حلقة(20) من #قدري_الاسود بقلمي #الكاتبة_شهناز_الخزعلي #جيمن_جلال
_______________________________
بين الحزن والحزن .....حبل وصل .....؟
غادة:عزا العزاج منين خابرج؟
لينا: البارحه مثل كل يوم من تنام ماما اتسحب اخذ تلفونها حتى العب لعبه الحيه تدرين يامرحله واصله
غادة/كفختها على راسها بعصبيه ...
غادة: احجي ولج ياحيه حيه تلدغج ام المصايب منين جبتي رقمه ؟
لينا: وانا العب ساعه ١٢ ونص رمش رقم غريب طنشت وكملت لعب بعدين دك سويته صامت وكملت لعب من كام يلح انطيته رفض ورا دقيقتين دز رساله مكتوب بيها:
( لينا اعرف بيج كاعده تلعبين بجهاز امج افتحي خط انا اسعد .....
كلبي كام يخفك بكل مشاعر الكون من خوف واشتياق ولهفه وكره وحقد ضليت ارجف كلت شمدري انا لازمه التلفون ....
دك دك كلت خليني افتح خط شيريد يسوي مثلا.....
واول مافتحت خط...
اسعد:اسف قبل كلشي واعرف لااعتذار ميفيدني ولاندم الي سويته اكبر من ان اتاسف
لينا/كتله بعصبيه...
لينا: واذا تعرف الي سويته اكبر من ان تتاسف عليه شعدنك متصل لو طالعلك ابوي لو امي شيكولون؟
اسعد:نسيتي اعرف من جنتي تباتين عند اهلج تاخذين تلفون امج تلعبين حيه واعرف هذا الطبع متغيريه
لينا: مثل مااخذت تلفونك ودزيت بي رساله لصاحبي موو ؟
زفر بقوة زرف طبله اذني ....
لينا: زعجتك الكلمه بس مافكرت من اتهمتني هيج اتهام باطل؟
اسعد: جنت اعمى ومااكدر اصدك منو عيوني الشفت بيها الرساله بتلفوني لو صراخج وانتي تكولين ممسويه شي .
لينا:وهسه شنو التغير وجايني نص اليل تتاسف...
اسعد:عرفت انتي بريئه والي صار مكيده حتى يفرقونه.
ضحكت ضحكه ممزوجه بدمع ...
لينا هستوك يله اكتشفت صلاوات على محمد جاي من وكت ...
اسعد:لينا لاتستهزئين ترا البيه مكفيني مو هين عليه
لينا: هاا البيك مكفيك وجاي هسه تقدم اعتذارك حتى اسامحك مو؟
اسعد: ونرجع سوه وشرط بيتج وحدج
لينا: شوف اسعد اذا ناسي اذكرك من طلعت من بيتك بتهمه قذره وضرب الحيوان مايتحمله . لو تجيني ندمان وتبجي دم مااباوع بوجهك مو ارجعلك جايني بعد سنتين تقدم اعتذار متأخر وشيصورلك اذا قبلت اعتذارك وهذا من سابع المستحيلات ابوي يرجعني الك
أنت تقرأ
قدري الاسود
ChickLitحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
