الحلقة (25) من الرواية الحقيقيه #قدري_الاسود
بقلمي #الكاتبة_شهناز_الخزعلي
تليكينا امي وكلنا : منو هذني وشيردن؟
أمي: خطابه ..
ضلينا وحده تباوع للثانيه خطابه المنو انا طبعا مستبعده نفسي نهائيا....
غادة: ..منو خطبو؟
أمي: الج خطابة.....
غادة:شنو المن؟
أمي: الج جايات عليج بالاسم ..
غادة: شنو عليه منين يعرفني ومنو هم والمن يخطبني
أمي:هاي نوال وبنت عمها نجاة جايات يخطبن لابنهن سامي .
....صفنت هذا الاسم مو غريب عليه .....
غادة:يا سامي؟
أمي: سامي الي سعالج بمعاملة ابنج وجوازج ضربت كصتي ...
غادة: ياااا هسه تذكرت ...
أمي: اي هو دازهن عليج
غادة: شيعرف عنا ودز يخطب عجيب هاي البشر
أمي: يكولن داز قبل المختار يتوسطله كايله رجعت لابن عمها زوجها ابو ابنها....
ومأيس وقبل فتره سال عليج بالصدفه شخص من المنطقه ماكالن اسمه كايله اصلا ولارجعت ولاشي وقبل شهر توفت بيبيتهم ماكو هيج شي.....
.....ضليت صافنه ومستغربه الوضعيه ....
غادة:وهذا شعرف عني وجاي يخطب هيه ساعه مدري ساعتين .
هزيت ايدي والله بطران هذا ....
امي: اي شكو بيها لاانتي اول وحده ولاثاني وحده شنو عجيبه ....
غادة:اي عجيبه انا مطلكه مرتين وغسلت ايدي من الرجال مسودنه وابيع روحي الله يخليلي ابني .....
بلا شرديتي عليهن .....
أمي: كتلهن الراي بيد ابوها ومايعرفون بالزواج الثاني وماجبتلهن طاري ماكو داعي يعرفون لامثبت بمحكمه ولاهاي كلها خمس ايام ...
غادة:ماما اشو تحجين من باب القناعه شنو انتي مقتنعه ...
أمي: والله ياماما اشو الي حجنه يبشر بخير
غادة:وشنو هو الي يبشر بخير ...
شعجب مامزوج لهسه وشعجبه بيه
سارة: لااا شعجبه شنو اصلا كلج على بعضج تعجبين .....
غادة: منو يشهد للعروسه
سارة: هذا حك مو مديح
غادة: يمه عوفج من سارة وجاوبيني ليش ممزوج لهسه وليش يزوج مطلكه وعدها ولد ؟
امي :يمه الولد مزوج..
رأسا شهكت !!!!!
أمي: اسم الله شبيج مطلك موعنده .....
غادة:ليش شنو السبب؟
ماما: ماحجن تفاصيل بس كالن ماتوالمو
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
