــرگ بــگـلبك #عــمـر
سارة/
عديت المرحله الثالثه واني ارفض كل شخص يتقدملي عن طريق الكليه . من القصص الي اشوفها واعيشها .
بس بداخلي اخفي حب وانتظار لشخص مااعرف يعرف بيه اصلا اولا ...
الحب مرات يجي بدون استأذان وبدون مقدمات
اله حبي لابن خالي (معن) بمقدمات واستأذان
شكد حاربت بين كلبي وعقلي وصارت صراعات
مااحب ولاادخل علاقات لان اعرف اهلي واعرف حظنا من الدنيا شنو
وكلبي يدك الف دكه من يجينا خطار لو ينذكر اسمه
معن ابن خالي الكبير ساكن محافظه جنوبيه
خريج كليه العلوم متفوق وملتزم دينيا مؤدب ومحترم مايوم تصادفت وياه ورفع عينه بعيني
جنت من يجينا اسيح واموع واني اتصنت اله ومن يحجي
حبه بقى بداخلي محد يعرف بي حتى اقرب الناس الي غادة (اختي وصديقتي وامي ) ...
قررنا نروح زيارة للامام الرضا سلام الله عليه
وافق ابوي اروح وياهم بس تكمل معاملتي مالت الجواز
كملناها ومن رجعنا شفت سيارة طابكه بالباب
السيارة غريبه ردت انزل
انفتحت باب بيتنا وطلع معن ابن خالي
استغربت معن عدنا من شوكت وشيسوي ؟
بقيت بالسيارة مانزلت وبقيت اتمعن بشوفته واني ورا جام مضلل مايشوفني....
اشوفه سلم على عامر وماخذه بالاحضان بس نضره عليه
اني اشوفه بس متأكده مايشوفني لان مضلله
بس ليش عيونه لجهتي من الباب معقوله يشوفني
ضليت سارحه بنضراته وطوله وتقاسيم وجهه الي تبعث بروحي امل وتخلي نبضات كلبي تتخربط
ضليت اكثر من ربع ساعه بالسياره ماريد انزل وانحرم من النظر اله...
ماحسيت اله انفتح باب السياره وصاح عامر"
عامر: سااارة سالمين غفيتي شنو يله انزلي
اباوع ل معن كاتم ضحكته كوه نزلت بس مفتشله
سارة: شبيك حسبالي يمك احد غريب مانزلت
رفعلي تك حاجب معن بنضره ممصدك جنه يكولي غريب يعني ماجنتي تباوعيلي
سلمت عليه بشموخ ومن ورا خشمي بس كلبي يركعني دفرات ويلومني وهو سايح
دخلت للبيت تلكتني امي .
اني:ها بشري كملتو كتلها اي كملناها
سارة:يمه شنو بيت خالي هنا !
أمي" لا ليش
سارة:مو معن شفته بالباب
امي: اي جاي يكمل شهادة الجنسيه علمود طلع تعيينه
.. بكلبي كلت يمه فدوة يستاهل
واضحك على روحي
صبينا الغدا اني وامي وسجى عند اهلها
الي لاحظته بسجى تغار من اي شي وخاصه مني مااعرف ليش مع العلم اعاملها كأخت واكثر اذا اشتري شي اشتري الي والها واذا زغرت ملابس عندي واشوفها عجبتها انطيها الها بدون متطلب بس تضايقني مرات من تحاول تصتزغرني او تقلل مني كدام ابوي
مرات تسوي شغله وتذبها براسي لو تكذب وهذا الشي يخبلني اموت من الكذاب لو الافتراء.
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
