الحلقة(34)من قصه الحقيقية #قدري_الاسود بقلمي #الكاتبة_شهناز_الخزعلي
حتى الآن لم يفهمني أحد , لا أحد يعرفني على حقيقتي , لطالما اعتقدت أنني وجدت ذلك الشخص الذي يفهم الإنكسار خلف قوَّتي , الإكتئاب خلف هروبي , والحُزن الذي خلف عُزلتي , حتى أيقنت أن لا أحد معي سواء نفسي التي ارهقتها من اجل غيري..!
غادة/سامي ماخلالي مجال اجاوبه لو ابرر لو ابري نفسي
كالي"
سامي:سمعتي ترحين تعتذرين منها وهسه ...
...
سد التلفون وراح
بقى التلفون بأيدي مستغربه وصعقه الي وكلامه هيه ليله وحده تركته شغيره هيج مكلوب ١٨٠ درجه شجاه
كامت حسبه تجيبني وحسبه توديني بس كل البالي لو اموت مااعتذر من ليلى لو يكطعني
بعد ساعات رجع سامي بس ماصعد انتظرته يصعد انتظرت كلت افتهم منه ويسمعني وبعدين اعاتبه على كلامه انتظرت ماكو نزلت اسمع صوته بالاستقبال ويمه انعام وليلى بقيت مصدومه انعام شنزلها هو مو محذرها متنزل لاوكاعده يمه و ليلى تتمسكن وتبجي شلون وشلون وهو يطيب خاطرها متت قهر حسيت كلبي انعصر عصر
صعدت وعفته كلت خلي يمهن انا ماغلطت بشي لازم تلزم حدودها وكافي عاد
لفيت راسي ونمت مادري بي صعد لا
نص اليل انداريت لصفحتي لكيته نايم بجهه السرير بس بالطرف كانو متقصد مايوصل يمي طخت ايدي بي بدون قصد اشو هذا طفر لنهايه الغرفه مذعور.......
سامي: ليش تلمسيني؟
غادة: شنو شبيك سامي شنو ليش تلمسيني؟
سامي: اي ماريد تطخيني ونطمري لاتخليني اتخبل عليج اليله راح فرش فراش بالكاع ونام .......
وعافني اتخبط باافكاري وحده تلطمني وحده تصحيني على زماني شبي الرجال شصاير ليش هيج متغير كله علمود ماعتذرت من ليلى يعني بدل مايوكف وياي وليش انعام نازله عادي صاير شي مااعرف بي ....
للصبح مانمت كعدت ساعه ٧ الصبح وجانت جمعه
دغني من كتفي كال"
سامي: كومي
رفعت راسي....
سامي: كومي اعتذري من ليلى
... رجعت راسي للمخده وكلي قهر....
غادة:مااعتذر ماسويت شي غلط هيه غلطت بحقي وجان المفروض توكف وياي مو ضدي .....افهمتني
المفروض توكف وياي مو ضدي!! هزني من جتفي بكل قوة كال"
سامي:على شنو اوكف وياج هاا بالا احجيلي
...كعدت....
غادة:اختك تحاول تهججني بكل طريقه شانه عليه حرب من اول مادخلت للبيت وانت تعرف كلش زين وانت حذرتني ليش مستغرب هسه اختك تدخل بكل زغيره وجبيره وداخله غرفتي بدون علمي ولااستأذاني انا هم مره واريد احس بخصوصيه هسه لو ماخذه شي يخصك معليه ولو الها هم معليه بس لزوجه حماي توزع وبدون علمي
لاتفكر ضاكت عيني على قميص لاوالله بس الفكره شلون تتجرأ تدخل غرفتي وتدور بكنتوري وحتى ملابسي الداخليه كلها لكيتها مبعثره وجان يصورلي انت .. بس من شفت القميص لابسته عبير عرفت هيه الكالبه غرفتي ...وست انعام مكابلتك وكاعده وانت محذر لاانا اصعد ولاهيه تنزل شنو التغير ؟
جنت قبل اكول حربها علمود انعام وهاي انعام رجعت عليش بعد حربها.. لو هيه بيها نقص ومرض وغيره .
أنت تقرأ
قدري الاسود
أدب نسائيحقيقيه اجتماعيه ...خيانه..حب..معاناه ..امراه من جيل أخر بقلمي الكاتبه شهناز الخزعلي..جيمن جلال
