غادة/جمعت ملابسي وطلعنا من بغداد وانا وياي ورقه طلاكي من السيد الي مالحكت تتصدق بالمحكمه وهاي هم نعمه رجعت وي ابني لغرفتي الي كل ماابتعد ترجعني الها هالمرة شمرت كل شي وراي وقررت ابني نفسي بنفسي واحاول انسى ودعيت ربي يجبر كلبي ويعوض سنيني .....
رجعت لحياتي الطبيعيه الي ماتخلو من المشاكل والمشاحنات
اخوي عامر ابتعدت عنه ابتعاد كلي خوف من يكرر فعلته وياريتني تصرفت هيج قبل لااوقع نفسي بهاي المصيبه ......بس بس بعديش ...بعد ما اتورطت ونحسبت نقطه ...وعلامه علية ....
اخواتي سارة خامس اعدادي وشاده حيلها على الدراسه وصارتلي اخت وصديقه اكثر من قبل.
بسام بعد ماصارو عنده ولد اثنين وبنوته قرر يعزل يطلع من البيت طبعا اهلي رفضو بااعتباره الابن الاكبر ومعتمدين عليه ولازم يكون سند لابوي واذا ابتعد راح يصير مثل الخطار وفعلا هذا الصار
صار يجينا كل اسبوع نص ساعه حاله حال الخطار واذا عطلته امي للغدا او عشا يتعذر ويطلع ....
غرفته اخذوها الولد ....وحنا بغرفتنا
ذبيت نفسي على الخياط وكمت اخيط للجوارين والمنطقه كلها انعرفت بخياطي الراقي والمرتب .........
صرنا بالسنه ٢٠١٠ اكثر العراقين طلعو جوازات وراحو زيارة ايران للامام الرضا.عليه السلام .. امي وابوي طلعو لايران اربع مرات....
والمره الخامسه طلبت من ابوي اروح وي امي لزيارة الامام الرضا (ع)
رفض ابوي رفض قطعي ....
شكد توسلت وجنت جامعه ٣٠٠ الف من خياطي كلتلهم كروتي ومصاريفي عليه بس وافق ازور خليت امي تتوسل بي ماقبل ....
ويوم جان جاينا خطار بسام هو وعايلته كلت فرصه بلكي اخلي بسام يحاجي ابوي حتى يقبل اروح وي امي
عطلناهم للغدا كوة بقوو ورا الغدا صحت بسام لغرفتي دزيت عليه ابنه علاوي عمره ٣ سنوات كتله صيح بابا كله يجي يسوي واير الثلاجه حتى لايحس ابوي خاف يعاند وميقبل ......
اجه بسام دخل للغرفه لكانا مجموعات
بسام: يستار جمعتجن تخوف هههه ......وضحك
كلناله :لا ان شاء الله ماكو شي يخوف بس اطلب منك طلب بداعه بنتك لاتردني
بسام: كولي؟
غادة:فدوة بسام امي راح تروح لايران تزور الامام الرضا ع وانا مجمعه كم فلس واريد اروح وياها فدوة
بسام:اي متروحين اذا مجمعه فلوسج !!
غادة: مو ابوي مايقبل
بسام:ليش مايقبل.
غادة: ماعرف شكد توسلت بي ماقبل فدوة بلكي تحاجي انت واعرف مايردلك طلب والله كل شي مااخسره كله مني بس موافقته _
..
فرك لحيته ....
بسام: وانا شأحصل ؟
غادة:ه خليني اروح ازور والله اجيبلك قرأن هديه بيتك
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
